Bæði lið voru léleg í fyrri hálfleik. Áherslubreytingar Óla Brynjólfs í hálfleik skiluðu sér. Framarar komu ákveðnir inn í seinni hálfleikinn og voru miklu bitmeiri. Það er í raun ótrúlegt að liðið hafi ekki skorað fleiri mörk.

Lokaflautið. Eftir dramatíkina og alla neikvæðu umræðuna í kringum Fram vissu leikmenn að allt myndi fara í bál og brand ef liðið næði ekki að leggja Gróttu. Mönnum var létt!

Stigasöfnun Fram hefur verið með miklum ágætum. Eins og umræðan í kringum brottrekstur Ásmundar Arnarssonar hefur sýnt. Áfram heldur það gengi. Gróttumenn hafa ekki unnið fótboltaleik í rúman mánuð. Þeim gengur bölvanlega að skora og erfitt er að sjá þá halda sér í deildinni.

Dieterich markvörður Gróttu átti furðulegan leik. Tók nokkrar flottar vörslur en var oft mjög tæpur í ákvörðunum. Þar á meðal í eina marki leiksins þegar hann fór í galna skógarferð sem færði Fram markið.

Sigurður Óli hafði góð tók á leiknum.