Malen, Maguire, Rashford, Greenwood, Yoro, Eriksen og fleiri góðir í slúðri dagsins
HK
1
1
KV
0-1 Magnús Bernhard Gíslason '36
Viktor Unnar Illugason '87 1-1
18.07.2014  -  19:15
Kórinn
1. deild karla
Aðstæður: Innanhúss.
Dómari: Sigurður Óli Þorleifsson
Áhorfendur: 140
Maður leiksins: Ingólfur Sigurðsson (KV)
Byrjunarlið:
1. Beitir Ólafsson (m)
4. Leifur Andri Leifsson (f) ('59)
8. Atli Valsson ('59)
9. Davíð Magnússon
11. Axel Kári Vignisson
13. Jón Gunnar Eysteinsson
14. Viktor Örn Margeirsson
18. Guðmundur Atli Steinþórsson
20. Hörður Magnússon ('59)
20. Árni Arnarson
21. Andri Geir Alexandersson

Varamenn:
12. Stefán Ari Björnsson (m)
3. Axel Lárusson
3. Ólafur Valdimar Júlíusson
6. Birgir Magnússon
10. Guðmundur Magnússon ('59)
19. Viktor Unnar Illugason ('59)
23. Elmar Bragi Einarsson ('59)

Liðsstjórn:

Gul spjöld:
Guðmundur Magnússon ('70)
Hörður Magnússon ('55)

Rauð spjöld:
Fyrir leik
Velkomin í beina textalýsingu frá leik HK og KV sem fram fer á heimavelli HK í Kórnum. Leikurinn er í 12. umferð 1. deildar karla.

Þetta er því fyrsti leikurinn í síðari helmingi mótsins og mættust liðin í 1. umferð.

HK vann þá 3-2 sigur í Egilshöll en bæði lið eru nýliðar í deildinni.
Fyrir leik
HK hafa komið liða mest á óvart í deildinni og eru sem stendur einungis stigi frá Pepsi-deildar sæti. Þeim var fyrir mót spáð því að fara rakleiðis aftur niður í 2. deild.

KV eru hins vegar nokkurn veginn í þeirri stöðu sem að búist var við að þeir yrðu í, í fallbaráttu.

Deildin er hins vegar gríðarlega jöfn og einn sigur getur gjörbreytt stöðu liðs, það verður því gaman að sjá hvernig liðin mæta til leiks í dag.
Fyrir leik
Athygli vekur að Ingólfur Sigurðsson kemur beint inn í byrjunarlið KV og hinn nýji maðurinn Einar Már Þórisson heldur sæti sínu í liðinu.

Þá kemur Guðmundur Magnússon á bekkinn hjá HK en hann var að ganga til liðs við þá á láni frá Fram.
Fyrir leik
Liðin eru á fullu í upphitun en Vesturbæingar leika annan leikinn í röð í sínum bleiku varabúningum.
Fyrir leik
Þorvaldur Örlygsson, þjálfari HK, gerir eina breytingu á sínu liði frá 1-0 sigrinum á BÍ/Bolungarvík síðastliðinn þriðjudag. Leifur Andri Leifsson kemur inn fyrir Viktor Unnar Illugason.
Fyrir leik
Það eru gleðifréttir fyrir KV að Brynjar Orri Bjarnason kemur aftur inn í hóp hjá þeim en hann hefur verið meiddur í nánast allt sumar.
Fyrir leik
Sömuleiðis kemur Kristófer Eggertsson inn í hóp hjá þeim en hann spilaði ekki gegn Þrótti þar sem að 2. flokkur KR hafði not fyrir hann í leik á miðvikudagskvöldið.
Kristófer Eggertsson, leikmaður KV: King Bryngeir Torfason óskaði mér góðs gengis í leiknum í kvöld, held ég hafi farið á taugum #KVnation
Fyrir leik
Bryngeir Torfason, aðstoðarþjálfari HK, er í essinu sínu að venju að stjórna upphitun hjá HK. Leikmenn liðsins taka léttan eltingaleik með vesti og bolta áður en þeir halda til búningsherbergja.
Fyrir leik
Sigurbjörn Hreiðarsson, þjálfari Hauka, mætti rétt í þessu þegar 4 mínútur eru til leiks. Haukar mæta HK í næstu umferð.
Fyrir leik
Þá halda leikmenn liðanna inn á völlinn, leidd af Sigurði Óla Þorleifssyni, dómara í dag.
1. mín
HK hefur leik!
5. mín
Leikurinn fer vel af stað, HK áttu hættulega sókn strax í byrjun og nú eiga KV fyrstu marktilraun leiksins þegar Ólafur Örn skýtur yfir frá vítateigslínu. Ákafi í baðum liðum.
11. mín
Gunnar Kristjánsson á skot úr ágætis færi sem Beitir á ekki í vandræðum með að grípa.
12. mín
KV gera vissar breytingar á sínu liði, Benis Krasniqi sem hefur verið í miðverði allt tímabilið er kominn í hægri bakvörðinn og Kristinn Jens fer í miðvörðinn í staðinn. Þá er Gunnar Kristjánsson í holunni en hann hefur verið í vinstri bakverði undanfarið.
16. mín
Hörður Magnússon á máttlítið skot sem á viðkomu í varnarmanni og verður því stórhættulegt, Atli nær að verja og HK fær horn.
23. mín
Guðmundur Atli Steinþórsson fær tiltal frá dómaranum fyrir brot aftan frá. Allur KV-bekkurinn stóð upp til að mótmæla.
24. mín
Gunnar Kristjánsson á gott skot á lofti en það fer beint á Beiti sem þarf þó að kýla boltann frá.
27. mín
Heimamenn ógna meira þessa stundina og hafa fengið tvö fín færi með stuttu millibili. KV-menn virðast einbeita sér mest að því að skammast í dómaranum.
29. mín
Guðmundur Atli Steinþórsson á skalla frá markteig rétt framhjá eftir aukaspyrnu, hættulegt færi.
31. mín Gult spjald: Kristinn Jens Bjartmarsson (KV)
Hann fór harkalega í bakið á Árna Arnarsyni í skallabolta sem liggur óvígur eftir.
34. mín
Guðmundur Atli í þröngu færi eftir sendingu innfyrir, hann nær fínu skoti sem Atli ver í horn. HK töluvert betri þessa stundina.
36. mín MARK!
Magnús Bernhard Gíslason (KV)
Stoðsending: Ingólfur Sigurðsson
Frábært mark! Ingólfur Sigurðsson og Jón Kári áttu frábært samspil upp vinstri kantinn, Ingólfur gaf frábæra sendingu fyrir beint á kollinn á Magnúsi sem skallaði boltann örugglega í markið.
37. mín
Þetta var fyrsta skipti sem KV komst fram völlinn af einhverju viti í rúmar 10 mínútur, virkilega góð sókn.
40. mín
Atli Jónasson fer í skógarhlaup sem hefði getað endað verr, varnarmenn KV koma boltanum hins vegar í horn.
41. mín
Dauðafæri!! Davíð Magnússon á skalla nánast á marklínu eftir hornspyrnuna en skallinn er afar slakur og beint á Atla sem ver áður en boltinn er hreinsaður burt.
44. mín
HK fær annað dauðafæri sem flokkast þó heldur sem góð sóknarstaða, slök sending verður til þess að Vesturbæingar koma boltanum frá.
45. mín
Hálfleikur - KV stóðst áhlaup HK og halda til búningsherbergja með markið hreint. Mark HK lá í loftinu en nú fá liðin tækifæri til að endurskipuleggja sig.
Atli Sigurðsson, bróðir Ingólfs Sigurðssonar:
Ánægður með litla bró! Væntanlega byrjaður að snuddast með @jonkarieldon #KVnation
46. mín
KV hefur síðari hálfleikinn. Bæði lið eru óbreytt.
47. mín
Árni Arnarson með skemmtilega takta, heldur þrisvar á lofti áður en hann skýtur en skotið fer yfir markið.
49. mín
Það er bara eitt lið í stúkunni, eða í rauninni einn maður. Bóas Sigurbjörnsson, stuðningsmaður KV, á stúkuna með húð og hári.
55. mín Gult spjald: Hörður Magnússon (HK)
56. mín
Guðmundur Atli á skot yfir frá vítapunkti eftir að hafa snúið af sér varnarmann KV, fínt færi.
58. mín Gult spjald: Einar Már Þórisson (KV)
59. mín
HK fá gott færi úr aukaspyrnunni í kjölfarið.
59. mín
Inn:Viktor Unnar Illugason (HK) Út:Leifur Andri Leifsson (HK)
59. mín
Inn:Guðmundur Magnússon (HK) Út:Hörður Magnússon (HK)
59. mín
Inn:Elmar Bragi Einarsson (HK) Út:Atli Valsson (HK)
59. mín
Þorvaldur er ekki að tvínóna við hlutina. ÞREFÖLD skipting, takk fyrir!
62. mín
Inn:Kristófer Eggertsson (KV) Út:Magnús Bernhard Gíslason (KV)
Markaskorarinn útaf. Kristófer kemur inná en hann er uppalinn í HK.
66. mín
Inn:Davíð Steinn Sigurðarson (KV) Út:Benis Krasniqi (KV)
Benis fer meiddur af velli, Davíð fer á miðjuna og Jón Kári dettur niður í bakvörðinn.
67. mín
Atli Jónasson skýtur í þriðja eða fjórða skiptið í þakið - innkast fyrir HK.
68. mín
Heimamenn halda áfram að stjórna ferðinni en koma boltanum ekki inn, liðið virðist vera að aðlagast því að hafa þrjá nýja leikmenn inná.
70. mín Gult spjald: Guðmundur Magnússon (HK)
74. mín
Vesturbæingar eru dottnir töluvert aftarlega á völlinn þessa stundina. Þeir gera heimamönnum erfitt fyrir að skapa sér færi, ekki sama skemmtanagildi í þessu samkvæmt því.
76. mín
Kristófer Eggertsson fær góða sendingu inn fyrir frá Ingólfi Sigurðssyni og skýtur rétt framhjá úr þröngu færi.
77. mín
Viktor Unnar Illugason hreunar yfir samherja sína um að þeir tali ekki við hann. Það veit ekki á gott að hann sé í vondu skapi.
79. mín
Jón Gunnar Eysteinsson á tilraun af um 25 metra færi sem var aldrei á leið á rammann. Fyrsta marktilraun HK í töluverðan tíma.
81. mín
Kristófer Eggertsson á skot beint á Beiti í marki HK í kjölfar langrar sendingar inn á hann.
82. mín
Dauðafæri! Elmar Bragi Einarsson reynir utanfótarsnuddu af stuttu færi en boltinn fer framhjá markinu.
83. mín
Stórhætta við mark KV, nú var það Viktor Unnar sem var kominn í gegn en Tómas Agnarsson tæklaði boltann vel frá honum.
87. mín MARK!
Viktor Unnar Illugason (HK)
HK nær að jafna! Atli varði skalla eftir hornspynu úr dauðafæri, boltinn barst til Viktor sem náði að koma boltanum yfir línuna af eins metra færi.
90. mín
Bæði lið gera hvað þau geta að ná inn sigurmarki.
90. mín
Viktor Unnar í færi en varnarmaður KV kemst fyrir, hornspyrna HK.
90. mín
Þvílík klaps á teignum eftir hornið! Atli endar þó með boltann í höndunum en varnarmenn KV eru ekki sannfærandi í þessum föstu leikatriðum.
90. mín
Páll Kristjánsson er trítilóður á hliðarlínunni og er rekinn upp í stúku af Sigurði Óla. Þetta er í kjölfar þess að vafasamt brot er dæmt á Kristófer á Beiti, markverði HK.
Leik lokið!
HK nær inn stigi með þolinmæði. 1-1 nokkuð sanngjörn niðurstaða ef á heildina er litið. Umfjöllun og viðtöl eru væntanleg.
Byrjunarlið:
12. Atli Jónasson (m)
6. Jón Kári Eldon
9. Magnús Bernhard Gíslason ('62)
10. Ingólfur Sigurðsson
11. Gunnar Kristjánsson
18. Tómas Agnarsson
19. Kristinn Jens Bjartmarsson
22. Ólafur Örn Eyjólfsson

Varamenn:
8. Brynjar Orri Bjarnason
10. Garðar Ingi Leifsson
14. Steindór Oddur Ellertsson
17. Gunnar Helgi Steindórsson
24. Davíð Steinn Sigurðarson ('66)
28. Kristófer Eggertsson ('62)
33. Eyjólfur Fannar Eyjólfsson

Liðsstjórn:

Gul spjöld:
Einar Már Þórisson ('58)
Kristinn Jens Bjartmarsson ('31)

Rauð spjöld: