Matthías Freyr Matthíasson @mattimatt

Textalýsing Skýrslan Viðtöl

Hvað réði úrslitum? Sendinga og knattspyrnuleg geta Hilmars Árna var það sem gerði út um leikinn í dag. Stjörnumenn voru flottir og agaðir í 3-4-3 kerfinu sínu í dag en það var Hilmari Árna að þakka að þeir unnu leikinn. Blikar að sama skapi náðu ekki að opna vörn Stjörnunnar nógu mikið eða oft til að nýta sér það. Bestu leikmenn 1. Hilmar Árni Halldórsson Hilmar Árni er ótrúlega góður knattspyrnumaður með þvílíkt auga fyrir því hvernig senda skuli boltann. Einnig getur hann skorað. 2. Jóhann Laxdal Jói Lax var virkilega solid í vörn Stjörnunnar og það var ekkert sem fór framhjá honum. Atvikið Vítaspyrnan á 2. mínútu leiksins. Martin Lund fékk víti og við hefðum verið að horfa á allt annan leik ef hann hefði skorað úr vítinu. En spyrnan var arfaslök og Haraldur átti ekki í vandræðum með að verja.

Hvað þýða úrslitin? Rúnar Páll sagði í viðtali eftir leikinn að hann myndi ekki kasta inn handklæðinu eins og Heimir Guðjóns þjálfari FH sagði um helgina. Enda engin ástæða til þess. Stjörnumenn eru í góðu færi á að gefa Valsmönnum góða og harða keppni. Blikar eru að sigla lygnan sjó um miðja deildina. Vondur dagur Aron Bjarnason á í miklum erfiðleikum með að skora. Martin Lund klúðraði vítaspyrnu afgerandi og Elfar Freyr var heppinn að fá að vera enn inni á vellinum. Fékk gult spjald snemma í leiknum og var sífellt að brjóta af sér eftir það. Dómarinn - 6 Þóroddur hafði svosem ágætis tök á leiknum en hann fær lægri einkunn en ella vegna þess að hann hafði ekki kjarkinn í að gefa Elfari Frey sitt annað gula spjald sem hefði verið svo fyllilega verðskuldað og voru mörg tækifæri til þess.