Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
FH
1
0
Víkingur R.
Atli Viðar Björnsson '74 1-0
Ingimundur Níels Óskarsson '83 , misnotað víti 1-0
01.06.2014  -  19:15
Kaplakrikavöllur
Pepsi-deild karla 2014
Aðstæður: Blautur völlur
Dómari: Örvar Sær Gíslason
Áhorfendur: 1167
Maður leiksins: Atli Viðar Björnsson (FH)
Byrjunarlið:
1. Róbert Örn Óskarsson (m)
Ólafur Páll Snorrason ('71)
Davíð Þór Viðarsson
2. Sean Michael Reynolds
4. Pétur Viðarsson
8. Emil Pálsson
11. Atli Guðnason
17. Atli Viðar Björnsson
20. Kassim Doumbia
21. Böðvar Böðvarsson
25. Hólmar Örn Rúnarsson ('71)

Varamenn:
12. Kristján Finnbogi Finnbogason (m)
6. Sam Hewson ('71)
7. Ingimundur Níels Óskarsson ('71)
14. Albert Brynjar Ingason
18. Ingvar Ásbjörn Ingvarsson
24. Ási Þórhallsson
28. Sigurður Gísli Snorrason

Liðsstjórn:

Gul spjöld:

Rauð spjöld:
Fyrir leik
Jú, góða kvöldið! Hér verður bein textalýsing frá leik FH og Víkings í 6. umferð Pepsi-deildar karla.

FH er fyrir leikinn á toppnum með ellefu stig en Víkingur er með sjö stig í sjöunda sætinu.
Fyrir leik
Aron Elís Þrándarson:
,,Við þurfum að spila eins og lið, gamla góða klisjan. Við þurfum að nýta okkar færi. Lið fá oftast færi á móti þessum stóru liðum, þau eru kannski ekki mörg en það þarf að nýta þau þegar þau koma."
Fyrir leik
Byrjunarliðin eru klár.

Kassim Doumbia kemur inn í vörn FH á nýjan leik eftir meiðsli en Jón Ragnar Jónsson er í leikbanni eftir rauða spjaldið gegn KR.

Atli Viðar Björnsson og Atli Guðnason koma báðir inn í liðið síðan í bikarleiknum gegn KR auk þess sem Pétur Viðarsson snýr aftur eftir leikbann. Ingimundur Níels Óskarsson, Sam Hewson og Albert Brynjar Ingason detta út.

Hjá Víkingi er hinn öflugi Aron Elís Þrándarson áfram á bekknum en hann hefur komið sterkur inn af bekknum í síðustu leikjum eftir að hafa komið til baka eftir meiðsli.
Fyrir leik
Kaplakrikavöllur er allur að koma til og allt annað er að sjá hann í dag en í síðasta leik gegn ÍBV.

Völlurinn er blautur og vonandi fáum við hraðan og skemmtilegan leik.
Fyrir leik
Menn í blaðamannastúkunni hafa skilað spá fyrir leikinn. Flestir reikna með sigri Fimleikafélagsins.

Hörður Snævar Jónsson, 433.is
FH 3 - 1 Víkingur R.

Hilmar Þór Guðmundsson, KSÍ
FH 2 - 2 Víkingur R.

Pétur Hreinsson, Morgunblaðið
FH 3 - 0 Víkingur R.

Ingvi Þór Sæmundsson, Fréttablaðið
FH 1 - 0 Víkingur R. Atli Viðar skorar

Ásgeir Erlendsson, Stöð 2 Sport
FH 4 - 0 Víkingur R.
Fyrir leik
Sean Reynolds er í hægri bakverðinum hjá FH í dag í fjarveru Jóns Jónssonar.

Róbert
Sean - Pétur - Kassim - Böðvar
Hólmar Örn - Davíð Þór
Ólafur Páll - Emil - Atli Guðna
Atli Viðar

Ingvar
Kjartan Dige - Tómas - Löwing - Halldór Smári
Dori - Taskovic - Kristinn - Hristov
Arnþór Ingi
Pape
1. mín
Leikurinn er hafinn!

Atli Viðar Björnsson kemur sér strax í færi en Ingvar Kale ver.
8. mín
Róleg byrjun og engin færi ennþá. Igor Taskovic liggur meiddur á vellinum í augnablikinu.
10. mín
Flott sókn hjá FH sem endar með skalla frá Atla Guðnasyni. Tómas Guðmundsson hreinsar í horn.
11. mín
Atli Guðnason sleppur í gegn og skorar en markið er dæmt af vegna rangstöðu.
13. mín
FH liðið með aðra flotta sókn sem endar á því að Hólmar Örn fær boltann í vítateigsboganum. Hólmar tekur skotið með vinstri en boltinn fer í slána og yfir.
15. mín
Skondið atvik. Dofri Snorrason liggur meiddur á vellinum þegar boltinn kemur til hans og hann nær að skalla hann. Boltinn er síðan settur í innkast til að gera að meiðslum Dofra.
Gunnar Birgisson
Líður bara eins og ég sé staddur í jarðarför, hvar eru stuðningsmennirnir?
#Krikinn #grafarþögn
29. mín
Mjög góð sókn FH endar á því að Atli Viðar Björnsson kemst í dauðafæri en Ingar Þór Kale ver.
33. mín
Tæp mínúta fer í aukaspyrnu FH-inga á miðjum velli þar sem Örvar Sær Gíslason vill að Davíð Þór Viðarsson bíði eftir flautunni. Davíð spyrnir boltanum fyrst óvart í Örvar og gerir síðan aðra tilraun til að taka spyrnuna áður en það gengur loksins upp í þriðju tilraun.
37. mín
Emil Pálsson slær til Igor Taskovic rétt áður en innkast er tekið. Taskovic liggur sárþjáður eftir og Víkingar vilja sjá spjald fara á loft. Örvar Sær var nálægt atvikinu og hann spjaldar Emil ekki. Emil líklega nokkuð heppinn þarna.
40. mín
Víkingar eru þéttir og verjast vel á eigin vallarhelmingi.
45. mín
Hálfleikur
FH-ingar hafa stjórnað ferðinni og gætu verið komnir yfir en vörn Víkings hefur staðið áhlaupin af sér hingað til. Fossvogspiltar hafa hins vegar lítið ógnað fram á við ennþá.
Hilmar Æ Þórðarson
dreptu mig ekki hvað FH vik fyrri hálfleikur var lélegur #fotbolti
46. mín
Inn:Aron Elís Þrándarson (Víkingur R.) Út:Arnþór Ingi Kristinsson (Víkingur R.)
46. mín
Inn:Agnar Darri Sverrisson (Víkingur R.) Út:Kjartan Dige Baldursson (Víkingur R.)
Óli Þórðar hendir í tvöfalda breytingu í hálfleik. Kjartan Dige og fyrrum 12:00 stjarnan Arnþór Ingi fara út af. Aron Elís Þrándarson og Agnar Darri Sverrisson koma inn. Dofri Snorrason fer í bakvörðinn og tekur stöðu Kjartans Dige á meðan Agnar Darri kemur á kantinn.
46. mín
Aron Elís hefur komið öflugur inn af bekknum í síðustu leikjum Víkings og hann byrjar síðari hálfleikinn á því að eiga hörkusprett en FH-ingar bjarga á síðustu stundu.

Aron Elís spilar í nýjum skóm í kvöld en um er að ræða gula Nike Magista ,,sokkaskó". Ólafur Þórðarson, þjálfari Víkings, er ekki hrifinn af skónum.

,,Hann sagði að þetta væru ógeðslegir skór og spurði hvernig í andskotanum ég gæti spilað í þessu eins og hann spyr alla sem spila í gulum eða grænum skóm. Hann vill bara hafa skóna svarta, kannski með nokkrum hvítum röndum, og þá er hann góður," sagði Aron í útvarpsþættinum Fótbolti.net í gær.
Orri Freyr Rúnarsson
Deyfðin yfir bæði leiknum og áhorfendum í Kaplakrika benda til þess að fólk sé harmi slegið yfir kosningaúrslitunum #fotbolti #pepsi365
54. mín
Emil Pálsson með ævintýralega tilraun með hjólhestaspyrnu en boltinn hátt yfir.
Arnar Daði Arnarsson
Markaþurrðin hjá FH-ingum heldur áfram. Þrjú mörk skoruð síðustu 417 mínúturnar! - Vörnin góð #Fotbolti
57. mín
Aron Elís með skot frá vítateigsboga en hárfínt yfir. Meiri kraftur í sóknarleik Víkinga eftir skiptingarnar í hálfleik.
60. mín
Aron Elís leikur vörn FH grátt og kemst í færi en skot hans yfir markið. Aron búinn að gera jafnmikið í sóknarleik Víkings á korteri og liðið hafði gert allan leikinn.
61. mín
,,Farðu að gera breytingar," kallar reiður stuðningsmaður FH í átt að varamannabekknum. Lítið í kortunum hjá Fimleikafélaginu í síðari hálfleik.
64. mín
Pape Mamadou Faye fer illa með dauðafæri! Varnarlína FH-inga var komin hátt upp og Todor Hristov á sendingu inn fyrir á Pape. Róbert Örn kemur út á móti og nær að verja vel.
65. mín
Todor Hristov með skot yfir. Víkingar eru líklegri í síðari hálfleiknum.
68. mín
Emil Pálsson með hörkuskot fyrir utan vítateig sem Ingvar Kale nær að slá til hliðar.
70. mín
Inn:Ívar Örn Jónsson (Víkingur R.) Út:Todor Hristov (Víkingur R.)
71. mín
Inn:Sam Hewson (FH) Út:Hólmar Örn Rúnarsson (FH)
71. mín
Inn:Ingimundur Níels Óskarsson (FH) Út:Ólafur Páll Snorrason (FH)
Tvöföld breyting hjá Heimi. Freistar þess að ná sigurmarki.
72. mín
Ingimundur Níels í fínu færi eftir fyrirgjöf frá Atla Guðnasyni en skalli hans á nærstönginni fer framhjá markinu.
74. mín
1167 áhorfendur í krikanum í dag.
74. mín MARK!
Atli Viðar Björnsson (FH)
Stoðsending: Sam Hewson
FH-ingar komast yfir. Eftir spil við Sam Hewson kemst Atli Viðar í gegn og skorar framhjá Ingvari. Þriðja mark Atla í Pepsi-deildinni í sumar.
78. mín
Atli Guðnason með þrumuskot fyrir utan vítateig sem fer í varnarmann og þaðan í stöngina og framhjá!
Óttar Bjarni Guðmundsson
Í sjokki að Atli Viðar hafi skorað #iimitt #purestriker
82. mín Gult spjald: Tómas Guðmundsson (Víkingur R.)
FH fær vítaspyrnu! Tómas brýtur á Atla Guðnasyni sem var á hörkuspretti í átt að marki.
83. mín Misnotað víti!
Ingimundur Níels Óskarsson (FH)
Frábærlega varið hjá Ingvari, alveg út við stöng.
Jón Steinar
Er Atli Viðar hinn íslenzki Pippo Inzaghi?
90. mín
Atli Viðar sendir Atla Guðnason í gegn. Atli er með varnarmann í bakinu og á máttlítið skot fyrir utan vítateig sem Ingvar á ekki í miklum vandræðum með að verja.
90. mín Gult spjald: Kristinn Jóhannes Magnússon (Víkingur R.)
Leik lokið!
Mark Atla Viðars kemur FH-ingum í 14 stig í toppsæti deildarinnar. Sigurinn var þó ekki sá mest sannfærandi en Pape Mamadou Faye fékk til að mynda dauðafæri í stöðunni 0-0.

Nánar verður fjallað um leikinn á Fótbolta.net síðar í kvöld.
Byrjunarlið:
4. Igor Taskovic
11. Dofri Snorrason
12. Halldór Smári Sigurðsson
20. Pape Mamadou Faye
21. Arnþór Ingi Kristinsson ('46)
22. Alan Lowing
27. Tómas Guðmundsson

Varamenn:
3. Ívar Örn Jónsson ('70)
21. Aron Elís Þrándarson ('46)
29. Agnar Darri Sverrisson ('46)

Liðsstjórn:

Gul spjöld:
Kristinn Jóhannes Magnússon ('90)
Tómas Guðmundsson ('82)

Rauð spjöld: