Fram og Stjarnan eigast við í 10. umferð Pepsi-deildar karla nú eftir rétt rúma klukkustund. Fótbolti.net verður að sjálfsögðu með beina textalýsingu frá leiknum.

Byrjunarlið beggja liða eru nú ljós. Bjarni Guðjónsson gerir fjórar breytingar á sínu liði á meðan Rúnar Páll Sigmundsson lætur sér nægja eina.

Halldór Arnarsson, Aron Bjarnason, Alexander Már Þorláksson og Einar Bjarni Ómarsson detta úr byrjunarliði Fram. Þeirra stöður taka Hafsteinn Briem, Arnþór Ari Atlason, Björgólfur Takefusa og Jóhannes Karl Guðjónsson.

Aðeins ein breyting er á Stjörnuliðinu. Atli Jóhannsson kemur inn í stað Pablo Punyed.

Stjarnan er annað taplausa liðið í deildinni en liðið er í öðru sæti með nítján stig, tveimur stigum á eftir FH sem er hitt taplausa liðið. FH á einmitt leik í kvöld gegn Val í kvöld.

Framarar eru í áttunda sæti með níu stig en liðið laut í gras einmitt gegn FH í síðustu umferð. Fram skoraði ekki mark meðan FH skoraði fjögur.

Stjarnan sigraði hins vegar nýliða Fjölnis 2-1 í síðasta leik.

Liðin tvö hafa mæst þrettán sinnum frá árinu 2009. Stjarnan hefur unnið sex leiki, þrír hafa farið jafntefli og Fram hefur unnið fjóra.

Liðin mættust einmitt á þessum velli í úrslitaleik bikarsins á síðasta ári en þar hafði Fram betur í vítaspyrnukeppni. Stjarnan vann þó báða leiki liðanna í Pepsi-deildinni.

Ef við skoðum leiki liðanna frá upphafi þá hafa Framarar yfirhöndina. Af 28 leikjum hafa Safamýrardrengir unnið helminginn. Fyrsti leikurinn liðanna fór fram árið 1990 þar sem Stjarnan hafði betur en meðal leikmanna liðsins í þeim leik var Bjarni Benediktsson sem nú er formaður Sjálfstæðisflokksins og fjármálaráðherra.

Liðin eru í óðaönn að hita sig upp fyrir leikinn hér úti á velli. Dómararnir láta ekki sitt eftir liggja en dómari leiksins er Þorvaldur Árnason. Honum til aðstoðar eru Gylfi Már Sigurðsson og Bryngeir Valdimarsson. Ívar Orri Kristjánsson er svo varadómari og Einar Örn Daníelsson er eftirliðsmaður KSÍ.

Stefán Árni Pálsson - vísir.is
Þetta verður 2-0 fyrir Stjörnuna. Veigar Páll og Óli Kalli skora mörkin hér í kvöld.

Þorkell Gunnar Sigurbjörnsson - mbl.is
Markalaust jafntefli. Framarar girða sig í brók eftir síðasta leik og halda hreinu og Stjarnan er full varnarsinnuð. Ekki mörg færi í kvöld.

Tómas Meyer - Stöð 2 Sport
4-1 fyrir Stjörnuna. Þarf að segja hverjir skora? Nei ég nenni því ekkert.

Jóhann Óli Eiðsson - Fótbolti.net
Það verða fjögur mörk í kvöld og liðin skipta þeim á milli sín. Hafsteinn Briem og Ásgeir Marteinsson jafna fyrir heimamenn eftir að Jeppe Hansen og Michael Præst koma gestununum yfir.

Liðin eru mætt inn á völlinn og eru að koma sér fyrir. Boltinn fer að rúlla innan skamms.

Fyrirliðar hér í kvöld eru Ögmundur Kristinsson hjá Fram og Michael Præst hjá Stjörnunni.