Sævar Ólafsson @saevarolafs

Textalýsing Skýrslan

Hvað réði úrslitum? Mark Sævars Atla á lokamínútunum réði úrslitum í þessum leik. Leikurinn var á margan hátt stórskemmtilegur og svo einkennilegur. Vonir Leiknismanna slokknuðu í síðari hálfleik þegar Grótta skoraði annað mark sitt Bestu leikmenn 1. Sævar Atli Magnússon Stanslaust að í þessum leik. Skoraði sigurmarkið sem var glæsilega að verki staðið. Gífurleg gæði í þessum gaur. 2. Jökull Steinn Ólafsson Flott frammistaða hjá Jökli. Sterkur í návígjum og 1v1 stöðunni. Gerði flest sem hann tók sér fyrir hendur smekklega og af yfirvegun. Atvikið Sigurmark Sævar Atla var það sem réði úrslitum. Hinsvegar verður að nefna að gestnirnir vildu vítaspyrnu í síðari hálfleik þegar Már Ægisson féll við í teignum og ég held að það hefði mátt dæma þar en Bjarni lét það kyrrt liggja.

Hvað þýða úrslitin? Úrslitin hafa ákaflega litla þýðingu. Leiknismenn halda 3.sæti deildarinnar. Fram hinsvegar sígur niður í 7.sæti úr því fjórða. Bæði lið væntanlega góð með tímabilið svona að vörutalningu lokinni og sjá sjálfsagt gott færi á að byggja ofan á visst jafnvægi sem mögulega hefur skort á síðustu tveimur tímabilum. Vondur dagur Gef miðvarðapari Fram þennan titil í dag. Númer eitt hefði Gunnar Gunnarsson getað stimplað sig út á 11 mínútu með tvö gul spjöld en Bjarni dómari leiksins ákvað að gefa honum sénsinn. Marcao var svo mjög kaflaskiptur. Þarna á er ferðinni stór og stæðilegur leikmaður með flest öll tól og tæki en sýnir svo af sér barnalegan varnarleik í vítaspyrnunni þegar hann býður hættunni heim með því að vera með hendurnar full mikið í Sævari Atla og svo er hann að dýfa sér í grasið í að minnsta kosti þrígang þegar engin þörf er á til að reyna að sækja aukaspyrnur. Dómarinn - 5 Eyddi leiknum í að juggla með handsprengjur. Var tæpur og margir einkennilegir dómar en hallaði svo sem ekki á annað liðið en frammistaðan heilt yfir slök enda ekki alltaf gáfulegt að halda á lofti handsprengjum.