Malen, Maguire, Rashford, Greenwood, Yoro, Eriksen og fleiri góðir í slúðri dagsins
ÍBV
1
1
FH
0-1 Steven Lennon '33
Jonathan Glenn '41 1-1
10.08.2014  -  17:00
Hásteinsvöllur
Pepsi-deild karla 2014
Aðstæður: Fínar, skýjað og smá gola
Dómari: Garðar Örn Hinriksson
Áhorfendur: 403
Byrjunarlið:
1. Abel Dhaira (m)
Andri Ólafsson
Jonathan Glenn
Ian David Jeffs
Matt Garner
5. Jón Ingason (f)
6. Gunnar Þorsteinsson
11. Víðir Þorvarðarson

Varamenn:
17. Bjarni Gunnarsson ('86)
23. Eiður Aron Sigurbjörnsson

Liðsstjórn:
Guðjón Orri Sigurjónsson

Gul spjöld:
Þórarinn Ingi Valdimarsson ('56)

Rauð spjöld:
Fyrir leik
Góðir lesendur, hér verður bein textalýsing frá leik ÍBV og FH í Pepsi-deild karla í fótbolta en þessi lið eru að berjast á sitthvorum enda töflunnar. FH er efst með 31 stig, tveimur stigum á undan Stjörnunni, en ÍBV er í tíunda sæti, aðeins stigi fyrir ofan fallsæti.
Elvar Geir Magnússon
Fyrir leik
Með þessum leik hefst 15. umferð deildarinnar. Rauði baróninn, Garðar Örn Hinriksson, dæmir leikinn en aðstoðardómarar eru Gunnar Sverrir Gunnarsson og Áskell Þór Gíslason.
Elvar Geir Magnússon
Fyrir leik
Eiður Aron Sigurbjörnsson er að spila sinn síðasta leik fyrir ÍBV, í bili að minnsta kosti, en fyrirliðinn er á leið til Sandnes Ulf í norsku úrvalsdeildinni eins og greint var frá fyrr í dag.
Elvar Geir Magnússon
Fyrir leik
Varnarmaðurinn Kassim "The Dream" Doumbia er að afplána annan leik sinn í þriggja leikja banni sem hann var dæmdur í eftir að hafa reynt að slá rautt spjald úr hendi dómarans í leik gegn Breiðabliki. Hann er því ekki með FH í dag.
Elvar Geir Magnússon

Elvar Geir Magnússon
Fyrir leik
Byrjunarliðin eru komin inn. Þrjár breytingar á liði ÍBV frá 3-1 tapi gegn Fylki í síðustu umferð. Eiður Aron Sigurbjörnsson, Dean Martin og Bjarni Gunnarsson fara út en inn koma Gunnar Þorsteinsson, Jón Ingason og Jökull Elísabetarson. Eyjamenn búa sig undir lífið án Eiðs Arons og því byrjar hann á bekknum.
Elvar Geir Magnússon
Fyrir leik
Fyrri leikur þessara liða fór fram þann 18. maí og endaði hann með 1-0 sigri FH. Atli Viðar Björnsson skoraði sigurmarkið á 95. mínútu leiksins eftir mistök Abel Dhaira í marki ÍBV.
Fyrir leik
Leik FH í síðustu umferð var frestað og síðasti deildarleikur þeirra var einnig gegn Fylki. Þrjár breytingar á byrjunarliði FH frá þeim leik. Inn koma Pétur Viðarsson, Atli Guðnason og Steven Lennon. Út fara Ingimundur Níels Óskarsson, Böðvar Böðvarsson og Brynjar Ásgeir Guðmundsson.
Elvar Geir Magnússon
Fyrir leik
Leikmennirnir eru komnir inn á völlinn og byrjaðir að hita upp en það eru um 40 mínútur í að leikurinn hefjist.
Fyrir leik
Leikmenn ganga hér inn á völlinn. ÍBV leikur í sínum vanalega hvíta heimabúning á meðan FH leikur í bláa varabúning sínum.
1. mín
Leikurinn er hafinn. FH byrjar með boltann og sækja í átt að Týsveli.
3. mín
Hörkufæri! Varnarmaður ÍBV þrumar boltanum lengst fram völlinn. Sean Reynolds reynir að kassa boltann til baka á Róbert Örn en hittir ekki boltann og Jonathan Glenn kemst inn í sendinguna en Róbert ÖRn gerir vel með því að verja frá honum.
7. mín
Atli Viðar Björnsson fær sendingu inn í teiginn og fer framhjá tveimur varnarmönnum ÍBV áður en hann lætur vaða úr þröngu færi en Abel ver boltann út.
15. mín
Mikill kraftur í leikmönnum í upphafi leiks en lítið um færi enn sem komið er.
16. mín
Smá hiti í leikmönnum. Andri Ólafsson lá eftir og Garðar Örn Hinriksson stöðvar leikinn og talar leikmenn til.
21. mín
Jonathan Hendrickx reynir skot fyrir utan teig en það fer hátt yfir markið.
22. mín
Fín sókn hjá ÍBV. Víðir Þorvarðarson fær sendingu fyrir en nær ekki að tak við honum og þarf að sækja hann aftur fyrir sig. Síðan leggur hann boltann út á Gunnar Þorsteinsson sem skýtur hinsvegar beint á Róbert Örn.
24. mín
ÍBV fær aukaspyrnu en spyrna Þórarins Inga fer yfir markið.
26. mín
ÍBV fær aukaspyrnu en Ian Jeffs var felldur í hlaupi sínu upp kantinn.
27. mín
Víðir sendir boltann fyrir úr aukaspyrnunni en varnarmaður FH kemur honum út þó beint á leikmann ÍBV sem kemur með ágætt skot en Róbert Örn Óskarsson sér við skotinu.
28. mín
Það er heldur betur að lifna yfir sóknarleik ÍBV. Víðir Þorvarðarson fór illa með Jonathan Hendrickx áður en hann reynir skot með vinstri en það er framhjá.
32. mín
FH fær hornspyrnu en ÍBV kemur henni út. Boltinn berst að lokum út til Emils Pálssonar sem reynir skot en það er framhjá.
33. mín MARK!
Steven Lennon (FH)
Stoðsending: Ólafur Páll Snorrason
Steven Lennon kemur FH yfir! Góð sókn hjá FH-ingum þar sem Ólafur Páll Snorrason fær boltann inni í vítateig en hann á misheppnað skot og boltinn fellur fyrir Steven Lennon sem getur ekki annað en klárað úr þessu færi.
35. mín
Hendrickx dæmdur brotlegur fyrir að hindra Víði Þorvarðarson.
38. mín
Jonathan Glenn fær sendingu frá Andra Ólafssyni en skotið af varnarmanni og beint í fangið á Róberti Erni.
41. mín MARK!
Jonathan Glenn (ÍBV)
Stoðsending: Víðir Þorvarðarson
ÍBV er búið að jafna leikinn rétt fyrir hálfleik! ÍBV fær hornspyrnu og kemur Víðir með frábæra hornspyrnu og Jonathan Glenn sem lúrir á nærstönginni stekkur hæst allra og stangar boltann í netið 1-1!
42. mín
Hörkuskot frá leikmanni ÍBV en boltinn fer af varnarmanni og rétt framhjá! Eyjamenn vildu fæa dæmt brot í uppbyggingunni en ekkert dæmt.
43. mín
ÍBV reynir sömu taktík og skilaði marki í þessari hornspyrnu en í þetta sinn var spyrnan ekki eins góð og Glenn nær aðeins lausu skoti sem fer framhjá.
45. mín
Garðar Örn Hinriksson flautar hér til hálfleiks og staðan 1-1.
46. mín
Seinni hálfleikur er farinn af stað.
47. mín
Áhorfendur á Hásteinsvelli í dag eru 403.
50. mín Gult spjald: Jonathan Hendrickx (FH)
Jonathan Hendrickx brýtur á nafna sínum Glenn.
55. mín
Smá barningur í teig ÍBV sem endar með skoti frá Ólafi Páli en það er beint á Abel Dhaira.
56. mín Gult spjald: Þórarinn Ingi Valdimarsson (ÍBV)
Fór heldur harkalega í Pétur Viðarsson.
63. mín
Inn:Sam Hewson (FH) Út:Emil Pálsson (FH)
66. mín
FH nær skyndisókn og Atli Guðnason sendir Atla Viðar í gegn með frábærri sendingu en skotið hjá Atla Viðari var einstaklega lélegt og ógnaði ekki markinu að neinu ráði.
68. mín
Atli Viðar var við það að sleppa í gegn en Brynjar Gauti stöðvar för hans og FH-ingar fá hornspyrnu.
69. mín
Stórhætta við mark Eyjamanna! Abel slær hornspyrnuna beint út á Atla Guðna sem á skot í varnarmann ÍBV á línunni. Boltinn berst út á kantinn og Abel slær seinni fyrirgjöfina einnig út, í þetta skiptið beint á Pétur en skot hans fer framhjá.
70. mín
Jonathan Glenn var búinn að koma sér í mjög gott skotfæri en vinstri fóturinn hans er alls ekki jafn góður og hans hægri og skotið ekki nógu gott.
72. mín
Jón Ragnar Jónsson reynir skot fyrir utan teig og fer það af varnarmanni og aftur fyrir.
73. mín
ÍBV nær að sækja hratt upp úr hornspyrnunni en fara illa að ráði sínu og missa boltann.
75. mín
Inn:Ingimundur Níels Óskarsson (FH) Út:Jón Ragnar Jónsson (FH)
79. mín
Fínn skalli hjá Matt Garner eftir aukaspyrnu sem fer rétt yfir.
80. mín
Ingimundur Níels reynir skot en það er lélegt og fer hátt yfir.
81. mín
Mjög góð fyrirgjöf á fjærstöng hjá FH þar sem Atli Guðnason reynir að seta hann fyrir í fyrsta en sendingin fer framhjá öllum og útaf.
86. mín
Inn:Bjarni Gunnarsson (ÍBV) Út:Þórarinn Ingi Valdimarsson (ÍBV)
89. mín
Jonathan Glenn sleppur einn í gegnum vörn FH og kamst framhjá Róberti Erni en er dæmdur rangstæður. Vafasamur dómur.
90. mín
Dauðafæri! Jonathan Glenn kemst upp hægri kantinn og sendir fyrir á Víði sem er einn á auðum sjó en skýtur himinhátt yfir markið.
90. mín
Atli Viðar Björnsson með hörkuskalla sem hafnar í þverslánni!
90. mín
ÍBV fær aukaspyrnu. Gæti verið síðasta tækifærið þeirra í þessum leik.
90. mín
Spyrnan beint á Róbert Örn Óskarsson í markinu.
Leik lokið!
Leiknum er lokið hérna í Vestmannaeyjum. Lokatölur 1-1 í leik sem hefði getað dottið báðum megin. Úrslitin þýða að Stjarnan getur jafnað FH að stigum á toppi deildarinnar með sigri á Þór á morgun. ÍBV náði í mikilvægt stig í fallbaráttunni.
Byrjunarlið:
1. Róbert Örn Óskarsson (m)
Ólafur Páll Snorrason
2. Sean Michael Reynolds
4. Pétur Viðarsson
7. Steven Lennon
8. Emil Pálsson ('63)
11. Atli Guðnason
16. Jón Ragnar Jónsson ('75)
17. Atli Viðar Björnsson
25. Hólmar Örn Rúnarsson
26. Jonathan Hendrickx

Varamenn:
12. Kristján Finnbogi Finnbogason (m)
6. Sam Hewson ('63)
7. Ingimundur Níels Óskarsson ('75)
14. Indriði Áki Þorláksson
21. Böðvar Böðvarsson
23. Brynjar Ásgeir Guðmundsson

Liðsstjórn:
Davíð Þór Viðarsson

Gul spjöld:
Jonathan Hendrickx ('50)

Rauð spjöld: