Þetta voru sanngjörn úrslit í leik sem að var allan tímann á biluðu tempói. Þetta er einn skemmtilegasti fótboltaleikur sem að undirritaður hefur séð þrátt fyrir 0-0. Bæði þessi lið spila kröftugan og skemmtilegan fótbolta og þau enduðu jöfn i dag.

Mark HK sem dæmt var af virtist fyllilega löglegt. Við í blaðamannastúkunni sáum lítið að þessu og vitum í raun ekki en á hvað hann var að dæma.

Liðin eru ennþá í efstu tveimur sætunum ÍA efstirmeð 16 stig og HK í öðru sæti með 14 stig. Þessi tvö lið eru mjög líkleg til að fara upp í Pepsí á næsta ári.

Garðar Gunnlaugsson var bara svo óheppinn í þessum leik að ég verð að gefa honum vondan dag aðalega því þetta var bara vondur dagur fyrir hann. Hann byrjaði vel í þessum leik en þarf svo að' fara af velli á 19 mínútu meiddur.

Átti arfaslakan dag. Hann gaf Ingibergi gult spjald þegar boltinn var ekki í leik og gaf skagamönnum svo aukaspyrnu bara á miðjum vellinum stórfurðulegt.