Gæði Þróttara eru einfaldlega bara miklu meiri heldur en Frammara og það var það sem að skóp þennan sigur í dag. Aldrei spurning hvort liðið myndi fara heim með þrjú stig í dag.

Í lok fyrri hálfleiks sauð allt uppúr þegar Guðmundur Magnússon tæklaði Viktor Jónsson harkalega eftir að Arnar Þór var búinn að flauta aukaspyrnu annarsstaðar á vellinum. Viktor þurfti í kjölfarið að fara útaf meiddur.

Úrslitin þýða einfaldlega bara það að Þróttur endar í 3.sæti Inkasso deildarinnar og Fram endar í 9.sæti. Flóknara er það ekki.

Alex Freyr Elísson átti slæman dag eftir að hann kom inná í hálfleik. Átti erfitt með að senda á samherja og var stálheppinn að fá ekki rautt spjald undir lok leiksins.

Ég get því miður ekki gefið Arnari hærri einkunn en þetta þar sem að mér fannst hann hreint út ekki sannfærandi í þessum leik. Gaf mönnum gul spjöld sem áttu það ekki skilið og sleppti að spjalda menn sem áttu svo sannarlega skilið að fá spjald.