Góðan daginn!

Hér verður bein textalýsing frá leik Breiðabliks og ÍBV í 8. umferð Pepsi-deildar karla.

Bæði lið hafa ollið vonbrigðum á tímabilinu en Blikar eru með 5 stig í 10. sæti deildarinnar á meðan ÍBV er með 3 stig í botnsætinu.

Hvorugt liðið hefur unnið leik hingað til og spennandi verður að sjá hvort fyrsti sigurinn detti í dag eða hvort jafnteflin haldi áfram.

Byrjunarliðin eru klár hér til hliðar.

Árni Vilhjálmsson snýr aftur í lið ÍBV eftir leikbann en Elfar Árni Aðalsteinsson fer á bekkinn. Guðmundur Benediktsson ákveður einnig að setja Gísla Pál Helgason inn í hægri bakvörðinn fyrir Höskuld Gunnlaugsson.

Hjá ÍBV kemur reynsluboltinn Dean Martin aftur inn eftir leikbann auk þess sem Atli Fannar Jónsson kemur inn í liðið gegn sínum gömlu félögum í Breiðabliki. Ian Jeffs og Jón Ingason fara á bekkinn í þeirra stað.

Eyjamenn skoða völlinn og eru boðnir velkomnir á Kópavogsvöll með laginu ,,Lífið er yndislegt."

Þingmaðurinn Willum Þór Þórsson er aðstoðarþjálfari Blika. Hann er mættur út á völl að hita sína menn upp og er að sjálfsögðu í stuttbuxunum.

Willum tók sig til og skúraði klefann hjá Blikum eftir leik liðsins gegn Fylki í Árbænum síðastliðinn miðvikudag.

Jóhann Laxdal er spámaður umferðarinnar á Fótbolta.net. Gefum Jóa orðið.

Breiðablik 1 - 1 ÍBV
Breiðablik stefnir á að koma sér almennileg af stað í deildinni en giska á að ÍBV munu spila mikla vörn eins og þeir gerðu á móti FH og stoppa það þannig ætla setja 1-1. Mark ÍBV kemur í fyrri hálfleik og verður það Brynjar Gauti sem stangar boltann inn eftir hornspyrnu en hinn enginn annar en Guðjón Pétur Lýðsson setur jöfnunarmark blika á bilinu 70-85 mín svo á Finnur Orri skot í slá stuttu eftir markið en meira verður það ekki.

Fjölmiðlamenn hafa skilað inn spá fyrir leikinn.

Haraldur Árni Hróðmarsson, Stöð 2 Sport
Breiðablik 3 - 0 ÍBV

Hörður Snævar Jónsson, 433.is
Breiðablik 3 - 1 ÍBV

Pétur Hreinsson, Morgunblaðið
Breiðablik 1 - 0 ÍBV

Ari Erlingsson, Fréttablaðið
Breiðablik 2 - 2 ÍBV

Tryggingasölumaðurinn Gunnar Jarl Jónsson er með flautuna í dag. Gylfi Már Sigurðsson og Oddur Helgi Guðmundsson eru honum til aðstoðar.

Netið í öðru markinu er eitthvað að klikka. Leikmenn eru búnir að sparka á milli inni á vellinum í nokkrar mínútur á meðan þeir bíða eftir því að Magnús Valur Böðvarsson nái að sauma netið saman. Bö vélin er reynd í saumaskap og netið ætti að vera klárt innan tíðar.

Guðjón Orri Sigurjónsson, Gaui Carragher, tekur lífinu með ró með kaffibolla á bekknum hjá ÍBV. Hann hefur mátt sætta sig við að sitja á bekknum lengst af í sumar.