Bæði lið sýndu mikinn karakter og vilja til að vinna þennan leik. Fylkir kom frábærlega tilbaka með tveimur mörkum á tveimur mínútum eftir að hafa lent undir og Þór/KA einnig þegar þær jafna á lokamínútunum.

Í rauninni tvennt sem að stendur uppúr. Í fyrsta lagi þegar að Fylkir skorar tvö mörk á tveimur mínútum eftir að hafa lent undir mínútu áður og í öðru lagi jöfnunarmarkið hennar Söndru Mayor undir lok leiks.

Þór/KA eru ennþá taplausar á toppi deildarinnar og eiga leik til góða á Stjörnuna. Fylkir situr ennþá í fallsæti fjórum stigum frá KR. Verður áhugavert að fylgjast með Fylki í næstu leikjum.

Ágústa Kristinsdóttir var í smá basli í endurkomunni sinni og var stálheppin að skora ekki sjálfsmark í upphafi leiks.

Sigurður hafði ágætistök á leiknum og er í rauninni ekki mikið yfir honum að kvarta. Þór/KA vildi sjá Tinnu Björk Birgisdóttur fjúka útaf þegar hún braut á Söndru Maríu innan teigs. Svo vildu þær einnig meina að boltinn hafi verið inni í seinni hálfleik en Sigurður dæmdi þá aukaspyrnu í staðinn. Annars heilt yfir vel dæmt í þessum leik.