Baráttan í liði Grindavíkur fyrst og fremst. Víkingar hafa unnið sín stig fram að þessu í mótinu á baráttu en mættu einfaldlega liði í dag sem var tilbúið í þann slag og gott betur. Grindvíkingar mættu Víkingum af hörku og höfðu yfirhöndina i baráttunni stærstan hluta hans.

Í leik fárra atvika er það markið. Víkingar áttu hornspyrnu sem skapaði mikinn usla í teig Grindavíkur. Hreinsun fram völlinn berst á Latinovic sem hafði nægan tíma fann Aron í hlaupinu sem klobbaði Andreas í marki Víkinga

Grindavík fer í 7 stig og upp í 3.sætið og hefur unnið báða útileiki sína til þessa. Víkingar eru áfram með 5 stig en færast nær fallsvæðinu í 8 sætið.

Milos Ozegovic átti ekki góðann dag. Átti mýmargar misheppnaðar sendingar og leit afar sjaldan fram völlinn eftir möguleikum og kaus þess í stað að setja hann til baka á miðverði Víkinga. Þau skipti sem hann þó leit fram skilaði sendingin sér beint á mótherja.

Þóroddur átti góðann leik. Fór lítið fyrir honum á vellinum og skilaði sínu verki vel í dag.