Hilmar Jökull Stefánsson @Hilmarjokull

Textalýsing Skýrslan

Hvað réði úrslitum? Blikar voru bara miklu betri en Grindvíkingar. Það var bara keyrt í átt að einu marki í hvorum hálfleik. Betra fótboltaliðið vann í dag. Bestu leikmenn 1. Selma Sól Magnúsdóttir (Breiðablik) Selma var geggjuð á miðjunni í dag og engin furða að hún sé farin að spila meira með landsliðinu. Rosalega yfirveguð í sínum leik, mark og stoðsending. Mjög auðvelt val. 2. Samantha Jane Lofton (Breiðablik) Hún og Ásta í sitthvorum bakvarðastöðunum voru hörkugóðar en gefum Sam þetta, flott í vinstri bakverðinum, góð í sínum varnaraðgerðum og með gott uppspil upp völlinn. Atvikið Markið hjá Selmu, geeeegggjaaaað mark hreint út sagt. Þvílíka neglan og einmitt það sem Blikaliðið þurfti inn í seinni hálfleikinn.

Hvað þýða úrslitin? Blikar tilla sér á toppinn á markatölu. Blikastelpur búnar að skora 10 mörk í fyrstu tveimur leikjunum og fá á sig 2 á meðan að Þór/KA sem eru jafnar Blikum að stigum hafa skorað 8 og ekki fengið á sig eitt einasta mark. Vondur dagur Linda Eshun í vörn Grindavíkur. Vildi helst ekki koma nálægt boltanum hvort sem var að verjast eða senda hann. Vondur dagur á hana. Dómarinn - 6 Ekkert sérstök, nokkrir skrýtnir dómar en ekkert sem breytti leiknum.