Umdeild mörk réðu úrslitum í kvöld.

Maður hljómar eins og rispuð plata hér. Bæði mörk Valsmanna voru umdeild í meira lagi. Þó hlýtur seinna markið að vega meira enda réði það úrslitum í kvöld. Haraldur Björnsson fer út í teiginn og nær ekki að handsama boltann, eftir klafs endar boltinn hjá Sigurði Agli sem skorar í tómt markið. Eftir endursýningu í sjónvarpinu sést að boltinn fer af hendi Hauks Páls til Sigurðar. Haukur Páll vildi lítið sem ekkert kannast við þetta í viðtölum eftir leik.

Þriðja jafntefli Vals í röð í deildinni á meðan Stjarnan leitar enn af sínum fyrsta sigri í deildinni.

Tobias Thomsen, burt séð frá þessum leikaraskap sem Pétur dómari féll fyrir þegar Valur fékk dæmda vítaspyrnu í fyrri hálfleik þá átti hann heilt yfir dapran leik. Nú hef ég nefnt tvö leikmenn á nafn, þá Tobias og Pétur Guðmundsson dómara. Þeir geta deilt þessu saman.

Pétur Guðmundsson og hans menn féllu á stóra prófinu og ekki bara einu sinni heldur í tvígang. Fyrst dæmir hann vítaspyrnu á Heiðar Ægisson eftir að Tobias Thomsen féll innan teigs. Vafasamur dómur í meira lagi, jafnvel bara kolrangur dómur. Og í seinni jöfnunarmarki Vals tekur Haukur Páll boltann með hendinni áður en Sigurður Egill fær boltann og skorar í tómt markið.