Engin spurning. Það var ákvörðun Stefáns Gíslasonar að breyta um leikkerfi í hálfleik. Hann fór úr 4-4-2 í 3-5-2 og það heppnaðist fullkomlega. Allt flæði í leik Hauka var miklu betra og þeir sneru leiknum við.

Á 90. mínútu. Þá skall hurð nærri hælum fyrir Hauka! Terrance varði frábærlega eftir skalla, en boltinn skoppaði tvisvar ofan á sláni. Fram hefði getað jafnað.

Haukar eru ósigrandi á heimavelli í Inkasso-deildinni. Þeir eru núna í fjórða sæti deildarinnar, en staða Fram versnar.

Kristófer Jacobson Reyes, Simon Smidt... þeir sem voru vinstra megin í vörn Fram. Þeir áttu ekki roð í Baldvin Sturluson, Arnar og Björgvin í seinni hálfleiknum. Öll mörk Hauka komu eftir spil á hægri kantinum.

Peter Wright. Enski dómarinn átti áhugaverðan leik. Hann leyfi býsna mikið, bakhrindingar og tæklingar. Ekki eitthvað sem maður er vanur að sjá í íslenska boltanum. Hann missti nokkrum sinnum tök á leiknum.