Arnar Daði Arnarsson @arnardadi

Textalýsing Skýrslan Viðtöl

Hvað réði úrslitum? Sigurmarkið hjá Val undir lok leiks réði úrslitum á Origo-vellinum. Gestirnir komust yfir og voru líklegri í fyrri hálfleik. Það var þó alltaf lykt af því að Valsmenn myndu skora í leiknum og eftir jöfnunarmarkið var þetta ekki spurning hvort heldur hvaða lið myndi skora sigurmarkið. Bestu leikmenn 1. Eiður Aron Sigurbjörnsson Það er gömul saga og ný. Eiður Aron verið bestur í Valsliðinu í sumar og hann hélt uppteknum hætti. Vinnur hvert skallaeinvígið á fætur öðru og gerir sína vinnu vel. 2. Gísli Eyjólfsson Sömu sögu má segja um Gísla. Hann tapar ekki boltanum þegar hann fær hann. Vinnur mikla vinnu á miðjunni hjá Breiðablik. Er skapandi sóknarlega og vinnur skítavinnuna einnig vel. Atvikið Sigurmark Ólafs Karl Finsen með sinni þriðju snertingu í Pepsi-deildinni í sumar.

Hvað þýða úrslitin? Fyrsta tap Breiðabliks í deildinni staðreynd. Fyrsti sigur Vals hinsvegar síðan í 1. umferðinni og liðið er nú ekki nema tveimur stigum á eftir Blikum sem eru á toppi deildarinnar. Vondur dagur Elfar Freyr Helgason gleymdi sér í jöfnunarmarki Vals sem kom Val á bragðið. Patrick Pedersen var einn og óvaldaður inn í teig Blika þar sem Elfar var alltof langt frá Pedersen. Rándýrt gegn svona sterkum sóknarmanni. Dómarinn - 6,8 Erfiður leikur að dæma. Þóroddur sjálfur var nánast með allt sitt á hreinu en Frosti Viðar aðstoðardómari eitt dæmdi af mark Vals sem virtist eftir endursýningu í sjónvarpinu hafa verið rangur dómur. Sem betur fer, skipti það ekki sköpum þegar upp var staðið.