Arnar Daði Arnarsson @arnardadi

Textalýsing Skýrslan Viðtöl

Hvað réði úrslitum? Eyjamenn voru einfaldlega í basli allan leikinn og náðu sér aldrei á strik. Það tók sinn tíma fyrir Breiðablik að ná forystunni en eftir að þeir komust í 2-1 var þetta aldrei spurning. Bestu leikmenn 1. Sveinn Aron Guðjohnsen Gerði það sem menn vilja sjá af honum. Það er að skora mörk og hann setti tvö í dag. 2. Jonathan Hendrickx Virkilega solid í sinni frammistöðu í dag. Traustur varnarlega og tók virkan þátt í sóknarleiknum. Gerir hlutina einfalt og lagði upp fyrsta mark Blika í sumar. Atvikið Það var athyglisvert að eftir að ÍBV jafnaði metin þá hljóp Derby Carrillo markvörður ÍBV til Þórodds og átti við hann nokkur orð. Í kjölfarið þá voru öll auglýsingaskilti fyrir aftan mark Breiðabliks felld niður. Þau voru greinilega að trufla Derby í marki Eyjamanna. Það kom þó ekki að sök og hann fékk á sig þrjú mörk í kjölfarið.

Hvað þýða úrslitin? Breiðablik byrjar sumarið með veislu á meðan Eyjamenn þurfa að lagfæra ansi margt fyrir næsta leik. Vondur dagur Alltof margir leikmenn Eyjaliðsins náði sér ekki á strik í dag. Derby Carrillo hefði getað gert betur í markinu, Shahab var verri en enginn í fremstu víglínu Eyjamanna og Sindri Snær náði ekki að sýna mikið inn á vellinum. Dómarinn - 7,8 Það reyndi lítið á Þórodd og hans teymi í leiknum í dag.