Leikurinn er hafinn og það er Selfoss sem byrjar með boltann.

Strax komin sókn á blað. Eva Lind sendi fyrir og þar var Katrín Ýr Friðgeirsdóttir sem átti skot framhjá.

Þvílík stemmning í stúkunni.

Anna Björg Björnsdóttir er í liði Fylkis. Hún hefur verið að glíma við langtíma meiðsli og ekki verið að spila mikið.

Selfoss hefur verið að sækja örlítið meira og fá hér aukaspyrnu.

Guðmunda Brynja með skot sem fer í leikmann. Auðvelt fyrir Þóru að grípa.

Karitas Tómasdóttir með ágætis tilraun. Kom að krafti pressu og náði boltanum. Hlóð svo í skot en framhjá.

Tinna Bjarndís tekur aukaspyrnu langt utan af velli. Selfoss hreinsar.

Guðmunda Brynja með gott upphlaup. Kom sér í færi sem var þröngt en náði föstu skoti. Þóra varði.
Stuttu seinna kom Celeste Boureille með skot framhjá.

Selfoss á leikinn eins og er.

Selja Ósk gefur Selfossi horn. Ekkert myndast úr því en sóknin heldur áfram og annað horn dæmt í kjölfarið.

Guðmunda Brynja var einn inn í teignum og virtist eins og hún væri ein og óvölduð. Skallinn var fastur og góður en framhjá.

Hrafnhildur með aukaspyrnu. Hætta skapast en Fylkir ná að hreinsa í burtu.

Guðmunda Brynja lætur mikið til sín taka í þessum leik og er stöðugt ógnandi, bara rétt eins og allt Selfossliðið.

Aukaspyrna frá Hrafnhildi Heklu. Boltinn skoppar inn í teig og endar svo í höndunum á Alexa Gaul.

Hermann Hreiðarsson var að fá gult spjald fyrir að mótmæla aukaspynudómi.

Fylkisstelpur eru aðeins farnar að sækja í sig veðrið. Þær eru búnar að vera mjög ólíkar sjálfum sér.

Aukaspyrna. Tinna Bjarndís tekur. Hár bolti sem Selfoss hreinsar.

Katrín Ýr með glæsilega sendingu fyrir. Föst og þráðbein. Eva Lind var mætt á svæðið og fastur skallinn hennar fór framhjá.

Dómarinn er aftur farinn að gefa Hemma Hreiðars tiltal.

Hálfleikur.

Selfoss er búið að eiga þennan fyrri hálfleik. Þær eru stöðugt ógnandi og mikið líf í sóknarleik þeirra. Varnarlega hafa þær verið mjög stöðugar fyrir utan markið sem Hawkins skoraði.

Fylkir hefur af og til droppað mikið niður. Þær hafa ekki náð að skapa sér mikið af færum en markið sem þær skoruðu gaf þeim mikinn byr.

Það verður spennandi að sjá hvernig liðin koma til baka í seinni hálfleikinn.

Leikurinn er hafinn að nýju.

Horn sem Selfoss fær. Hættaskapaðist inn í teig en boltanum var komið frá á síðustu stundu.

Selfoss byrjar að sama krafti og í fyrri hálfleik.

Tvö skot að marki, fyrst var það Bourille sem skaut föstu í varnarmann og svo fylgdi Guðmunda Brynja eftir með föstu skoti yfir.

Aukaspyrna sem Selfoss fær. Hrafnhildur tekur hana. Boltinn fer beint í netið. Markið er dæmt af því Guðmunda Brynja var of nálægt boltanum en hún lét hann fara og dómarinn hefur metið það sem svo að hún hafi haft áhrif á leikinn í þessari rangstöðu.

Fylkir á aukaspyrnu. Tinna tekur. Boltinn fer svo í smá loftdans á milli leikmanna og endar svo fyrir framan Gaul sem þarf að hafa sig alla við að verja frá Fylkismanni sem pressaði stíft á hana.

Guðmunda Brynja liggur í jörðinni eftir samstuð við Hawkins. Sýnist eitthvað vera að henni í hnéinu.

Guðmunda Brynja fiskar horn.

Enn og aftur er Boureille nálægt því að komast í boltann. Hún er stórhættuleg í þessum hornum, enda búin að skora tvö.

Tinna Bjarndís brýtur á Guðmundu Brynju. Þær fá aukaspyrnu sem þær taka stutt. Enda svo á því að vinna horn.

Hawkins með frábæra vörn eftir að Guðmunda Brynja var komin í mjög gott færi.

Eva Lind fékk takka í andlitið eftir að Lovísa og hún lentu í návígi. Óviljandi en Lovísa fær gult og Eva Lind er staðin upp.

Þvílík spenna og hér stefnir allt í framlengingu.

Hrafnhildur Hekla með skot yfir. Ágætis tilraun.

Áhorfendur láta vel í sér heyra núna. Þetta er til fyrirmyndar.

Fylkir liggur þungt á Selfossi núna.

Gildein fékk stungu inn fyrir vörn Selfoss. En Gaul í marki Selfoss kom út á hárréttum tíma.

Nú er dómarinn búinn að flauta til loka þessara 90 mínútna. Framlenging staðreynd og hér er heldur betur búið að vera gaman og áhorfendur búnir að fá mikið fyrir peninginn.

Þá er framlengingin hafin. Fylkir byrjar fyrri hálfleik framlengingarinnar.

Gildein með ágætis skot en Gaul grípur frá henni.

Eva Lind prjónaði sig í gegnum nokkra leikmenn og kom sér í þokkalegt færi en skotið framhjá.

Fylkir voru komnar 3 á 4. Sending fyrir og Alex Gaul út á réttum tíma. Boltinn fer af henni og frákastinu er klúðrað.

Hranfhildur tekur aukaspyrnu sem er aðeins fyrir utan teig. Boltin endar hjá Boureille sem skýtur í samskeytina.

Hættuleg sókn hjá Selfossi. Dagný Brynjars var kominn inn í markteig og gerði sig líklega en Þóra Helgadóttir kom inn í á réttum tíma.

Hrafnhildur tekur aukaspyrnu og Guðmunda Brynja skallar framhjá.

Liðin eru lítið að búa til núna.

Alex Gaul ver síðustu aukaspyrnu fyrri hálfleiks framlengingarinnar.

Þá er seinni hálfleikur framlengingarinnar hafinn.

Hrafnhildur Hauksdóttir liggur eftir á vellinum og þarf að fara útaf í börum. Ekki veit ég hvað gerðist.

Hér hefði getað verið víti en dómarinn dæmir horn. Ég sá þetta ekki nógu vel.

Gumma tekur horn og Dagný Brynjars á fastan skalla framhjá.

Hulda Hrund á hér ágætis skot eftir mistök hjá Stockton en boltinn er gripinn.

Þóra fer út úr markinu og bjargar hér vel frá Dagnýju Brynjars.

Aukaspyrna og hér fær Hrafnildur Hekla dauðafæri. Hefði hún sett höfuðið í boltann hefði hann farið inn. Þetta var rosalegt.

Þá er það bara vítaspyrnukeppnin eftir að dómarinn flautar til loka framlengingarinnar.

Hér er búið að vera hrikalega gaman. Alvöru undanúrslitaleikur í bikarnum.

Selfoss er heilt yfir búið að vera sterkari aðilinn en Fylkir búið að sýna mikinn karakter og koma tvisvar tilbaka eftir að hafa lent undir tvívegis.