Malen, Maguire, Rashford, Greenwood, Yoro, Eriksen og fleiri góðir í slúðri dagsins
Þróttur R.
3
1
KV
Ragnar Pétursson '17 1-0
Vilhjálmur Pálmason '18 2-0
2-1 Tómas Agnarsson '32
Ragnar Pétursson '51 3-1
3-1 Atli Jónasson '90 , misnotað víti
15.07.2014  -  20:00
Valbjarnarvöllur
1. deild karla
Dómari: Lee Swabey
Byrjunarlið:
30. Trausti Sigurbjörnsson (m)
4. Hreinn Ingi Örnólfsson (f)
5. Aron Ýmir Pétursson
6. Vilhjálmur Pálmason ('86)
10. Rafn Andri Haraldsson
14. Hlynur Hauksson
16. Jón Konráð Guðbergsson ('66)
17. Ragnar Pétursson
19. Karl Brynjar Björnsson (f)
23. Aron Lloyd Green ('77)
23. Matthew Eliason

Varamenn:
12. Sindri Geirsson (m)
2. Kristján Einar Auðunsson
3. Árni Þór Jakobsson
9. Andri Björn Sigurðsson
10. Alexander Veigar Þórarinsson ('86)

Liðsstjórn:
Hallur Hallsson

Gul spjöld:
Jón Konráð Guðbergsson ('35)

Rauð spjöld:
Fyrir leik
Velkomin í beina textalýsingu frá leik Þróttar og KV í 11. umferð 1. deildar karla. Leikurinn fer fram á Valbjarnarvelli í Laugardal.
Fyrir leik
Athygli vekur að Einar Már Þórisson sem gekk í raðir KV í dag kemur beint inn í byrjunarliðið.
Fyrir leik
Netið er eitthvað glopótt hér í Laugardalnum en ég vonast til að það komi ekki niður á textalýsingunni - sjáum hvað setur.
Fyrir leik
Þróttarar gera tvær breytingar á byrjunarliði sínu frá 2-2 jafnteflinu gegn BÍ/Bolungarvík á þessum velli fyrir þremur dögum síðan. Hallur Hallsson og Alexander Veigar Þórarinsson detta út fyrir þá Aron Lloyd Green og Jón Konráð Guðbergsson.
Fyrir leik
Hér á vellinum er allsherjar tökuteymi að taka upp heimildarmynd um Matthew Eliason, leikmann Þróttar. Það verður gaman að sjá hvaða áhrif það hefur á frammistöðu hans í kvöld.
Fyrir leik
Fótbolti.net sendir sérstakar þakkir til Kristrúnar, starfsmanns hér á Valbjarnarvelli, fyrir að koma netinu í lag.
Fyrir leik
Áðurnefndur Einar Már Þórisson kemur inn í lið KV fyrir Kristófer Eggertsson, sem hefur skorað þrjú mörk í síðustu tveimur leikjum gegn ÍA og Víkingi Ólafsvík. Kristófer er ekki í hópi KV í dag og hlýtur að vera meiddur.
Fyrir leik
Athygli vekur að Bretinn Lee Swabey er að dæma leikinn í dag en það er liður í samstarfsverkefni knattspyrnusambanda Englands og Íslands. Hann dæmdi einnig leik KA og Selfyssinga síðastliðinn föstudag auk þess sem hann var aðstoðardómari í leik ÍBV og Fjölnis á sunnudaginn var.
Fyrir leik
Þá ganga leikmenn liðanna inn á völlinn leiddir af Lee Swabey. Tökuliðið fylgir Matt Eliason fast eftir.
1. mín
Bleikklæddir Vesturbæingar hefja leik!
5. mín
Leikurinn fer nokkuð rólega af stað, Þróttarar hafa verið ágengari en lítið markvert átt sér stað.
12. mín
Ekki margt að segja frá hér á Valbjarnarvelli. Færin láta bíða eftir sér þrátt fyrir að liðin hafi bæði náð ágætis spilköflum. Varnirnar þéttar báðu megin á vellinum.
17. mín MARK!
Ragnar Pétursson (Þróttur R.)
Stoðsending: Hlynur Hauksson
Þá kom að fyrstu marktilraun leiksins! Hlynur Hauksson á frábæra fyrirgjöf frá vinstri beint á kollinn á Ragnari Péturssyni sem stökk hæst í teignum og skallaði boltann í fallegum boga yfir Atla í markinu.
18. mín MARK!
Vilhjálmur Pálmason (Þróttur R.)
Stoðsending: Aron Lloyd Green
2-0!! Maður er vart búinn að sleppa orðinu þegar Þróttarar skora aftur! Vilhjálmur fékk boltann við vítateigslínuna eftir skyndisókn Þróttar og skoraði örugglega í vinstra hornið!
19. mín
Einar Már á skot yfir úr fínu færi eftir hornspyrnu. Nú er sko komið fjör í þennan leik!
24. mín
Rétt í þessu byrjaði að hellirigna. Blautur völlur hefur sjaldan gert fótboltaleik leiðinlegri.
25. mín
Dauðafæri hjá KV! Trausti Sigurbjörnsson ver vel frá Magnúsi Bernharð og svo Gunnari Helga - KV með fína sókn sem hefði átt að enda með marki. Fyrstu skot þeirra á rammann.
27. mín
Eliason á skalla yfir eftir fínan sprett Arons Green upp vinstri kantinn.
31. mín
Dauðafæri hjá Eliason! Hann fær frábæra sendingu inn fyrir og er einn gegn Atla, hann vippar laglega yfir hann en boltinn í stöngina!
32. mín MARK!
Tómas Agnarsson (KV)
Stoðsending: Einar Már Þórisson
Aftur fær Einar Már boltann einn á auðum sjó á fjærstönginni, hann á slakt skot sem Tómas potar inn.
33. mín Gult spjald: Benis Krasniqi (KV)
34. mín
Eliason í ágætis færi eftir aukaspyrnu, hann rennir sér á boltann en boltinn fer rétt framhjá.
35. mín Gult spjald: Jón Konráð Guðbergsson (Þróttur R.)
41. mín
Enn sækja Þróttarar upp vinstri kantinn, KV-menn rétt ná að koma fyrirgjöfinni í horn, Ragnar Pétursson aftur að ógna í teignum.
44. mín
KV fær gott færi eftir horn, dauðafæri raunar en skalli Davíðs Steins er slakur og beint á Trausta í markinu. Þróttarar eiga í erfiðleikum með að eiga við Vesturbæinga í hornspyrnum.
45. mín
Gunnar Helgi á þrumuskot utan af velli en það fer beint í hendurnar á Trausta.
45. mín
Stórkostleg markvarsla hjá Atla Jónassyni! Þróttarar áttu aukaspyrnu á stórhættulegum stað, Vilhjálmur Pálmason skaut þrumuskoti sem Atli varði til hliðar, beint á Jón Konráð sem var einn á auðum sjó á markteig en Atli gerði sér lítið fyrir og varði fraá honum líka. Glæsilega gert en Páll Kristjánsson er brjálaður yfir dekkningu sinna manna.
45. mín
Hálfleikur - Glæsileg tvöföld markvarsla Atla fín leið til að enda hálfleikinn. Sjáumst eftir korter.
46. mín
Þróttarar hefja þá síðari hálfleikinn. Bæði lið eru óbreytt.
49. mín
KV næstum því búnir að jafna, klaps í teignum eftir aukaspyrnu endaði með föstu skoti Benis Krasniqi í hliðarnetið af stuttu færi, einhverjir héldu að þessi væri inni.
51. mín MARK!
Ragnar Pétursson (Þróttur R.)
Stoðsending: Matthew Eliason
3-1! Matt Eliason fór illa með Krasniqi á vinstri kantinum, komst inn fyrir vörnina og átti frábæra þversendingu á óvaldaðann Ragnar Pétusson sem afgreiddi með stakri prýði.
59. mín
Þróttarar eru betri þessa stundina og eiga auðvelt með að leysa tilraunir KV til að pressa á þá. KV-menn skapa sér lítið sem ekkert.
61. mín
Inn:Gunnar Wigelund (KV) Út:Gunnar Helgi Steindórsson (KV)
Gunnar Helgi hafði verið að stinga við fæti og fer af velli. Gunnar Wigelund kemur inn og KV bæta í sóknina.
61. mín
Inn:Ólafur Örn Eyjólfsson (KV) Út:Einar Már Þórisson (KV)
Tvöföld skipting - Einar Már fer útaf í sínum fyrsta leik eftir endurkomuna.
66. mín
Inn:Oddur Björnsson (Þróttur R.) Út:Jón Konráð Guðbergsson (Þróttur R.)
Fyrsta breyting Þróttara og fyrsti leikur Oddar Björnssonar í sumar.
69. mín
Tómas Agnarsson á skalla yfir eftir aukaspyrnu frá Garðari Inga.
72. mín
KV-menn hætta sér framarlega á völlinn og Þróttarar skapa hættu með því að stinga sér að bakvið þá. Þeir virðast líklegri að bæta við en Vesturbæingar.
74. mín
Inn:Steindór Oddur Ellertsson (KV) Út:Garðar Ingi Leifsson (KV)
Garðar hefur átt betri daga eins og mestallt lið KV.
77. mín
Inn:Hallur Hallsson (Þróttur R.) Út:Aron Lloyd Green (Þróttur R.)
80. mín
Leikurinn virðist vera að fjara út, Vesturbæingar skapa sér ekki neitt.
86. mín
Inn:Alexander Veigar Þórarinsson (Þróttur R.) Út:Vilhjálmur Pálmason (Þróttur R.)
Síðasta breyting Þróttara. Vilhjálmur hefur átt frábæran dag.
89. mín
Þróttarar við að að skora eftir fína sókn upp hægri kantinn en Kristinn Jens hreinsar á línu.
90. mín Gult spjald: Steindór Oddur Ellertsson (KV)
90. mín
Vítaspyrna! Þróttari virðist fá boltann í hendina - þeir eru ekki parsáttir en Swabey og aðstoðardómarinn eru vissir í sinni sök.
90. mín Misnotað víti!
Atli Jónasson (KV)
Guð á himnum! Atli hefur skorað í tveimur vítaspyrnum í sumar en í þetta skiptið 'chippar' hann boltanum yfir. Hörmulegt víti.
Leik lokið!
3-1 sigur Þróttara staðreynd! Umfjöllun og viðtöl væntanleg. Ég þakka fyrir mig.
Byrjunarlið:
12. Atli Jónasson (m)
3. Benis Krasniqi
9. Magnús Bernhard Gíslason
10. Garðar Ingi Leifsson ('74)
10. Davíð Guðrúnarson
11. Gunnar Kristjánsson
17. Gunnar Helgi Steindórsson (f) ('61)
18. Tómas Agnarsson
19. Kristinn Jens Bjartmarsson
24. Davíð Steinn Sigurðarson

Varamenn:
7. Gunnar Wigelund ('61)
14. Steindór Oddur Ellertsson ('74)
20. Guðmundur Sigurðsson
22. Ólafur Örn Eyjólfsson ('61)
33. Eyjólfur Fannar Eyjólfsson

Liðsstjórn:

Gul spjöld:
Steindór Oddur Ellertsson ('90)
Benis Krasniqi ('33)

Rauð spjöld: