ÍBV virtist allan tímann hafa leikinn í höndum sér og voru mun hættulegri aðilinn mest allan leikinn. Skoruðu þrjú fín mörk og lakið hreint. Verðum þó að gefa Haukastelpum það að þær börðust alveg til lokaflauts og komast eins vel frá leiknum og hægt er miðað við úrslit leiks.

Tek mér það bessaleyfi að nefna tvö atvik. Mörk Clöru og Lindu. Þeirra fyrstu í Pepsi deildinni. Báðar fæddar árið 2002. Ekki slæmt.

Haukar sitja enn í neðsta sæti með 1 stig og -19 í markatölu. Virkilega slæm staða. ÍBV í því fjórða á fínni siglingu og taka gott veganesti inn í leikinn gegn Haukum í Borgunarbikarnum á föstudag.

Marjani Hing-Glover átti í miklu basli í þessum leik. Fékk nokkur álitleg færi en alltaf alltof lengi að athafna sig og ekkert kom úr þeim sénsum sem hún fékk.

Jóhann Ingi og hans menn virkilega flottir í kvöld. Reyndi ekki mikið á þá en gerðu sitt upp á 9.5.