Þetta datt með FH í jöfnum leik. Bæði lið hefðu getað hirt stigin þrjú en FH fékk hættulegri sénsa og nýtti einn slíkan á ögurstundu.

Sigurmarkið! Blaut tuska framan í Fylkiskonur á lokamínútum leiksins. Vonir þeirra um áframhaldandi veru í Pepsi-deildinni fara dvínandi.

FH er í fínni stöðu um miðja deild. Útlitið er ekki eins gott hjá Árbæingum sem þurftu nauðsynlega að ná í stig í þeirri hörðu botnbaráttu sem Fylkiskonur heyja. Þær sitja áfram í 9. sæti með 5 stig. Fjórum stigum á eftir KR, átta á eftir Grindavík.

Þetta var jafn leikur og erfitt að velja einn leikmann fram yfir annan sem besta leikmann vallarins og enn erfiðara að taka út einhverja sem átti slæman dag. Jasmín hefur oft spilað betur fyrir Fylki og þær Nadía og Victoria Frances Bruce áttu enga toppleiki fyrir FH. Allar þrjár samt alveg á pari. Fórnarlömb uppsetningarinnar á skýrslunni.

Solid sjöa á strákana. Engin vafaatriði sem sitja í manni eftir leik. Það hefði alveg verið hægt að veifa 2-3 spjöldum en þau eru svosem almennt ekki vinsæl í knattspyrnu kvenna.