Magnús Þór Jónsson @maggimark

Textalýsing Skýrslan Viðtöl

Hvað réði úrslitum? Andartaks einbeitingarleysi Skagamanna í fyrsta marki leiksins, þeir voru einhvern veginn aldrei líklegir eftir það til að ná sér í stig. Bestu leikmenn 1. Aron Bjarnason Mark og stoðsending tryggir manni þennan titil, Aron líflegur allan tímann og réð úrslitum í kvöld. 2. Willum Þór Willumsson Það var ekki að sjá að Willum væri að leika sinn annan leik í byrjunarliði Blika í kvöld. Vann fullt af boltum og er alltaf að finna réttar sendingar. Eins og Milos sagði í viðtalinu hefur hann alla burði til að ná mjög langt. Atvikið Ótrúlegur sofandaháttur Skagamanna upp úr horni gaf Blikum sjálfsmark. Það er einfaldlega ekki í boði að slökkva á sér í nokkrar sekúndur í leik í PEPSI-deild. Skagamenn upplifðu það í kvöld.

Hvað þýða úrslitin? Blikar lyfta sér upp í efri hlutann, sitja í 6.sæti og ef úrslit verða þeim hagstæð geta þeir tekið þátt í slagnum um 3.sætið sem gefur Evrópusæti. Skagamenn sitja fastir á botninum, eftir leiki þessarar umferðar eru nú 9 stig í öryggið fyrir þá...og bara 5 leikir eftir. Vondur dagur Skagamenn náðu ekki að gera sér almennilegan mat úr fínum kafla í síðari hálfleik, þar vantaði upp á áræðni og sjálfstraust á síðasta þriðjungi. Tek engan einn út, menn þurfa ákveðni til að skora mörk. Hana vantaði í sóknarleik Skagamanna. Dómarinn - 9,0 Rock solid frammistaða teymisins. Hélt línu allan leikinn og allar ákvarðanir réttar held ég. Fá ekki hærra vegna þess að leikurinn var auðdæmdur. Vel gert.