Það var ekki að sjá að hér var botnliðið að mæta liðinu úr 2. sæti. Svo fór hins vegar að botnlið Fjölnis slátraði spútnikliði Grindavíkur. Fjölnir var einfaldlega betri á öllum sviðum knattspyrnunnar í kvöld og áttu sigurinn svo sannarlega skilið. Grindavík réði ekkert við hraðan sóknarleik Fjölnis og þá var viljinn til þess að vinna þennan fótboltaleik allur Fjölnismeginn.

Vítaspyrnudómurinn í seinni hálfleik og vítaspyrnan í kjölfarið. Andri Rúnar komst einn í gegn eftir frábæra sendingu frá Gunnar Þorsteinssyni en Þórður Ingason gerði virkilega vel og varði frá Andra. Markahrókurinn náði hins vegar boltanum aftur og lék á Þórð og sýndist mér það vera Þórður sem braut á Andra. Einhverjir dómarar hefðu líklega ekki dæmt víti á þetta en Andri fiskaði þetta og féll nokkuð auðveldlega. 50/50 dómur. Andri steig sjálfur á punktinn en Þórður varði virkilega vel. Saga leiksins hjá Grindavík í kvöld. Það gekk ekkert upp.

Þrátt fyrir afleitan leik er Grindavík enn í öðru sæti deildarinnar, og eru meira að segja þremur stigum á undan Stjörnunni. Þeir geta því litið á björtu hliðarnar, því vinni þeir Stjörnuna í næsta leik er staðan orðin ansi flott hjá þeim. Fjölnismenn geta verið hoppandi kátir með kvöldið. Skora fjögur mörk eftir að hafa átt í erfiðleikum með að skora í sumar og halda hreinu. Ekki nóg með það þá skaust liðið upp úr botnsætinu upp í það áttunda! Gott dagsverk hjá Fjölni.

Hvar á ég að byrja? Auðvelt er að henda öllu Grindavíkurliðinu hingað en það voru ekki allir leikmenn liðsins sem voru arfaslakir. Þeir voru hins vegar nokkrir sem voru slakir. Jajalo í markinu hefur verið frábær í sumar en hann vill líklega gleyma þessum leik sem fyrst. Björn Berg Bryde átti afleitan leik í þær fáu mínútur sem hann spilaði en hann fór útaf vegna meiðsla á 26. mínútu. Félagar hans í vörninni áttu ekki heldur góðan dag, þeir Matthías Örn og Jón Ingason. Slakastir í dag hjá Grindavík voru hins vegar þeir sem liðið treystir hvað mest á að eigi góðan leik, þeir Alexander Veigar og Andri Rúnar. Það gekk ekki neitt upp hjá þeim í dag.

Ágætis leikur hjá Erlendi. Missti sig aðeins í spjöldunum undir lokin þegar hann hefði alveg mátt sleppa þeim en leyfði leiknum annars að fljóta vel.