Þetta var mikill baráttuleikur, lítið um færi og það sást á liðunum að það voru mjög mikilvægir 3 punktar í boði. Varnarlína Þór/KA sá til þess að sóknarlína Breiðabliks fékk ekki breik í þessum leik. Sandra María skilar svo þessum tveimur mörkum sem skilja liðin að hér í dag.

Mark númer 2 hjá Þór/KA klárar þetta. Breiðablik var búið að pressa á þær í svolítinn tíma fyrir seinna markið og átti maður allt eins von að þær næðu að jafna þetta. Þegar Þór/KA kemst í 2-0 fjarar leikurinn bara út.

Þór/KA fer á toppinn með stigi meira en Breiðablik og Valur sem deila öðru sætinu.

Sóknarlína Breiðabliks átti alls ekki góðan dag. Þær fá nánast enginn færi og fá lítið sem ekkert út úr föstu leikatriðunum. Það sást ekkert til Berglindar í þessu leik sem er annars búinn að vera óstöðvandi. Lillý stöðvaði hana alveg í dag og hún komst ekkert áleiðis.

Jóhann Ingi stóð sig vel, lítið hægt að setja út á hann.