Höskuldur Gunnlaugsson. Gerist ekki á hverjum degi að sami maður leggji upp 4 mörk. Höskuldur minnti fólk á það hversu góður hann getur verið. Mögnuð frammistaða! Einnig verður að nefna varnarleik KA sem var langt frá því að vera sannfærandi.

Annað mark Blika. Enn og aftur eru KA menn að fá á sig mörk snemma í hálfleikjum. Markið setti klárlega tóninn fyrir síðari hálfleikinn þar sem að Blikar réðu ferðinni og unnu svo að lokum verðskuldaðan sigur.

Úrslitin þýða það að Breiðablik fer upp um eitt sæti. Sitja núna í 8. sætinu og eru búnir að jafna KA að stigum í deildinni. Kærkominn sigur fyrir Blikana sem ná að spyrna sér aðeins frá neðstu liðum. En eins og Milos kom inná eftir leik er staða þeirra langt frá því að vera örugg. Engu að síður flottur sigur.

Vörn KA. Blikar áttu í litlum vandræðum með að spila sig í gegnum vörn Akureyringanna í dag. KA menn hafa nú fengið á sig 7 mörk í síðustu 2 leikjum sem að er klárlega mikið áhyggjuefni fyrir Túfa og hans menn. Rajkovic var einnig ósannfærandi í flestum sínum aðgerðum í dag.

Dómgæslan var í fínu lagi í dag.