Sverrir Örn Einarsson @SEinarsson

Textalýsing Skýrslan Viðtöl

Hvað réði úrslitum? Einbeitingarleysi fyrst og fremst. Bæði lið voru þétt til baka lungan úr leiknum og gáfu fá færi á sér en á loka andartökum leiksins sváfu varnarmenn Vals illa á verðinum og var refsað grimmilega fyrir það. Bestu leikmenn 1. Andri Yeoman Andri er alltaf vanmetinn fyrir verk sín á vellinum. Hann er sívinnandi á miðjunni og tekur heilmikið til sín þó hann sé ekki alltaf í fyrirsögnum fyrir það. 2. Arnór Gauti Ragnarsson Hann átti vissulega dapran leik í heildina þegar allt er skoðað en það skipti hann ekki máli þegar hann skoraði sigurmark leiksins af yfirvegun fyrir það eitt fær hann sitt sæti hér. Atvikið Færið hjá Oliver undir lok fyrri hálfleiks. Eftir frábært spil Blika í gegnum vörn Vals átti hann ekkert eftir en að setja boltann í netið en virtist ekki geta ákvaðið sig hvað hann ætlaði að gera og færið rann út í sandinn. Hefði breytt leiknum mikið ef Blikar hefðu farið með tveggja marka forskot í halfleikinn.

Hvað þýða úrslitin? Bikarkeppnin er ekki flókin. Tapliðið er úr leik en sigurliðið komið í undanúrslit og enn einu skrefi nær dollunni sjálfri. Vondur dagur Leikurinn var heilt yfir frekar dapur og lokaður en hér fá sæti sitt miðverðir Vals. Eiður Aron og Bjarni Ólafur. Það er dýrt að sofna á verðinum í svona leikjum og hvað þá tvisvar. Dómarinn - 6,5 Heilt yfir fínn leikur hjá Þorvaldi. Hefði mögulega getað rekið Viktor Örn Margeirsson út af með tvö gul fyrir stymipingar.