Það að Breiðablik voru manni færri í 53 mínútur gerði það að verkum að þeir voru orðnir þreyttir og Víkingar gerðu vel í að halda pressunni í gangi meira og minna allan seinni hálfleikinn. Blikar eiga þó hrós skilið fyrir baráttuna sem þeir sýndu í kvöld.

Rauða spjaldið sem Kristinn fær er alveg eitt af atvikum leiksins en Víkingar áttu líka að fá vítaspyrnu á 14 mínútu leiksins þegar Alex Freyr var felldur innan teigs en ekkert dæmt.

Víkingar sitja sem fyrr í 6. sætinu en nú með 22 stig og aðeins 4 stigum frá öðru sætinu. Blikar eru í 8.sæti deildarinnar og eiga á hættu að sjúgast ofan í fallbaráttuna ef ekki fara vinnast leikir aftur.

Kristinn Jónsson. Hann fær gult spjald á 23 mínútu og svo 14 mínútum seinna fer hann með löppina beint út í Arnþór Inga og bauð þar með upp á að fá seinna gula spjaldið. Milos sagði það sjálfur, svona reynslumikill leikmaður á ekki að gera svona.

Guðmundur Ársæll átti slakan dag. Sleppti augljósri vítaspyrnu. Sleppti því að spjalda Arnþór Inga eftir vel gróft peysutog og missti svo leikinn úr höndunum undir lok leiks.