Gæðin í sigurmarkinu voru botnlaus. Stefán Árni leggur upp markið með feykilega skemmtilegri hraðastjórnun og þræðir svo boltann hárfínt í gegn á Sævar Atla sem á samt heila vinnuviku af vinnu eftir. Skilur Ásgeir Örn eftir með sára ökkla klárar leikinn. Óteljandi hlutir gátu farið forgörðum í þessu upphlaupi en allar aðgerðir voru í raun fullkomlega framkvæmdar.

Augljóslega var það sigurmark Leiknismanna. Fleiri orð þarf ekki að hafa um það.

Úrslitin þýða að Leiknisliðið stígur upp um eitt sæti. Enn sex stigum frá Gróttu en fjarlægjast neðri hlutann og finna sig í þægilegum sæti til að sæta færist á að stinga sér inn um dyragættina að toppbaráttunni. Fyrir Aftureldingu þýða úrslitin áframhaldandi veru á rauðsvæðinu. Eitt stig úr síðustu fjórum leikjum og verða að treysta á einhverja inspýtingu fyrir síðara hluta mótsins ef þær ætla sér ekki að vera í Sprengjuspilinu fram í september.

Arnór Gauti Jónsson fær þennan í dag og tekur þetta væntanlega með sér í flugferð með u18 landsliðinu í nótt. Skelfileg tækling. Skelfileg. Þess utan voru tveir tæknifeilar í fyrsta og öðru markinu sem heimamenn voru miskunnarlausir varðandi.

Bjarni dæmdi þennan leik mjög vel. Hélt línu vel og leyfði leiknum að fljóta sem ég held að hafi haft stór áhrif á skemmtanagildi leiksins. Dreg hann aðeins niður fyrir 5-10 mínútna kafla í síðari hálfleik þar sem sauð uppúr án þess að hann hefði gripið almennilega inn í. Hann og teymið geta hinsvegar gengið með kassann úti eftir þessa frammistöðu.