Klaufaleg mistök hjá Selfyssingum. Þeir spiluðu leikinn mjög vel framan af, voru þéttir í vörn og gáfu lítið af sénsum. Svo þegar þreytan fór aðeins að segja til sín brast eitthvað hjá þeim og það var eins og menn hafi misst einbeitinguna í smástund. 2 ódýr mörk sem HK fengu upp í hendurnar.

Gefum Selfyssingum markið hans Kristófers Páls hér. Alltaf gaman þegar menn skora úr aukaspyrnum.

Úrslitin þýða að HK fara í 3. sæti með 7 stig á meðan Selfoss fellur niður í 10. sæti með eitt stig þegar þrjár umferðir eru búnar.

Hafsteinn Briem átti vondan dag. Ekki vegna lélegrar frammistöðu heldur vegna meiðsla sem hann varð fyrir þegar um 20 mín voru búnar. Hann þurfti að fara útaf og Brynjar þjálfari óttast að meiðslin gætu verið slæm, þó svo að það sé erfitt að segja til um það svona snemma.

Arnar Þór og dómarateymið áttu afbragðsleik. Það komu atriði þar sem slæmur dómari hefði tekið rangar ákvarðanir og hleypt leiknum upp í loft en tríóið stóð fast á sínu og voru með allar ákvarðanir á tæru. Mjög góður dagur hjá þeim.