Góða kvöldið og verið hjartanlega velkomin í beina textalýsingu frá leik Breiðablik og KR sem fram fer í Garðabænum þetta skiptið þar sem vellir liðanna eru enn að jafna sig.

Leikurinn hefst kl. 19:15 og má búast við miklu fjöri í kvöld.

Blikar eru komnir út á völl að hita upp en KRingar eru enn inn í klefa.

KR gera þrjár breytingar á liði sínu síðan í tapleiknum á móti Val í fyrstu umferð. Gary Martin og Óskar Örn koma inn í liðið og Emil Atlason kemur sömuleiðis inn. Kjartan Henry, Almarr og Þorsteinn Már fá sér sæti á tréverkinu.

Blikar gera tvær breytingar frá leiknum á móti FH þar sem þeir gerðu jafntefli.

Elfar Freyr kemur í vörnina og Stefán verður því á miðjunni en hann byrjaði síðasta leik í

Þóroddur Hjaltalín heldur utan um flautuna í kvöld og honum til aðstoðar eru þeir Jóhann Gunnar Guðmundsson og Smári Stefánsson.

Það styttist í að leikurinn hefjist eða tæpar 10 mínútur. Þetta verður vonandi fjörugur leikur!

Lagið ,,Í sól og sumaryl" ómar um alla stúkuna. Það er nú ekki alveg beint sumar og sól um að lítast úti, þungskýjað og blautt og völlurinn þar með blautur sem býður upp á hraðann leik.

Liðin eru komin út á völlinn. Fyrirliðarnir standa hér á miðjum velli og takast í hendur. KR spilar í áttina að Hagkaup en Blikar spila í áttina að Hafnarfirði.