Matthías Freyr Matthíasson @mattimatt

Textalýsing Skýrslan Viðtöl

Hvað réði úrslitum? Ákefð og vilji KR til þess að drepa leikinn í fyrri hálfleik. Spilamennska KR í fyrri hálfleik er með því betra sem ég hef séð í sumar. Þeir gáfu Blikum engan grið og að sama skapi voru Blikar arfaslakir og það segir sína sögu að þeir fá öll mörkin á sig eftir föst leikatriði. Bestu leikmenn 1. André Bjerregaard Þegar maður á tvær stoðsendingar og skorar eitt mark að þá er þetta bara gefið. Þvílíkur gullmoli sem Kjartan Henry sendi félögum sínum í KR 2. Beitir Ólafsson Gat lítið gert í markinu sem hann fékk á sig en hann átti nokkrar góðar vörslur í seinni hálfleik sem hélt KR í forystu. Atvikið Vítaspyrnan sem Blikar fengu. Þá ekki það að þeir hafi fengið vítaspyrnu heldur það hvernig Gísli Eyjólfsson tók spyrnuna. Hann ætlaði bara að vippa boltanum i markið en boltinn fór í þverslánna.

Hvað þýða úrslitin? Blikar eru ekki enn lausir við fallbaráttuna þrátt fyrir að vera komnir með 24 stig. Deildin er bara svo afskaplega jöfn og þá sérstaklega fallbaráttan. KR aftur á móti vilja gera sig gildandi í Evrópubaráttunni eins og Willum sagði í viðtali eftir leikinn og því var sigurinn í kvöld nauðsynlegur. Vondur dagur Gísli Eyjólfsson átti ekki góðan leik og toppaði hann með arfaslakri vítaspyrnu. Gísli getur gert svo mikið mikið betur og veit það, enda var hann ekki sáttur þegar hann var tekinn af velli. Dómarinn - 6,5 Vel dæmdur leikur hjá Ívari Orra. En hann hefði getað gefið Sveini Aroni rautt spjald fyrir ljótt brot en gerði ekki.