Halló Reykjavík! Fram og Nömme Kalju frá Eistlandi mætast á þjóðarleikvangi okkar Íslendinga í forkeppni Evrópudeildarinnar en um er að ræða fyrri leik liðanna. Sá seinni verður ytra í næstu viku.

Ef við rýnum í veðmálafenið þá eru Framarar örlítið sigurstranglegri. Stuðullinn er 2,50 á Fram en 2,60 á Nömme Kalju. Jafntefli gefur 3,20.

"Það er einhver huggulegur Japani í holunni hjá þeim, hann er hvað hættulegastur hjá þeim. Þeir eru líka með Brassa og það er alltaf ávísun á eitthvað sexý þegar Brassi er í liðinu," segir Arnþór Ari Atlason, leikmaður Fram, en viðtal við hann má sjá með því að smella hér.

Nömme Kalju varð meistari í Eistlandi í fyrsta sinn á því herrans ári 2012. Liðið leikur heimaleiki sína á Kadriorg leikvangnum í Tallin. Aðalbúningar liðsins eru svartir.

Smá lag til að peppa ykkur fyrir það sem koma skal

Það er svo sannarlega stuð hér í Laugardalnum enda Evrópukvöld. Andri Yrkill frá Morgunblaðinu spáir 2-0 sigri Fram. Stefán Árni Pálsson frá 365 miðlum spáir 0-0. Orri Erlingsson segir 2-0 fyrir Fram einnig. Niðurstaðan er því að meirihluti spáir 2-0 fyrir Fram.

12 gráðu hiti og smá vindur. Kiddi væntanlega sáttur við völlinn #Europaleague pic.twitter.com/Oh9GdxTHPY

— Elvar Geir Magnússon (@elvargeir) July 3, 2014

Bjarni Guðjónsson, þjálfari Fram, lætur reynslumikla menn eins og Tryggva Svein Bjarnason, Daða Guðmundsson, Jóhannes Karl Guðjónsson, Viktor Bjarka Arnarsson og Björgólf Takefusa byrja.

Eins og áður sagði þá er Hidetoshi Wakui maðurinn í liði mótherjanna sem borgar sig að gefa gaum. Japaninn í holunni. Endilega notið kassamerkið #fotboltinet á Twitter ef þið eigið eitthvað hressandi í þessa textalýsingu.

Hér í fréttamannastúkunni eru allir Framarar í kvöld. Rætt er um hvaða Framlag er það besta. Stöngin inn er að skora hátt.

Japaninn í holunni hjá Nömmemönnum. Þetta er gaurinn sem Fram þarf að stöðva í kvöld #Evrópudeildin #fotboltinet pic.twitter.com/hr62zMyl9b

— Elvar Geir Magnússon (@elvargeir) July 3, 2014