Malen, Maguire, Rashford, Greenwood, Yoro, Eriksen og fleiri góðir í slúðri dagsins
FH
0
1
Þór/KA
0-1 Hafrún Olgeirsdóttir '32
13.07.2014  -  16:00
Kaplakrikavöllur
Pepsi-deild kvenna 2014
Dómari: Helgi Mikael Jónasson
Byrjunarlið:
Sveinbjörg Andrea Auðunsdóttir
Hafdís Erla Gunnarsdóttir
Maria Selma Haseta
Erna Guðrún Magnúsdóttir
2. Hugrún Elvarsdóttir
6. Heiða Dröfn Antonsdóttir
9. Jóhanna Steinþóra Gústavsdóttir ('55)
13. Ana Victoria Cate
16. Ásgerður Arna Pálsdóttir
17. Guðrún Björg Eggertsdóttir ('71)
24. Hildur Egilsdóttir ('69)

Varamenn:
3. Lilja Gunnarsdóttir
4. Guðrún Höskuldsdóttir
5. Margrét Sif Magnúsdóttir
8. Viktoría Valdís Guðrúnardóttir ('69)
9. Dagbjört Sól Guðlaugsdóttir
17. Alda Ólafsdóttir ('71)

Liðsstjórn:
Elva Björk Ástþórsdóttir

Gul spjöld:

Rauð spjöld:
Fyrir leik
Heil og sæl!

Verið velkomin í beina textalýsingu frá leik FH og Þór/KA í Pepsi-deild kvenna. Byrjunarliðin eru klár og má sjá þau hér sitt hvoru megin við textann.
Fyrir leik
Lið FH hefur gert jafntefli í tveimur síðustu leikjum en situr í 8. sæti með 8 stig. Þór/KA gerði einnig jafntefli í síðasta leik en tapaði þar áður tveimur leikjum í röð. Leikurinn í dag gæti því orðið athyglisverður. Sjálfstraustið eflaust að eflast hjá FH-ingum á meðan Þór/KA þarf nauðsynlega að komast aftur á sigurbraut ef liðið ætlar sér að taka fullan þátt í toppbaráttunni. Með sigri í dag gæti liðið komist upp í 2. sæti deildarinnar.
Fyrir leik
Það eru afskaplega fáir mættir á völlinn enda svolítið sérstakt að báðir meistaraflokkar FH séu að spila á sama tíma. Toppslagurinn í Pepsi-deild karla er eflaust að draga til sín slatta af FH-ingum.
1. mín
Leikurinn er hafinn og það eru heimakonur sem byrja með boltann.
10. mín
Það er ekki mikið að gerast hérna. Bæði lið að þreifa fyrir sér og engin afgerandi marktækifæri komin í leikinn.
13. mín
Þetta lítur ekki vel út. Kayla June Grimsley virðist hafa fengið hné í læri þarna. Sólveig Þórarins, sjúkraþjálfari FH kemur inn á til að sinna henni. Kayla haltrar útaf með aðstoð liðsfélaga sinna og mér finnst ólíklegt að hún geti spilað meira. Sjáum til.
17. mín
Inn:Andrea Mist Pálsdóttir (Þór/KA) Út:Kayla June Grimsley (Þór/KA)
Kayla getur ekki haldið áfram. Inná í hennar stað kemur hin 16 ára Andrea Mist Pálsdóttir, virkilega efnileg stelpa sem verður gaman að fylgjast með.
22. mín
Jóhanna Steinþóra með laglegan sprett. Hún lætur svo vaða á markið rétt utan teigs en boltinn fer yfir markið.
23. mín
Varamaðurinn Andrea Mist reynir skot að marki hinum meginn en boltinn fer af varnarmanni og aftur fyrir. Gestirnir fá því fyrstu hornspyrnu leiksins. Hún er arfaslök og FH-ingar snúa vörn í sókn.
29. mín
Andrea Mist fær besta færi gestanna til þessa en hún skallar boltann rétt framhjá.
32. mín MARK!
Hafrún Olgeirsdóttir (Þór/KA)
Stoðsending: Lillý Rut Hlynsdóttir
Hafrún er að koma Þór/KA yfir! Hafrún og Lillý Rut léku þarna skemmtilega sín á milli og Hafrún kláraði sóknina með góðu viðstöðulausu skoti. Óverjandi fyrir Hafdísi í marki FH.
40. mín
Hugrún Elvars eitthvað að gera sig líklega í vítateig Þórs/KA en Helgi Mikael dæmir aukaspyrnu á FH. Ég sá ekki nógu vel hvað gerðist en það virðist vera brotið á Roxanne í markinu.
41. mín
Guðrún Björg með flotta sendingu inn á Heiðu Dröfn en hún nær ekki valdi á boltanum og Roxanne handsamar hann. Þetta var hættulegasta sókn FH til þessa.
45. mín
Dauðafæri hjá Þór/KA. Hafrún sendi flottan bolta inn á Thanai Lauren Annis sem lagði boltann laglega fyrir sig áður en hún reyndi markskot. Hin 17 ára Hafdís Erla sá hins vegar við henni og varði vel.
45. mín
Mjög góð sókn hjá FH. Erna Guðrún lýkur henni með viðstöðulausu skoti úr teignum. Roxanne ver boltann í horn en ekkert kemur út úr því.
45. mín
Það er kominn hálfleikur í Hafnarfirði. Leikurinn var hægur og leiðinlegur lengst framan af en síðustu mínútur hafa verið líflegar og bæði lið gert sig líkleg til að skora. Vonandi heldur fjörið áfram í seinni hálfleik.
45. mín
Seinni hálfleikur er hafinn.
48. mín
Gestirnir byrja betur. Þarna munaði engu að Lillý næði að lauma boltanum inn á Annis en Hafdís Erla er vel með á nótunum og var á undan í boltann.
55. mín
Inn:Elva Björk Ástþórsdóttir (FH) Út:Jóhanna Steinþóra Gústavsdóttir (FH)
Jóhanna Steinþóra búin að eiga fínan leik en Elva Björk leysir hana af.
61. mín
Allt að gerast í vítateig Þórs/KA! Ana Victoria komst í dauðafæri en Roxanne varði. FH-ingar náðu þá öðru skoti og boltinn virtist fara í höndina á varnarmanni gestanna. Boltinn datt þá aftur fyrir leikmann FH sem náði að pota í boltann sem virtist ætla að leka alla leið yfir marklínuna en Roxanne náði að henda sér á eftir boltanum og stöðva hann á síðustu stundu. Vá. Þarna hefðu FH-ingar líklega átt að fá víti.
69. mín
Inn:Viktoría Valdís Guðrúnardóttir (FH) Út:Hildur Egilsdóttir (FH)
71. mín
Inn:Alda Ólafsdóttir (FH) Út:Guðrún Björg Eggertsdóttir (FH)
Þriðja og síðasta skiptingin hjá FH. Alda hendir sér beint upp á topp enda mikill markaskorari. Hún er markahæst í A-riðli Íslandsmótsins í 2.flokki en á enn eftir að skora fyrir meistaraflokk í Íslandsmóti.
78. mín
Inn:Ragnhildur Inga Baldursdóttir (Þór/KA) Út:Lillý Rut Hlynsdóttir (Þór/KA)
Lillý Rut búin að vera dugleg en er orðin þreytt. Ragnhildur Inga kemur inná í hennar í stað.
79. mín
Hafdís Erla sér við Thanai í enn eitt skiptið. Thanai var að komast í fínt færi en Hafdís Erla kom út á móti henni og varði vel.
85. mín
Alda Ólafs í dauðafæri. Mér sýndist það vera Ásgerður Arna sem stakk boltanum inn á Öldu sem var ein hægra megin í teignum. Skot hennar fór hinsvegar beint á Roxanne.
89. mín
Elva Björk á hér þrumuskot í stöngina! Þarna mátti ekki miklu muna.
90. mín
Sóknarþungi FH er mikill hér í lokin. Það væri ekki ósanngjarnt ef þær næðu að jafna en tíminn er að renna út.
91. mín
Inn:Freydís Anna Jónsdóttir (Þór/KA) Út:Hafrún Olgeirsdóttir (Þór/KA)
Jóhann Kristinn reynir að drepa leikinn með þriðju skiptingunni. Freydís Anna kemur inná fyrir markaskorarann.
Leik lokið!
Þetta er búið og það eru gestirnir sem taka 3 stig og skjótast upp í 2. sætið. Leikurinn var mjög jafn og þetta hefði getað dottið hvoru megin sem er.
Byrjunarlið:
1. Roxanne Kimberly Barker (m)
Silvía Rán Sigurðardóttir
4. Karen Nóadóttir
5. Thanai Lauren Annis
6. Kayla June Grimsley ('17)
8. Lára Einarsdóttir
9. Hafrún Olgeirsdóttir ('91)
11. Arna Sif Ásgrímsdóttir (f)
21. Lillý Rut Hlynsdóttir ('78)
22. Helena Rós Þórólfsdóttir
25. Heiða Ragney Viðarsdóttir

Varamenn:
10. Anna Rakel Pétursdóttir
15. Freydís Anna Jónsdóttir ('91)
16. Oddný Karólína Hafsteinsdóttir
16. Sigrún Ösp Aðalgeirsdóttir
22. Ragnhildur Inga Baldursdóttir ('78)

Liðsstjórn:

Gul spjöld:

Rauð spjöld: