Gríðarlega skipulagður og agaður varnarleikur Selfyssinga kom í veg fyrir að stærstu stjörnur Þórs/KA náðu sér enganveginn á strik í kvöld. Bæði lið fengu færi til þess að skora en mörkin létu á sér standa. Selfyssingar fengu margar góðar skyndisóknir í leiknum og kæmi mér ekki á óvart að það hafi verið uppleggið þeirra, spila góðan varnarleik og nýta skyndisóknirnar.

Ég nenni ekki að fara að taka eitthvað af þessum hrikalega mörgu færum sem komu í kvöld. Skemmtilegt atvik í lokin þegar góður dómari leiksins rann á grasinu og missti rauða spjaldið. Hrafnhildur Hauks var fyrst á vettvang, tók upp rauða spjaldið og sýndi dómara leiksins, Gunnari Odd. Skemmtilegt móment sem allir höfðu gaman að.

Sigurgöngu Þórs/KA lýkur í bili og hljóta þær að vera mjög ósáttar með niðurstöðu leiksins. Selfyssingar ná í punkt í pokann góða sem verður talið uppúr í haust. Eru komnar í 5 stig og líta betur út með hverjum leiknum,.

Sóknarleikur beggja liða. Hef sennilega aldrei séð 0-0 jafntefli með jafnmörgum færum í en það voru sóknarmenn beggja liða sem fundu engar lausnir á góðum varnarleik andstæðingsins.

Flott frammistaða. Aukaspyrnur hér og þar sem maður setur spurningamerki við en heilt yfir mjög gott og stóru dómarnir virtust vera réttir. Ungur dómari sem við eigum sennilega eftir að sjá meira af í framtíðinni.