Veit eiginlega ekki hvað hægt er að segja að hafi ráðið úrslitum. Leikurinn var opinn og skemmtilegur framan af en um leið og Blikar komast yfir að þá pökkuðu þeir í vörn og náði FH ekki að finna glufur þar.

Mark Breiðabliks eða eins og ég sagði í textalýsingunni. VVVVVÁÁÁÁÁÁÁÁÁ!!!! Þvílíka markið og aðdragandinn. Aron Bjarnason með eina rosalegustu gullsendingu sem ég hef séð, Arnþór Ari á gjörsamlega frábæra móttöku kominn að vítateigslínunni, leggur boltann fyrir sig og smellir honum í vinstra hornið.

Í fyrsta sinn síðan 2003 sem FH er ekki í 2 eða 1 sæti deildarinnar. En þeir eru í Evrópukeppni 2018 og having a laugh. Heimir viðurkenndi þó að sumarið hafi verið vonbrigði í deild og bikar. Blikar enda tímabilið í 6 sæti sem miðað við hvernig staðan leit út fyrir tveimur umferðum, er barasta ágætis niðurstaða.

Steven Lennon sem er búinn að vera yfirburðarmaður FH í sumar sást varla í leiknum.

Vilhjálmur Alvar átti góðan leik fyrir utan þegar hann hefði getað dæmt vítaspyrnu á Blika tvisvar þegar bolti fór í hendur leikmanna Blika en gerði ekki.