Santos, Baleba, Wharton, Anderson, Gallagher og Stiller á lista Man Utd - Rashford vill ganga alfarið í raðir Barcelona
Í BEINNI
Þjóðadeild kvenna - Umspil
Norður-Írland
LL 0
2
Ísland
Frakkland
1
0
Ísland
Eugenie Le Sommmer '86 , víti 1-0
18.07.2017  -  18:45
Willem II í Tilburg
EM kvenna 2017
Aðstæður: Sól og blíða. Grasið þrusuflott.
Dómari: Carina Vitulano (Ítalía)
Áhorfendur: 4.894
Byrjunarlið:
16. Sarah Bouhaddi (m)
3. Wendie Renard
4. Laura Georges
6. Amandine Henry
7. Clarisse Le Bihan ('43)
7. Sakina Karchaoui
8. Jessica Houara-D'Hommeaux
9. Eugenie Le Sommmer
10. Camille Abily
12. Elodie Thomis
15. Elise Bussaglia ('65)

Varamenn:
1. Laetitia Philippe (m)
21. Melina Gerard (m)
5. Aissatou Tounkara
6. Sandie Toletti
8. Grace Geyoro
11. Kadidiatou Diani ('43)
11. Claire Lavogez
13. Camille Catala
14. Gaeetane Thiney ('65)
18. Marie-Laure Delie
19. Griedge M'Bock Bathy
22. Eve Perisset

Liðsstjórn:
Olivier Echouafni (Þ)

Gul spjöld:
Wendie Renard ('18)

Rauð spjöld:
Leik lokið!
Fyrirfram bjuggust flestir við frönskum sigri í kvöld en miðað við hvernig leikurinn spilaðist er vel eðlilegt að vera hundsvekktur. Það var svo sannarlega möguleiki á að fá eitthvað úr þessum leik.

Víti í fyrri hálfleik sem Ísland átti að fá en fékk ekki svo umdeildur vítadómur sem Frakkland fær og sigurmarkið kemur úr því.

Leikplan Freys Alexanderssonar gekk mjög vel og íslenska liðið sýndi hörkukraft. Framundan eru leikir gegn Austurríki og Sviss. Ef liðið nær upp svona frammistöðu fer það upp úr þessum riðli. Það er bara þannig.
Eyða Breyta
93. mín
Þessi uppbótartími bara flýtur frá okkur. Ekkert í gangi.
Eyða Breyta
91. mín
Uppbótartíminn er 4 mínútur hið minnsta.
Eyða Breyta
90. mín
Dómstóllinn á Twitter er frekar í þá átt að vítaspyrnudómurinn sem Frakkar fengu hafi verið rangur. Ég hef ekki endursýningar hér í fréttamannastúkunni. Þetta er allavega svekkjandi.
Eyða Breyta
Eyða Breyta
86. mín Mark úr víti!
Eugenie Le Sommmer (Frakkland)
Rosalega gott víti. Gugga fer í rangt horn.

Andskotinn maður. Andskotinn.
Eyða Breyta
85. mín
Frakkland fær vítaspyrnu. Amandine Henry fellur niður í teignum eftir fyrirgjöf... Elín Metta Jensen tók Henry niður þegar hún var nýkomin inn sem varamaður.

Klárlega umdeildur dómur og það sést vel á viðbrögðum á Twitter.

Eyða Breyta
83. mín
Hallbera með hornspyrnu, skallað frá á nærstönginni. Svo kemur sending í teiginn sem ekki næst að gera mat úr.
Eyða Breyta
82. mín
Inn:Elín Metta Jensen (Ísland) Út:Fanndís Friðriksdóttir (Ísland)
Fanndís frábær í kvöld. Hefur svo sannarlega hlaupið úr sér lifur, lungu og líklega fleiri líffæri.
Eyða Breyta
81. mín
Frakkland fær aukaspyrnu á stórhættulegum stað. Abily stendur yfir knettinum. Skýtur framhjá. Gugga hefði tekið þennan ef hann hefði verið á rammann.
Eyða Breyta
Eyða Breyta
Eyða Breyta
78. mín
Sara Björk með fyrirgjöf sem markvörður Frakka handsamar. Enn næg orka í íslenska liðinu virðist vera. Stelum þremur stigum takk!!! Er ég of kröfuharður?
Eyða Breyta
Eyða Breyta
75. mín
Inn:Harpa Þorsteinsdóttir (Ísland) Út:Sigríður Lára Garðarsdóttir (Ísland)
Sísí með flottan leik!

Inn kemur Harpa Þorsteins. Markahæsti leikmaður undankeppninnar. Erum við til í mark frá Höxu í kvöld? Já heldur betur.
Eyða Breyta
75. mín
Gunnhildur Yrsa með góða vörn og kemur boltanum í hornspyrnu sem Frakkarnir fá.

SLÁIN!!! Wendie Renard með skalla í slá eftir hornspyrnu. Úff.
Eyða Breyta
74. mín
Harpa Þorsteins að gera sig klára að koma inn. Frakkar með hættulega sókn og skot á markið en Guðbjörg ver af öryggi.
Eyða Breyta
73. mín
Fanndís var hársbreidd frá því að sleppa í gegn. Markvörður Frakka í skógarferð langt út úr marki sínu en Fanndís náði ekki að koma knettinum framhjá henni. Hefði það tekist hefði leiðin að markinu verið algjörlega greið!
Eyða Breyta
72. mín
Tölfræði af vef UEFA:
Skot á mark: 3-0
Skot framhjá/yfir: 5-4
Horn: 7-1
Eyða Breyta
70. mín
Hér í fréttamannastúkunni er fagnað í hvert sinn sem Frakkar skjóta en hitta ekki á markið. Gunnhildur Yrsa átti glæsilega tæklingu rétt áðan og kom í veg fyrir skot.

Áðan átti Fanndís frábæran sprett upp kantinn en markvörður Frakka rétt náði að vera á undan Dagnýju og handsama fyrirgjöfina.
Eyða Breyta
66. mín
Ísland í hættulegri sókn en flögguð var rangstaða... fannst þetta mjög spes.
Eyða Breyta
65. mín
Inn:Gaeetane Thiney (Frakkland) Út:Elise Bussaglia (Frakkland)
Reynslubolti inn hjá Frakklandi.
Eyða Breyta
62. mín
Fínt skotfæri fyrir Frakka, sem betur fer fyrir okkar lið var skotið beint á Guðbjörgu!
Eyða Breyta
60. mín
Inn:Katrín Ásbjörnsdóttir (Ísland) Út:Agla María Albertsdóttir (Ísland)
Katrín mætir inn. Freysi tekur Öglu Maríu á smá eintal eftir skiptinguna. Ung og stórefnileg
Eyða Breyta
58. mín
VÁÁÁ!!! ÍSLAND NÁLÆGT ÞVÍ AÐ SKORA! Gunnhildur Yrsa í hörkufæri eftir langt innkast sem Sif tók. Gunnhildur rétt missti af knettinum.
Eyða Breyta
56. mín
Bussaglia á skot úr aukaspyrnunni sem fór í varnarvegginn og í hornspyrnu. Það er rosaleg pressa frá Frökkum núna. Ég er hræddur um að mark liggi í loftinu...
Eyða Breyta
55. mín Gult spjald: Agla María Albertsdóttir (Ísland)
Fékk boltann í höndina rétt fyrir utan teig! Frakkland á aukaspyrnu á STÓRhættulegum stað!
Eyða Breyta
54. mín
Enn ógnar Frakkland! Sommer nær að koma boltanum út á Thomis í teignum en skot hennar fer af varnarmanni. Frakkland fær hornspyrnu, skallað frá.
Eyða Breyta
53. mín
Nú er hjartað farið að taka nokkur aukaslög. Frakkar að eiga lofandi sóknir og skapa sér smá svæði. Vonandi loka stelpurnar okkar sem fyrst á þetta...

Þess má geta að það eru 4.894 áhorfendur á þessum leik í kvöld. Fullt af lausum sætum. Hefði nú verið gaman að hafa talsvert fleiri. Hrós á Íslendingana þó. Hafa látið hressilega í sér heyra.
Eyða Breyta
50. mín
Aukaspyrna frá Frökkum. Boltinn skoppar í teignum og stefnir í markið en Guðbjörg nær að verja í horn. Ekkert kemur úr horninu.
Eyða Breyta
48. mín
Frakkar með fyrirgjöf frá vinstri en Guðbjörg heldur áfram að vera eins og drottning í ríki sínu í teignum! Handsamar boltann af öryggi.
Eyða Breyta
46. mín
Seinni hálfleikur er hafinn
Eyða Breyta

Eyða Breyta
45. mín
Þess má geta að Ásmundur Haraldsson, aðstoðarþjálfari Íslands, fékk gula spjaldið fyrir að mótmæla því að ekki var dæmt víti.
Eyða Breyta
45. mín
Hálfleikur
Íslensku stelpurnar verið granítharðar í fyrri hálfleiknum en svekkjandi að hafa ekki fengið víti þarna í blálokin!
Eyða Breyta
45. mín
VAR ÞETTA EKKI VÍTI SEM ÍSLAND ÁTTI AÐ FÁ???? FANNDÍS FÉLL Í TEIGNUM! Þetta virkaði sem augljóst víti, Fanndís var að fara framhjá varnarmanni í teignum þegar fóturinn er settur fyrir hana og hún fellur. FLAUTAÐU ÞARNA!!

Eyða Breyta
45. mín
Bæði lið búin að ná sendingum inn í teiginn í lok fyrri hálfleiks en markverðirnir eru mjög öruggir í sínum aðgerðum.
Eyða Breyta
Eyða Breyta
43. mín
Inn:Kadidiatou Diani (Frakkland) Út:Clarisse Le Bihan (Frakkland)
Breyting hjá Frökkum vegna meiðsla.
Eyða Breyta
41. mín
Smá darraðadans í vítateig Íslands eftir horn en á endanum náðu okkar stelpur að hreinsa frá. Bussaglia átti svo skot af löngu færi en vel yfir markið.
Eyða Breyta
38. mín
Dagný í FLOTTU FÆRI eftir hornspyrnu Hallberu! Skallaði rétt framhjá. Besta tilraun Íslands hingað til kom úr okkar fyrsta horni.
Eyða Breyta
37. mín
Frakkland meðskot úr aukaspyrnu fyrir utan teig. Nokkuð fast skot en beint í öruggt fang Guðbjargar.
Eyða Breyta
36. mín
STÓRHÆTTA VIÐ MARK ÍSLANDS!!! Eftir aukaspyrnuna missti Guðbjörg af boltanum. Dagný Brynjarsdóttir skóflaði boltanum frá af marklínunni! Vá! Ísland heppið að lenda ekki undir þarna.
Eyða Breyta
34. mín Gult spjald: Ingibjörg Sigurðardóttir (Ísland)
Ingibjörg með rosalega tæklingu fyrir utan vítateigshornið vinstra megin. Fær réttilega gult spjald. Rosaleg tækling. Aukaspyrna með fyrirgjafarmöguleika fyrir Frakkland.
Eyða Breyta
32. mín
Leikurinn er farinn aftur af stað...

Eyða Breyta
30. mín
Hlé á leiknum, markvörður Frakka lenti í samstuði við varnarmann Frakka eftir aukaspyrnu. Varnarmaðurinn þarf aðhlynningu.

Þá notum við tækifærið og hvetjum fólk til að nota kassamerkið #fotboltinet fyrir umræðu um leikinn á Twitter.
Eyða Breyta
28. mín
Sif Atladóttir með langt innkast en þetta endar í fanginu á Bouhaddi, markverði Frakka. Ísland ekki með marga leikmenn framarlega á vellinum. Skiljanlega.
Eyða Breyta
26. mín
Hingað til ansi gott. Íslenska liðið lokar vel á það franska. Freysi er augljóslega sáttur við varnarvinnuna, sést vel þar sem hann klappar í boðvangnum.
Eyða Breyta
Eyða Breyta
21. mín
Frakkar í sókn og með háan bolta inn í teiginn sem Guðbjörg grípur af miklu öryggi.
Eyða Breyta
20. mín
Úff... Sigríður Lára, slátrarinn úr Vestmannaeyjum, stálheppin að fá ekki gult spjald verður að viðurkennast. Átti hörkubrot fyrir alvöru tæklingu en sleppur með tiltal.
Eyða Breyta
18. mín Gult spjald: Wendie Renard (Frakkland)
Braut á Öglu Maríu og fer í bókina. Fögnum því að þessi öflugi varnarmaður sé kominn í svörtu bókina!
Eyða Breyta
17. mín
Dagný dregur sig það neðarlega að leikkerfi Íslands skráist frekar sem 3-5-2 með Fanndísi og Öglu Maríu sem fremstu leikmenn.
Eyða Breyta
15. mín
Franska liðið stýrir ferðinni eins og við var búist. Þær hafa átt lofandi sóknir en sem betur fer ekki skapað sér mikið enn sem komið er... en það er ljóst að íslenska liðið verður að vera á tánum hverja einustu mínútu!
Eyða Breyta
13. mín
Frakkar ná að komast upp vinstri kantinn og senda fyrir, hættuleg fyrirgjöf og Ísland bjargar í horn. Le Bihan með hornið en Guðbjörg í markinu kýlir boltann frá.

Í þessum skrifuðu orðum kemur fyrsta Víkingaklappið! Húh!
Eyða Breyta
12. mín
Fanndís að byrja þennan leik vel. Sýndi lipur tilþrif og kom knettinum á vinstri vænginn þar sem Hallbera var mætt og sendi fyrir en sendingin slök.
Eyða Breyta
10. mín
Úff, Frakkar með flotta sókn og ná skoti sem fer naumlega framhjá. Besta tilraun leiksins til þessa.
Eyða Breyta
9. mín
Dagný gerði vel og kom boltanum á Fanndísi sem lét vaða af löngu færi. Skotið kraftlítið og langt framhjá. Skráist þó sem fyrsta marktilraun Íslands.
Eyða Breyta
7. mín
Frakkar með stórhættulega stungusending á Sommer en Sif Atladóttir bjargaði með tæklingu upp á 10! Þvílík tækling!

Vel gert.
Eyða Breyta
5. mín
Það er flott barátta hér í byrjun.

Agla María vann Innkast við hægri vænginn og Sif tók langt innkast sem Frakkar náðu að hreinsa frá.
Eyða Breyta
1. mín
Leikur hafinn
Leikurinn er hafinn. Ísland í hvítu. Frakkar í bláu.
Eyða Breyta
Fyrir leik
Þjóðsöngvarnir að baki. Þeir voru frekar misheppnaðir svo ekki sé annað sagt. Stuðningsmenn Íslands voru að hrópa "Áfram Ísland!" þegar sá íslenski fór af stað. Fólk var ekki alveg að átta sig. Þegar franski þjóðsöngurinn var spilaður heyrðist svo svakalegt ískur.

Eyða Breyta
Eyða Breyta
Fyrir leik
Úrslitin úr fyrsta leik C-riðils eru dottin í hús og þau voru áhugaverð. Austurríki vann granna sína í Sviss í alpaslagnum 1-0. En við pælum lítið í því. Það er leikurinn okkar gegn Frakklandi sem öllu skiptir.
Eyða Breyta
Fyrir leik
Áhorfendur farnir að koma sér fyrir í stúkunni. Leikmenn eru að hita upp. Bubbi Morthens er á fóninum. Blindsker. Nú er komið að því að fara í tippkeppni meðal íslenskra fjölmiðlamanna. Hvernig fer:

Tómas Þór, 365: 4-1 sigur Islands.

Sindri Sverris, Mbl: 2-0 fyrir Frakkland.

Arnar Daði, Fótbolta.net: 0-0.

Bjarni Helgason, 433: 0-0.

Guðmundur Marinó, SportTv: 3-0 fyrir Frakkland.
Eyða Breyta
Eyða Breyta
Fyrir leik
Byrjunarliðið er komið inn
Freyr Alexandersson landsliðsþjálfari hefur tilkynnt byrjunarliðið en hann gerir eina breytingu frá byrjunarliðinu sem lék gegn Brasilíu og Írlandi í vináttulandsleikjum.

Dagný Brynjarsdóttir kemur inn í liðið og leikur sem fremsti leikmaður.

Fótbolti.net spáði því að Dagný yrði í nýju hlutverki í þessari stöðu og það reyndist rétt. Katrín Ásbjörnsdóttur náði ekki að skora í síðustu leikjum liðsins fyrir mótið og er sett á bekkinn.

Yngsti leikmaður hópsins, Agla María Albertsdóttir, heldur sæti sínu í byrjunarliðinu og er á hægri kantinum. Þessi 17 ára stelpa verður yngst Íslendinga til að spila á stórmóti í fótbolta.

Ingibjörg Sigurðardóttir er í vörninni og á miðjunni er Sigríður Lára Garðarsdóttir en auk Öglu Maríu eru þær allar þrjár að leika sinn fyrsta mótsleik fyrir íslenska landsliðið.
Eyða Breyta
Samkvæmt okkar upplýsingum er búið að selja um 5 þúsund miða á leikinn í kvöld, þar af eru tæplega 3 þúsund Íslendingar. Það verður því aðeins 1/3 af leikvanginum setinn.

Íslendingar hafa litað miðbæ Tilburg bláum litum í dag og eru á leiðinni hingað í skrúðgöngu.
Eyða Breyta
Fyrir leik
Íslenska liðið hefur ekki skorað mark í síðustu þremur leikjum sínum fyrir Evrópumótið og þá hefur Ísland aðeins skorað þrjú mörk á síðustu tveimur stórmótum.

Frakkland hefur að skipa frábæru varnarliði og það sýnir það til að mynda að liðið fékk ekki á sig mark í undankeppninni.

Sara Björk Gunnarsdóttir, fyrirliði Íslands:
Í seinustu leikjum höfum við skapað okkur færi og það er vel hægt að skora gegnum Frökkum. Þá bíður nýja kerfið okkar upp á að við getum skapað okkur færi. Við þurfum að nýta þau færi sem við fáum.
Eyða Breyta
Fyrir leik
Brött brekka
Íslenska liðið er svo sannarlega litla liðið í þessum fyrsta leik sínum. Frakkland er með eitt sigurstranglegasta lið mótsins. Það er komið hingað til Hollands til að sækja gull.

Þó fáir hafi trú á sigri Íslands í kvöld hafa stelpurnar sjálfar verið óhræddar við að gefa það út að þær telji sig geta náð góðum úrslitum. Sama hvernig fer í þessum leik er ljóst að Ísland verður enn í möguleika á að komast upp úr riðlinum.
Eyða Breyta
Fyrir leik
Landsliðsþjálfarinn Freyr Alexandersson sagði frá því á fréttamannafundi í gær að allir leikmenn hópsins væru klárir í slaginn.
Eyða Breyta
Fyrir leik
Davíð Snorri Jónasson sá um að "skáta" franska liðið og fór á fjölmarga leiki hjá því í aðdragandanum. Við spurðum hann hvaða leikmenn Frakklands áhorfendur ættu að gefa gaum í leiknum.
Eyða Breyta
Fyrir leik
Velkomin til leiks með Fótbolta.net á fyrsta leik Íslands á EM kvenna 2017 en leikurinn fer fram hér í Tilburg, á heimavelli Willem II.
Eyða Breyta
Byrjunarlið:
1. Guðbjörg Gunnarsdóttir (m)
Gunnhildur Yrsa Jónsdóttir
2. Sif Atladóttir
4. Glódís Perla Viggósdóttir (f)
5. Fanndís Friðriksdóttir ('82)
6. Ingibjörg Sigurðardóttir
7. Sara Björk Gunnarsdóttir (f)
8. Sigríður Lára Garðarsdóttir ('75)
10. Dagný Brynjarsdóttir
11. Hallbera Guðný Gísladóttir
17. Agla María Albertsdóttir ('60)
- Meðalaldur 31 ár

Varamenn:
1. Sandra Sigurðardóttir (m)
12. Sonný Lára Þráinsdóttir (m)
3. Sandra María Jessen
9. Katrín Ásbjörnsdóttir ('60)
9. Berglind Björg Þorvaldsdóttir
10. Hólmfríður Magnúsdóttir
11. Arna Sif Ásgrímsdóttir
16. Harpa Þorsteinsdóttir ('75)
22. Rakel Hönnudóttir
- Meðalaldur 30 ár

Liðsstjórn:
Freyr Alexandersson (Þ)
Ólafur Pétursson
Ásmundur Guðni Haraldsson
Jófríður Halldórsdóttir

Gul spjöld:
Ingibjörg Sigurðardóttir ('34)
Agla María Albertsdóttir ('55)

Rauð spjöld: