12. Anton Loftsson (m)

Garðar Már Grétarsson

2. Birkir Pálsson

7. Ragnar Pétursson

8. Friðrik Ingi Þráinsson

8. Stefán Þór Eyjólfsson

10. Högni Helgason

11. Jónas Ástþór Hafsteinsson ('69)

23. Elmar Bragi Einarsson

23. Elvar Þór Ægisson

1. Veljko Bajkovic (m)

4. Óttar Steinn Magnússon

6. Davíð Einarsson ('69) ('69)

7. Jóhann Valur Clausen ('69)

14. Kristófer Örn Kristjánsson

16. Óttar Guðlaugsson

20. Bjartmar Þorri Hafliðason

Umfjöllun: Bitlausir heimamenn engin fyrirstaða fyrir ÓlafsVíkinga

Það var fínasta veður á Egilsstöðum í dag þegar heimamenn í Hetti tóku á móti toppliði Víkings frá Ólafsvík. Fyrir leikinn var Höttur á botni deildarinnar og er því hvert stig mikilvægt fyrir þá í baráttunni um sæti í 1. deild að ári.

Það hafði ekki komið mark á Vilhjálmsvelli síðan 15. júní þegar Höttur skoraði gegn KA nema kannski fyrir utan æfingar.
Það var hinsvegar breyting þar á í dag þegar Guðmundur Steinn fyrirliði Víkings kom þeim yfir eftir 28 mínútna leik. Fram að því þá voru Víkingar aðeins sterkari en bæði lið fengu þó færi því leikurinn var frekar opinn, sem kom mjög á óvart því Hattarmenn hafa legið aftarlega í síðustu leikjum og Víkingar þekktir fyrir að parkera liðsrútunni fyrir framan vítateiginn hjá sér.
Stuttu eftir mark Víkings þá fengu heimamenn algjört dauðafæri þegar Elvar Þór slapp einn í gegn en Einar Hjörleifs varði vel. Svona færi verða botnlið hreinlega að nýta ef ekki á að fara illa þegar líða tekur á septembermánuð.
Víkingar fengu eitt mjög gott færi fyrir hálfleik en Anton varði virkilega vel í markinu eftir að Birkir Pálsson gerði hræðileg mistök í vörn Hattar.

Staðan því 1-0 þegar flautað var til hálfleiks á velli Vilhjálms þrístökkvara og silfurmanns.

Síðari hálfleikur var algjör eign Ólafsvíkinga þar sem þeir sýndu nýliðum Hattar hvar Davíð keypti ölið. Þó svo að Hattarmenn viti að Davíð Logi kaupir ölið á Símstöðinni þá voru þeir svo langt frá því að eiga séns í Ólafsvíkinga í síðari hálfleik.
Áður en Víkingur komst í 0-2 þá klúðraði Alfreð Már þvílíku færi. En það var Eldar Masic sem kom gestunum yfir á 57. mínútu með skoti úr teignum í autt markið eftir að Anton, ungur markvörður Hattar gerði sig sekan um mistök þegar hann missti boltann eftir fyrirgjöf Ólsara (Benni ólsari hefði kýlt þennan í burtu).
Víkingar stjórnuðu svo leiknum gjörsamlega og náðu að skora þriðja markið áður en dómarinn flautaði til leiksloka og var þar að verki Guðmundur Steinn með sitt annað mark í leiknum. Þegar hann skoraði auðveldlega eftir hornspyrnu.
Eftir þriðja mark Víkings þá gáfust Hattarmenn algjörlega upp og vantaði algjörlega uppá baráttu og vilja. En það voru einmitt baráttan og viljinn sem skilaði Hetti nokkrum stigum í fyrri umferð.

Ef að Hattarmenn ætla að snúa blaðinu við þá þurfa þeir að þjappa sér saman og mæta í hvern leik sem hreinan úrslitaleik. Þetta lið á mikið inni og eru nokkrir lykilmenn Hattar sem mega ekki mæta í fleiri leiki með höfuðið einhversstaðar annarsstaðar en skrúfað ofaná búkinn.
Liðið hefur grafið sig ofan í holu sem er svo djúp að þeir slitu ljósleiðarastreng. En það er samstaða Héraðsbúa sem mun verða til þess að þeir halda sér í deildinni, ég þori að vera svo stórorður að Hattarliðið fellur ekki í ár.

1. Einar Hjörleifsson (m)

Brynjar Kristmundsson ('77)

Alfreð Már Hjaltalín

5. Björn Pálsson

7. Tomasz Luba

9. Guðmundur Steinn Hafsteinsson ('83)

9. Guðmundur Magnússon ('74)

14. Arnar Sveinn Geirsson

20. Eldar Masic

30. Kaspars Ikstens (m) ('77)

6. Torfi Karl Ólafsson ('74)

10. Steinar Már Ragnarsson

21. Fannar Hilmarsson ('83)

23. Anton Jónas Illugason