Fótbolti.net

Þór/KA

Stjarnan

Jóhann Óli Eiðsson @jedissson

0-1 Harpa Þorsteinsdóttir '10

0-2 Elva Friðjónsdóttir '27

Mateja Zver '65 1-2

14.05.2013 - 18:00
Þórsvöllur
Pepsideild kvenna
Aðstæður: Hressileg gola og kalt
Dómari: Halldór Breiðfjörð Jóhannsson
Áhorfendur: 69
Maður leiksins: Harpa Þorsteinsdóttir

Myndir: Fótbolti.net - Sævar Geir Sigurjónsson

Byrjunarlið:

('46)

- Meðalaldur 33 ár

Varamenn:

('46)

('90)

('83)

('90)

Liðsstjórn:

Gul spjöld:

Mateja Zver ('62)

Rauð spjöld:

Textalýsing Skýrslan

@jedissson Jóhann Óli Eiðsson

Sanngjarn sigur bikarmeistaranna á Íslandsmeisturunum

Þær voru ekki öfundsverðar stelpurnar í Þór/KA og Stjörnunni af því að þurfa að spila á Akureyri í dag. Það var vægast sagt kalt og svo blés að norðan. Liðunum var spáð góðu gengi fyrir tímabilið og var því ljóst að um stórleik var að ræða. Seinast mættust liðin fyrir tveimur vikum í meistarakeppni KSÍ og hafði Þór/KA þá betur í vítaspyrnukeppni. Annað var upp á teningnum í dag.

Strax í upphafi leiks ógnuðu Stjörnustelpur og fór Harpa Þorsteinsdóttir þar fremst í flokki. Eftir níu mínútur átti hún skalla í slá og mínútu síðar var hún búin að skora fyrsta mark leiksins. Það gerði hún með poti eftir að fyrirliðinn Ásgerður Soffía skallaði hornspyrnu áfram til hennar.

Eftir markið hresstust Íslandsmeistararnir eilítið en það dugði þó skammt og næsta mark var einnig gestanna. Það skoraði Elva Friðjónsdóttir, fyrrum leikmaður Þórs/KA, eftir undirbúning frá Hörpu. Stjarnan gerði sig líklega til að bæta við fyrir hálfleik en allt kom fyrir ekki.

Seinni hálfleikur var frekar bragðdaufur. Tahnai Annis átti skot í slá á 54. mínútu fyrir heimastelpur og þær náðu síðan að klóra í bakkann á 65. mínútu. Það gerði Mateja Zver með skalla eftir sendingu Kayle Grimsley. Skömmu áður hafði Mateja fengið gult spjald fyrir að sparka niður leikmann þegar boltinn var víðsfjarri og spurning hvort liturinn á spjaldinu hefði mátt vera öðruvísi.

Niðurstaðan varð því 2-1 sigur bikarmeistaranna úr Garðabænum og eru þær með fullt hús stiga eftir tvo leiki. Íslandsmeistararnir hefja titilvörn sína ekki af nægilegum krafti og eru aðeins með eitt stig eftir tvo leiki.