Hrós á Keflvíkinga sem mættu vel gíraðir og til í slaginn. Þeir voru að allan tímann en herslumun vantaði í sóknarleiknum. Blikar áttu í vandræðum, náðu ekki upp sama takti og í fyrstu tveimur leikjunum en náðu iðnaðarsigri.

Markið hjá Gísla. Blikar fundu ekki sinn besta takt en Gísli heldur áfram að reynast gulls ígildi.

Breiðablik er öruggt á toppi deildarinnar eftir þrjár umferðir. Það leynir sér ekki þegar maður mætir í Kópavoginn að andinn er ansi góður yfir félaginu og klukkan orðin gleði aftur eftir þrotatímabilið í fyrra. Þrátt fyrir flott framlag Keflavíkur í dag bendir fátt til annars en að liðið verði í fallbaráttunni allt sumarið.

Jeppe Hansen var mjög pirraður eftir leik. Hann gerði svo sannarlega sitt besta og átti fínt framlag en fékk sáralitla hjálp fram á við. Keflavík hefði gott að því að fá meiri innspýtingu í lið sitt sóknarlega.

Alvöru baráttuleikur en Guðmundur hélt fínni línu í leiknum og var með góð tök. Stóru ákvarðanirnar réttar.