Úti á velli var leikurinn alls ekki ójafn. En þegar kom að sóknaraðgerðum var stór munur. Leiknismenn sköpuðu sárafá færi gegn Frömurum sem voru þéttir fyrir.

Frábær sókn Fram í fyrsta markinu. Alex Freyr með góða fyrirgjöf og Gummi Magg kassaði boltann fyrir Helga Guðjóns sem kláraði með flottri spyrnu. Ísinn brotinn.

Framarar líta vel út í byrjun móts og miðað við frammistöðuna unfanfarna tvo leiki hefur liðið margt til brunns að bera til að blanda sér í baráttu um Pepsi.

Kristófer Sigurgeirsson þjálfari Leiknis. Þrátt fyrir að viðbörunarbjöllur hafi hringt allt undirbúningstímabilið var of seint brugðist við. Leiknismenn eru að reyna að púsla saman liði þegar mótið er farið af stað og þeir strax búnir að dragast á eftir. 'Duga eða drepast' leikur gegn ÍR framundan.

Leikstjórnunin var góð en ósamræmi í spjaldagjöf dregur hann niður.