Komið sæl og blessuð og verið hjartanlega velkomin í beina textalýsingu frá leik Víkings og Fylkis í 16-liða úrslitum Borgunarbikars karla.

Leikurinn hefst á slaginu 19:15 en þetta er einn af tveimur Pepsi-deildarslögum dagsins í bikarnum.

Pape Mamadou Faye, leikmaður Víkings, mætir sínum gömlu félögum hér í dag en hann er alinn upp í Fylki.

Eins og var komið inná í byrjunarliðsfréttinni hér áðan þá eru sjö breytingar hjá Víkingum. Ómar Friðriksson, Ívar Örn Jónsson, Tómas Guðmundsson, Darri Steinn Konráðsson, Henry Monaghan, Sigurður Hrannar Björnsson og Arnþór Ingi Kristinsson koma inn.

Út koma þeir Ingvar Kale, Kristinn Jóhannes Magnússon, Óttar Steinn Magnússon, Aron Elís Þrándarson, Todor Hristov, Dofri Snorrason og Kjartan Dige Baldursson.

Það er nóg af breytingum hjá Fylki líka en Björn Hákon Sveinsson er í búrinu í stað fyrir Bjarna Þórð Halldórsson.

Davíð Þór Ásbjörnsson, Viktor Örn Guðmundsson, Ragnar Bragi Sveinsson og Gunnar Örn Jónsson detta út en inn koma þeir Ryan Maduro, Ásgeir Örn Arnþórsson, Andrés Már Jóhannesson og Andrew Sousa.

Þó svo Arnþór Ingi hafi bara komið til Víkings á síðasta ári þá þekkir hana Víkina eins og handarbakið á sér enda átti hann stórleik í sápuóperunni, Víkin, sem strákarnir í 12:00 sáu um hér fyrir nokkrum árum.