Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
Valur
1
0
Fylkir
Mads Lennart Nielsen '50 1-0
02.06.2014  -  19:15
Vodafonevöllurinn
Pepsi-deild karla 2014
Aðstæður: Góðar
Dómari: Ívar Orri Kristjánsson
Áhorfendur: 1032
Maður leiksins: Mads Nielsen
Byrjunarlið:
7. Haukur Páll Sigurðsson ('76)
8. Kristinn Ingi Halldórsson
10. Kristinn Freyr Sigurðsson
11. Sigurður Egill Lárusson
21. Bjarni Ólafur Eiríksson ('76)

Varamenn:
14. Haukur Ásberg Hilmarsson
14. Gunnar Gunnarsson ('76)
23. Andri Fannar Stefánsson ('76)

Liðsstjórn:

Gul spjöld:
Mads Lennart Nielsen ('94)
Andri Fannar Stefánsson ('86)
Haukur Páll Sigurðsson ('36)

Rauð spjöld:
Fyrir leik
Velkomin í beina textalýsingu frá Vodafone-vellinum, heimavelli Valsmanna í Pepsi-deild karla.

Hér í kvöld eigast við lið Vals og Fylkis í 6.umferð Pepsi-deildarinnar. Það munar ekki nema tveimur stigum á þessum liðum fyrir umferðina.

Valsmenn eru í 5.sæti með 8 stig en Fylkismenn í 8.sæti með 6 stig.
Fyrir leik
Byrjunarliðin fara að detta inn hvað úr hverju, bíðum róleg.
Fyrir leik
Patrick Pedersen er ekki í leikmannahóp Vals, auk Halldórs Hermanns Jónssonar, Arnars Sveins Geirssonar og Matarr Jobe.
Fyrir leik
Fylkismenn bjóða hinsvegar uppá heldur sterkan bekk, en margir leikmenn Fylkis eru að koma til baka eftir meiðsli til að mynda Andrés Már og Davíð Þór Ásbjörnsson sem lítið hefur spilað í vetur. Þá er Kristján Valdimarsson einnig á bekknum. Framherjinn, Sadmir Zekovic veitir þeim einnig félagsskap á beknum.
Fyrir leik
Vantar þrjá sterka pósta í liði Fylkis, þá Finn Ólafsson, Ágúst Eyþórsson og Kjartan Ágúst Breiðdal. Finnur hefur þó ekkert spilað í sumar.
Fyrir leik
Einar Gunnarsson vallarþulur á Vodafone-vellinum er mættur til leiks. Einstaklega flottur.
Fyrir leik
Rúnar Pálmarsson sjúkraþjálfari Íslands, er á fullu þessa stundina að koma leikmönnum Fylkis í rétt stand fyrir leikinn, en Rúnar er líklega í besta standinu af þeim öllum. Hann skartar einstaklega fallegum appelsínugulum þröngum síðerma bol. Fyrir allar stelpurnar í stúkunni, mætti bolurinn alveg vera einu númeri minni.
Fyrir leik
Það er fínasta fótboltaveður hér í Hlíðarenda. Gott sem logn en það mætti vera heitara. Völlurinn virðist vera laus í sér og þetta gæti því boðið upp á fína veislu.
Fyrir leik
Kalla eftir áhorfendum frá báðum liðum, 10 mínútum í leik.
Fyrir leik
Bæði lið eru farin inn í klefa að peppa sig upp, Borgunar-fáninn "Leikur án fordóma" er kominn út á völl auk Pepsi-deildar fánanum.

Einar Gunarsson, vallarþulur er að byrja að kynna liðin.
Fyrir leik
Það má síðan ekki gleyma því að Hermann Hreiðarsson er ekki í leikmannahóp Fylkis, spurning hvort hann hafi skrópað á æfingu í gær.
Fyrir leik
Fylkismenn leika í bláum búningum í kvöld. Nokkuð ljóst að leikurinn byrjar aðeins seinna en áætlað var. Liðin voru að labba út á völl núna, klukkan 19:14.
1. mín
Leikurinn er hafin.
5. mín
Fremstur hjá Fylki er Hákon Ingi Jónsson, Ragnar Bragi er vinstra megin við hann og Gunnar Örn Jónsson hægra megin. Ryan Maduro er síðan framarlega á miðjunni.
6. mín
Hjá Val er Kolbeinn Kárason fremstur með hægri hendina teipaða eins og boxari. Sigurður Egill er á vinstri kanti og Kristinn Ingi hægra megin. Indriði Áki er síðan bakvið Kolbein.
7. mín
Fyrstu marktilraunina átti Kristinn Freyr sem Bjarni Þórður var ekki í neinum vandræðum að grípa boltann.

Þetta byrjar fremur rólega hér.
9. mín
Fylkismenn fá dauðafæri í sinni fyrstu sókn. Ragnar Bragi, góðan daginn hvað varstu að gera? Komst einn í gegn á milli miðvarða Vals, með skot frá vítapunktinum og himinhátt yfir!
12. mín
Maður er enn að jafna sig eftir þetta færi. Ótrúlegt að Ragnar Bragi hafi ekki skorað. Valsmenn töluvert meira með boltann.
14. mín
Fyrsta færi Vals og Bjarni Þórður sýnir frábæra takta. Fyrst ver hann skot frá Sigurði Agli en nær ekki að halda boltanum, boltinn skoppaði til Kristins Freys sem var fyrir framan nánast opnu marki en Bjarni Þórður varði aftur. Kristinn Freyr var síðan dæmdur rangstæður og því hefði þetta aldrei verið dæmt gilt mark, ef Kristinn hefði gert betur.
16. mín
Valsmenn fá horn, Kolbeinn með skot í afturendann á varnarmanni Fylkis og þaðan í horn.
18. mín
Aðstoðardómari 1, Gylfi Már Sigurðsson gefur Fylkismönnum markspyrnu. Ásgeir Eyþórsson pikkar boltanum afturfyrir endalínuna, svona 7 metrum frá Gylfa Má en Gylfi flaggar markspyrnu.

Þarna hefði Ívar Orri dómari leiksins átt að taka völdin og leiðrétta þessa skitu.
23. mín
Valsmenn leika sér að eldinum í vörninni og missa boltann á stórhættulegum stað. Gunnar Örn rennir boltanum til Ragnars Braga sem lætur vaða á vítateigslínunni en skot hans hárfínt fyrir þverslánna.
24. mín
Ryan Maduro bjartsýnni en bjartsýnustu Eurovision-spámenn Íslands fyrr og síðar, með skot langt fyrir utan teig og himinhátt yfir.
26. mín
Stangarskot og óheppni í kjölfarið.

Bjarni Ólafur kominn upp allan völlinn með skot í nærstöngina, boltinn út í teig á Kolbein en hann var ekki á tánnum og þetta gerðist allt á einu sekúndu broti og því missti hann af gullnu tækifæri. Fylkismenn heppnir.
28. mín
Sigurður Egill með góða hornspyrnu og James Hurst kom á fleygiferð og var fyrstur í boltann en skalli hans yfir markið.
33. mín
Gunnar Örn Jónsson var óheppinn rétt í þessu þegar hann virtist vera að komast í ákjósanlega stöðu en datt. Og Fjalar Þorgeirsson markvörður Valsmanna nýtti sér tækifæri og kastaði sér á boltann.
34. mín
Úr stúkunni er það að frétta að Dagur B. Eggertsson verðandi borgarstjóri er mættur í Fylkisstúkuna. Spurning hvort hann fari að rífa upp stemninguna hér á vellinum og byrji að öskra á sitt lið, Fylki.
36. mín Gult spjald: Haukur Páll Sigurðsson (Valur)
Fyrir háskaleik.
40. mín
Valsmenn sækja töluvert meira og Fylkismenn eiga í vandræðum með að halda boltanum sín á milli.
45. mín
Hálfleikur. Markalaust. Bæði lið fengið sín tækifæri en ekki enn náð að nýta þau. Fylkismenn fengu besta færið en Valsmenn fengið fleiri sóknir og meira með boltann. Sjáum hvað setur.
45. mín
Bjarni Ólafur er löngu kominn út á völl og er að halupa sig í gang. Ekki veit ég alveg afhverju, hann ætlar greinilega að vera heitari en hinir leikmennirnir á vellinum.
46. mín
Jæja, þá fer þetta að hefjast, bæði lið komin út á völl og dómarinn að gera allt klárt.
50. mín MARK!
Mads Lennart Nielsen (Valur)
Stoðsending: Kristinn Ingi Halldórsson
Kristinn Ingi með fyrirgjöf frá hægri og Mads Nielsen skallar boltann að markinu, Bjarni Ólafur í boltanum en ræður ekki við kraftinn og boltinn endar í markinu.
51. mín
Um leið og Valsmenn skoruðu var ég í miðri sendingu hún hljómaði einhvernvegin svona:

Valsmenn hafa byrjað seinni hálfleikinn betur og sækja töluvert. Hafa fengið 1-2 hornspyrnur sem lítið hefur komið úr.
57. mín
Andrew Sousa liggur á vellinum og virðist þurfa fara af velli. Viktor Örn Guðmundsson gerir sig kláran á bekknum.
59. mín
Fylkismenn leika einum manni færri núna, eru að bíða eftir að boltinn fari útaf svo þeir geti gert skiptingu. Viktor Örn hefur beðið í tvær mínútur eftir að fá að koma inná.
60. mín
Inn:Viktor Örn Guðmundsson (Fylkir) Út:Andrew Sousa (Fylkir)
Andrew Sousa fer af velli meiddur. Viktor Örn getur ekki gert minna en það sem Sousa hefur sýnt hér í kvöld. Andrew hefur lítið sem ekkert sést.
65. mín
Valsmenn halda áfram að vera með boltann. Kolbeinn Kárason með skalla í stöngina uppúr hornspyrnu.
68. mín
68. mín Gult spjald: Oddur Ingi Guðmundsson (Fylkir)
68. mín
Inn:Sadmir Zekovic (Fylkir) Út:Ryan Maduro (Fylkir)
Já, Ryan ekki sýnt sitt rétta andlit í dag.
71. mín
Sigurður Egill með fyrirgjöf sem Kristinn Ingi skallar að marki en auðvelt fyrir Bjarna Þórð.
72. mín
Fylkismenn ekki nægilega skeinuhættir í sóknarleiknum. Tíminn styttist með hverri sekúndunni sem líður og það bendir ekkert til þess að Fylkir séu að fara jafna. Hlutirnir eru þó fljótt að breytast og því getur enn allt gerst.
73. mín
Inn:Andrés Már Jóhannesson (Fylkir) Út:Gunnar Örn Jónsson (Fylkir)
Andrés Már mættur til leiks. Þeirra síðasta skipting í leiknum.
76. mín
Inn:Gunnar Gunnarsson (Valur) Út:Bjarni Ólafur Eiríksson (Valur)
Bjarni Ólafur búinn að vera tæpur og fer því af velli hér.
76. mín
76. mín
Inn:Andri Fannar Stefánsson (Valur) Út:Haukur Páll Sigurðsson (Valur)
Andri Fannar að fá sínar fyrstu mínútur í Pepsi-deildinni í sumar.
85. mín
Heyrðu, vó skalli í slá frá Ásgeiri Eyþórssyni eftir hornspyrnu.

Seinni hálfleikurinn hefur ekki boðið uppá jafn mikið og sá fyrri.
86. mín Gult spjald: Andri Fannar Stefánsson (Valur)
Andri Fannar stimplar sig inn í Pepsi-deildina með gulu spjaldi. Skynsamlega brotið.
90. mín
Inn:Lucas Ohlander (Valur) Út:James Hurst (Valur)
Hurst fer meiddur af velli, smávægilegt myndi maður samt sem áður halda.
94. mín Gult spjald: Mads Lennart Nielsen (Valur)
Brot. Fylkir fá aukaspyrnu á fínum stað. Síðasta tækifærið.
94. mín
Fylkir fær horn..
94. mín
Markspyrna. Ekkert kom úr horninu frá Viktori Erni.
Leik lokið!
Leik lokið. 1-0 sigur Valsmanna staðreynd.

Nokkuð sanngjarnt eftir tíðindalítinn seinni hálfleik. Valsmenn skoruðu og þar skyldi á milli. Ekki besti knattspyrnuleikur sem ég hef séð, en fyrri hálfleikurinn var ágætis skemmtun.

Viðtöl og umfjöllun síðar í kvöld.
Byrjunarlið:
Bjarni Þórður Halldórsson
Oddur Ingi Guðmundsson
2. Ásgeir Eyþórsson
6. Andrew Sousa ('60)
7. Gunnar Örn Jónsson ('73)
8. Ragnar Bragi Sveinsson (f)
9. Hákon Ingi Jónsson
16. Tómas Þorsteinsson
20. Stefán Ragnar Guðlaugsson
22. Ryan Maduro ('68)
24. Elís Rafn Björnsson

Varamenn:
1. Ólafur Íshólm Ólafsson (m)
8. Viktor Örn Guðmundsson ('60)
10. Andrés Már Jóhannesson ('73)
17. Davíð Þór Ásbjörnsson
26. Sadmir Zekovic ('68)

Liðsstjórn:
Kristján Valdimarsson
Daði Ólafsson

Gul spjöld:
Oddur Ingi Guðmundsson ('68)

Rauð spjöld: