Malen, Maguire, Rashford, Greenwood, Yoro, Eriksen og fleiri góðir í slúðri dagsins
HK
1
1
KA
Guðmundur Magnússon '10 1-0
1-1 Gunnar Örvar Stefánsson '45
30.07.2014  -  18:15
Kórinn
1. deild karla 2014
Dómari: Sigurður Óli Þórleifsson
Byrjunarlið:
1. Beitir Ólafsson (m)
8. Atli Valsson
9. Davíð Magnússon
10. Guðmundur Magnússon
11. Axel Kári Vignisson
13. Jón Gunnar Eysteinsson
18. Guðmundur Atli Steinþórsson
19. Viktor Unnar Illugason ('63)
20. Árni Arnarson
21. Andri Geir Alexandersson
23. Elmar Bragi Einarsson

Varamenn:
12. Stefán Ari Björnsson (m)
3. Axel Lárusson
3. Ólafur Valdimar Júlíusson
4. Leifur Andri Leifsson ('63)
5. Guðmundur Þór Júlíusson
14. Viktor Örn Margeirsson

Liðsstjórn:
Oddur Hólm Haraldsson

Gul spjöld:

Rauð spjöld:
Fyrir leik
Komiði sæl og velkomin í þessa beinu textalýsingu frá leik HK og KA í 1.deild karla í knattspyrnu.
Fyrir leik
Fyrirkomulag leiksins er mjög hefðbundið, 11 leikmenn frá HK mæta 11 leikmönnum frá KA, 1 dómari, 2 þjálfarar og svona. Að sjálfsögðu er valinn maður í hverju rúmi hjá báðum liðum og býst ég við að tekið verði til kostanna í Kórnum kl 18.30 þegar leikurinn verður flautaður á.
Fyrir leik
Það er eiginlega ólýsanlegt hversu mikill 50/50 leikur þetta er. Bæði lið hreinlega VERÐA að vinna í dag og er mikið í húfi. KA menn gætu stimplað sig all rækilega inn í toppbaráttuna í fyrsta skiptið í sumar. Fyrir heimamenn er það svo að halda áfram að vera í toppbaráttu ef þeim tekst að sigra í dag.
Fyrir leik
Bæði lið töpuðu síðasta leik í deildinni. HK steinlá fyrir Haukum 1-4 á heimavelli. Á meðan voru KA menn hársbreidd frá því að landa stigi á sínum heimavelli, en Þróttararnir komu í veg fyrir það með marki á 90.mínútu og hirtu öll stigin 3.
Fyrir leik
HK-ingar fengu í dag liðsstyrk þegar Guðmundur Júlíusson kom á láni frá Fjölni. Einnig hafa þeir fengið Guðmund Magnússon að láni frá Fram.
Fyrir leik
KA menn styrktu einnig lið sitt í dag þegar Viktor Örn kom til þeirra á láni frá Fylki út tímabilið. Einng fengu KA miðjumanninn sterka Edin Besilja frá KF, en hann lék með erkifjendunum frá Akureyri í Þór fyrir ekki svo löngu.
Fyrir leik
Að labba inn í kalt knattspyrnuhús á sólríkum sumardegi er ekki það mest spennandi í heimi beint. En þessi leikur verður það, því get ég lofað.
Fyrir leik
Traustur Vinur og Rabbabara Rúna spilað hátt í Kórnum þessa stundina, ég veit um einn mann sem fagnar því meira en hinir. Guðmundur Magnússon í HK, faðir hans Magnús Stefánsson einn af söngvurum í Upplyftingu sem á heiðurinn að þessum lögum.
Fyrir leik
Reiðarslag hins vegar fyrir KA að Hax-Grímur sé í banni hjá þeim í kvöld. En Bjarni Jó fann upp á orðatiltækinu ,,Maður kemur í manns stað" svo hann hlýtur að vera með lausn til að leysa það. Edin Besilja er allavega mættur í byrjunarliðið.
1. mín
Leikurinn er hafinn!

HK byrjar með boltann.
2. mín
HK fær hornspyrnu eftir klafs í horninu vinstra megin.
2. mín
Boltinn berst fyrir utan teig þar sem Elmar Bragi tekur skot langt fyrir utan, hár bananabolti. Rajkovic tekur þá ákvörðun að kýla boltann aftur fyrir þrátt fyrir að vera einn. Hornspyrna...

Sem ekkert verður úr.
3. mín
Frábær sprettur hjá Ævari sem klobbar tvo á leið sinni upp vinstri kantinn. Leggur svo boltann fyrir Stefán sem skýtur í varnarmann og burt.
5. mín
KA menn virka mjög frískir fyrstu mínútur leiks allavega. Mikil hætta sem skapast þegar einn af fremstu 3 í sóknarlínu KA er með boltann.
8. mín
Dæmt brot á Viktor Unnar inní vítateig KA, virtist hafa ýtt örlítið í bakið á Vien Smith
9. mín
HK að fikra sig inn í leikinn, reyna að finna senterana mikið í fætur, bæði Guðmund Atla, Gumma Magg og Viktor Unnar.
10. mín MARK!
Guðmundur Magnússon (HK)
BINGÓ!

Frábær aukaspyrna frá Atla Valssyni utan af hægri kanti, á kollinn á Guðmundi sem skoraði með flottum skalla af fjærstönginni í gagnstætt horn. Rajkovic ekki langt frá því að verja þetta.
12. mín
KA menn leggja ekki árar í bát, heldur róa sem aldrei fyrr. Eiga núna fyrirgjöf frá hægri kanti á fjærstöngina þar sem Stefán Pálsson nær máttlausu skoti sem er hreinsað í burtu.
13. mín
Gummi Magg byrjar þennan leik vel, geysist núna fram með boltann eins og naut og heldur mönnum frá sér rennir boltanum svo á Viktor Unnar sem á misheppnað skot.
17. mín
Flott leikflétta hjá Arsenji og Stefáni sem endar með fyrirgjöf sem HK menn setja í horn... Sem Beitir kýlir frá.
20. mín
Misskilningur í vörn HK sem endar með því að Atli Valsson gefur hornspyrnu. KA menn taka hana stutt og hefja einhverja fléttu beint af æfingasvæðinu, og uppskera annað horn.
21. mín
Aftur taka KA menn hana stutt, en nú hreinsa HK-ingar þetta í burtu og yfir miðju í þetta skiptið.
22. mín
Edin Besilja á erfitt með að fóta sig inn á miðjunni. Ekki mikil hætta stafað af honum það sem af er.
23. mín
Menn í stúkunni öskra duglega á KA, oftar en ekki má heyra:
,,Við erum miklu betri KA-menn !!"
26. mín
KA liggja örlítið á heimaliðinu núna. Ekkert almennilegt markskot samt.
27. mín
Davíð Magnússon með flottan undirbúning og setur boltann fyrir af hægri kantinum, Gummi Magg á þá skot rétt framhjá.
28. mín
Stefán Þór við það að sleppa í gegn en Jón Gunnar á þá hetjulega tæklingu.
29. mín
Bíddu nú við, Gunnar Örvar er tekinn niður inn í vítateig, menn vilja fá víti. Tvísýnt.
30. mín
2nd goal KA, stuðull 1.83. Ég hef heyrt vitlausari veðmál...
33. mín
Hornspyrna sem KA á. Þung sókn hjá gestunum þessa stundina.
33. mín
ÚFF !! Gunnar Örvar með skalla rétt yfir þverslánna. Þarna mátti litlu muna.
35. mín
Arsenij með draumóra skot langt fyrir utan teig sem fer vel framhjá.
37. mín
Guðmundur Atli með skot rétt framhjá stönginni. HK-ingar eru með gífurlega öflugar skyndisóknir.
38. mín
Gunnar Örvar tekur á móti fyrirgjöf frá Ævari og fær allan tíma í heimi til að athafna sig, og leggur boltann út á Stefán Þór sem á skot himinhátt yfir.
40. mín
HK-ingar eiga erfitt með að tengja saman spil milli miðju og sóknar þessa stundina, örlítið tilviljunarkennt og þeir liggja ansi þétt til baka, spurning hvort ætlunin sé bara að halda þessari stöðu.
41. mín
Enn og aftur eru Ævar Ingi og Gunnar Örvar að ná vel saman, lág fyrirgjöf frá Ævari, beint á Gunnar, sem setur hann í varnarmann og út í horn, sem HK hreinsa.
42. mín
KA menn eru með öll völd á vellinum þessa stundina, núna átti Stefán Þór skot sem Atli Valsson henti sér hetjulega fyrir inn í vítateig.
45. mín
Arsenij fer hér illa með Davíð Magnússon, klobbar hann inní teig, en skotið sem fylgdi í kjölfarið var beint á Beiti.
45. mín MARK!
Gunnar Örvar Stefánsson (KA)
Stoðsending: Arsenij Buinickij
Á BESTA TÍMA!!

Gunnar Örvar fær frábæra stungusendingu frá Arsenij sem hann tekur beint á kassann og leggur hann fyrir sig á meðan hann heldur Davíð frá sér, leggur boltann svo í hornið, snyrtilegt.

Nú vona ég að fólk hafi hlustað á bett-tipsið og grætt smá cash.
45. mín
Og strax eftir að KA skorar flautar Sigurður Óli til hálfleiks. Þessi leikur galopnaðist við þetta mark.
45. mín
Tónlistin sem fólk fær að heyra er ekkert til að hrópa húrra fyrir. Skulum vona að hún verði skárri hérna þann 24.ágúst þegar Justin nokkur Timberlake troðfyllir höll Guðjohnsen feðga.
46. mín
Seinni hálfleikur hafinn!
48. mín
Rólegt í byrjun seinni...
50. mín
Fyrsta alvöru færi seinni hálfleiksins, afleit sending tilbaka frá Arsenji sem ratar á Viktor Unnar sem sendir boltann áfram á Axel Kára sem á skot rétt framhjá!
51. mín
Flott skyndisókn hjá KA sem Ævar Ingi endar með skoti rétt framhjá.
53. mín
Aukaspyrna frá miðju frá Arsenij, sem HK skallar í burtu, Jóhann Helgason tekur boltann áður en hann lendir og smellhittir hann rétt framhjá.

Aftur fær Jóhann boltann rétt fyrir utan teig, en aftur fyrir boltinn rétt framhjá!
57. mín
HK ætla að halda áfram að treysta á langa bolta fram frá öftustu 5, á meðan er KA að reyna að þræða sig í gegnum þéttan varnarmúr HK. Tvær mismunandi tegundir af fótbolta sem mætast hér.
58. mín
Það er bara nístingskuldi hérna í blaðamannastúkunni. Held ég verði fljótur að skella mér í sólina á Leiknisvelli eftir leik!
60. mín
Ævar Ingi við það að sleppa í gegn eftir flottan skalla frá Gunnari, Beitir fer út á móti og tekur boltann, eða Ævar niður, sá það ekki. Hér vilja KA menn fá víti.
61. mín
Wow, þetta var vel gert hjá Arsenij, fær langan bolta inní teig, er við það að sleppa í gegn, tekur í staðinn eitt skot-fake á varnarmann HK og á gott skot, en Beitir var vandanum vaxinn og varði vel.
63. mín
Það sem af er leiks hef ég ekki heyrt frá HK-ing í stúkunni, en norðanmenn láta duglega í sér heyra!
63. mín
Inn:Leifur Andri Leifsson (HK) Út:Viktor Unnar Illugason (HK)
64. mín
Hornspyrna sem KA á.
65. mín
Skalli frá fyrirliðanum Atla, sem Beitir þarf að hafa sig allan við í að verja.
66. mín
Arsenij með ágætis sprett upp miðjuna, leggur boltann svo út á Stefán Þór sem á arfaslakt skot framhjá.
67. mín
Davíð Magnússon liggur eftir samstuð við Arsenij.
70. mín
Þetta er bara tiki-taka bolti hjá KA þessa stundina, 1 snertinga fótbolta eins og hann gerist bestur.
71. mín
Ævar Ingi með fanta fínan sprett upp vinstri kantinn, setur svo flotta fyrirgjöf fyrir en þar er enginn. Synd.
74. mín
ÚFF, þarna átti Davíð skalla í stöng á sínu eigin marki, en búið var að dæma brot á Gunnar.
75. mín
HK fær hér hornspyrnu.
75. mín
Á meðan Þorvaldur Örlygsson valsar um hliðarlínuna þá situr Bjarni Jó silkislakur í sæti sínu með krosslagðar hendur og fætur.
77. mín
ÚFF Þarna klikkar Atli Valsson fyrir framan opið mark KA, Rajkovic fer upp í baráttu um boltann og tapar henni, Atli fær frítt skotfæri en setur boltann framhjá.
79. mín
Hornspyrna sem KA á.
80. mín
Atli Sveinn stekkur manna hæst en hittir boltann ekki nægilega vel og boltinn framhjá.
81. mín
Ævar með annan flottan sprett, núna inn á miðjuna, leggur boltann svo á Jóhann sem á skot sem fer í varnarmann og svo á Beiti.
82. mín
Skyndisókn frá KA sem leitar á Gunnar Örvar, en Atli gerir vel og setur boltann í horn.

Sem Beitir grípur og sparkar fram.
85. mín
VÁ !!!!!

Enn og aftur er Rajkovic að misreikna háa bolta sem koma inn í teig, núna missir hann frá sér fyrirgjöf og beint á Guðmund Magnússon sem hafði nægan tíma til að athafna sig, tekur svo gott skot sem virtist vera á leiðinni inn, en fyrirliðinn Atli Sveinn var ekki á sama máli og fórnaði andlitinu í boltann, hetjulega gert.
86. mín
Inn:Bjarki Þór Viðarsson (KA) Út:Hrannar Björn Steingrímsson (KA)
87. mín
Nú eru sóknir HK manna að færast í vöxt, þeir fá hér hornspyrnu eftir að Atli Sveinn hreinsar í horn.
88. mín
Þetta var skrýtið, þarna verða orðaskipti milli Rajkovic og Gumma Magg sem endar með því að Rajkovic hamrar boltanum í Gumma, dómarinn dæmir ekkert og boltinn fer í innkast, Bjarni Jó allt annað en sáttur.
89. mín
Gunnar Örvar er búinn að vera frábær í leiknum, á hér skalla sem Beitir ver af stuttu færi.
90. mín
Inn:Ólafur Hrafn Kjartansson (KA) Út:Stefán Þór Pálsson (KA)
91. mín
HA?

Þarna voru KA menn 3 á móti 1 varnarmanni en á einhvern óskiljanlegan hátt þá tekst þeim að klúðra. Arsenij hékk þarna á boltanum aaaaalltof lengi og fékk það í bakið.
Leik lokið!
1-1 í frábærum fótboltaleik, umfjöllun og viðtöl á leiðinni.
Byrjunarlið:
Gunnar Örvar Stefánsson
Baldvin Ólafsson
Srdjan Rajkovic
5. Karstern Vien Smith
6. Atli Sveinn Þórarinsson
7. Ævar Ingi Jóhannesson
10. Arsenij Buinickij
11. Jóhann Helgason
19. Stefán Þór Pálsson ('90)
22. Hrannar Björn Steingrímsson ('86)
25. Edin Beslija

Varamenn:
18. Fannar Hafsteinsson (m)
4. Viktor Örn Guðmundsson
5. Gauti Gautason
14. Ólafur Hrafn Kjartansson ('90)
14. Úlfar Valsson
30. Bjarki Þór Viðarsson ('86)

Liðsstjórn:
Davíð Rúnar Bjarnason

Gul spjöld:

Rauð spjöld: