Selfyssingar komu grimmari til leiks og náðu marki snemma sem kom sér virkilega vel. Bæði lið fengu færi en Selfyssingar nýttu sín. Sóknarleikur FH oft á köflum tilviljunarkenndur og fyrirsjáanlegur. Varnarleikur Selfyssinga flottur og sóknarleikurinn ekki síðri. Selfyssingar heilt yfir betri í kvöld.

Geggjað atvik á 40' mínútu þegar Magdalena Anna hleypur með boltann út í horn bara eins og staðan sé 1-0 og það sé 90. mínúta. Staðreyndin var reyndar sú að það var fyrri hálfleikur og Selfyssingar 2-0 yfir. Hélt boltanum heil lengi í horninu og vann síðan hornspyrnu. Skemmtilegt atvik sem gaf leiknum og lífinu lit. Alfreð þjálfari kemur inná þetta skemmtilega atvik í viðtalinu.

Selfyssingar sækja sín fyrstu 3 stig í sumar og stimpla sig inn í deildina. Bæði lið því með 3 stig eftir 4 leiki og alveg ljóst að stigin þurfa að fara að telja ef liðin ætla ekki að sogast í fallbaráttu þegar líður á mótið.

Ég ætla ekki að fara að taka neina úr þessu unga FH-liði út úr sviga. Sóknarleikurinn dapur og varnarleikurinn dapur á köflum. Þónokkur einstaklingsmistök. Nú er það bara áfram gakk og næsti leikur hjá FH.

Afskaplega einfaldur leikur að dæma en fátt út á dómgæslu Bríetar að setja. Tvö gul spjöld þarna sem mér fannst óþarfi en ég er ekki dómari, getur vel verið að þetta hafi verið hárrétt dómgæsla. Fín frammistaða hjá Bríeti.