KR
2
0
Keflavík
Almarr Ormarsson '58 1-0
Almarr Ormarsson '62 2-0
11.08.2014  -  19:15
KR-völlur
Pepsi-deild karla 2014
Dómari: Valdimar Pálsson
Áhorfendur: 1587
Byrjunarlið:
1. Stefán Logi Magnússon (m) ('46)
2. Grétar Sigfinnur Sigurðarson
3. Haukur Heiðar Hauksson
5. Egill Jónsson ('73)
6. Gunnar Þór Gunnarsson
8. Baldur Sigurðsson
11. Emil Atlason ('68)
11. Almarr Ormarsson
21. Guðmundur Reynir Gunnarsson
22. Óskar Örn Hauksson (f)
23. Atli Sigurjónsson

Varamenn:
13. Sindri Snær Jensson (m) ('46)
4. Gonzalo Balbi Lorenzo ('68)
7. Gary Martin
8. Jónas Guðni Sævarsson ('73)
9. Kjartan Henry Finnbogason
18. Aron Bjarki Jósepsson
24. Abdel-Farid Zato-Arouna

Liðsstjórn:

Gul spjöld:
Gonzalo Balbi Lorenzo ('93)
Baldur Sigurðsson ('30)

Rauð spjöld:
Fyrir leik
Halló Reykjavík! Liðin tvö sem mætast í bikarúrslitum á laugardaginn taka upphitun í Pepsi-deildinni í kvöld klukkan 19:15. Við fylgjumst að sjálfsögðu grannt með gangi mála í þessari textalýsingu!
Fyrir leik
Alls sjö leikmenn eru á hættusvæði og verða í banni í úrslitaleiknum ef þeir fá gult spjald í kvöld. Sóknarmennirnir Kjartan Henry Finnbogason og Gary Martin hjá KR eru á hættusvæði og einnig miðjumaðurinn Farid Zato og varnarmaðurinn Aron Bjarki Jósepsson. Hjá Keflavík eru markvörðurinn Jonas Sandqvist og miðjumennirnir Einar Orri Einarsson og Frans Elvarsson á hættusvæði.
Verið með okkur á Twitter með því að nota kassamerkið #fotboltinet - Valdar færslur birtast í textalýsingunni.
Fyrir leik
KR er í fjórða sæti með 23 stig en Keflavík í því sjötta með 18 stig. Grétar Sigfinnur Sigurðarson leikur í kvöld sinn 300. leik fyrir mfl. KR. Hann er fjórði KR-ingurinn sem nær þessum áfanga. Grétar lék fyrst með KR í 4-2 sigri á Leikni 18. mars 1999. Hann hefur skorað 32 mörk í leikjunum 299.
Fyrir leik
Ilmandi rjómablíða hér á KR-vellinum og allt til alls. Dómararnir eru að skoða völlinn og fara yfir netin í mörkunum. Valdimar Pálsson sér um að dæma leikinn en hann hefur alls ekki átt gott sumar, vonandi verður hann samt í gírnum í kvöld.
Fyrir leik
Andri Karl, blaðamaður Morgunblaðsins, er mættur í fréttamannastúkuna sumarklæddur. Er í sumarfríi en stökk úr því til að tækla þennan leik. Menn gera allt til að vera viðstaddir þennan stórleik.
Fyrir leik
Fjórir leikmenn KR verða í banni í úrslitaleiknum ef þeir fá gult spjald í kvöld. Sóknarmennirnir Kjartan Henry Finnbogason og Gary Martin hjá KR eru á hættusvæði og einnig miðjumaðurinn Farid Zato og varnarmaðurinn Aron Bjarki Jósepsson. Þeir byrja allir á bekknum.

Keflavík byrjar með Árna Frey Ásgeirsson í markinu en Jonas Sandqvist markvörður og Haraldur Freyr Guðmundsson varnarmaður eru ekki í hóp. Þeir eru báðir á hættusvæði. Einar Orri Einarsson er einnig á hættusvæði en hann byrjar þó í kvöld.
Fyrir leik
Frans Elvarsson hjá Keflavík er náttúrulega líka á hættusvæði og er skilinn eftir utan hóps. Leiðinlegt þegar bikarinn er farinn að hafa þessi áhrif á deildina en svona er lífið.


Fyrir leik
Skemmtileg umræða um fótboltamenn í dag. ,,Þetta eru allt vatnsheilar í dag,'' segir Bjarni Fel og fræðir menn um að heilastarfssemi leikmanna eins og Neymar sé í lágmarki meðan hann spilar fótbolta.
Fyrir leik
Bóas, brjálaði stuðningsmaður KR, er að sjálfsögðu mættur í stúkuna og veifar fána eins og hann eigi lífið að leysa. Á meðan eru Þröstur Emilsson og Elli KR-ingur númer eitt að rífast um hvaða tónlist eigi að spila meðan leikmenn hita upp.
Fyrir leik
Styttist í leik og kominn tími á að menn skili inn spá sinni í fréttamannastúkunni.

Stefán Árni Pálsson, Vísi:
2-0 fyrir KR.

Andri Karl, Morgunblaðinu:
1-1 jafntefli.

Haraldur Árni, Pepsi-mörkunum:
3-1 fyrir KR.

Bjarni Fel, goðsögn:
1-0 fyrir KR.

Þröstur Emilsson, DJ:
3-1 fyrir KR.
Fyrir leik
Verið er að spila KR-lagið með Bubba Morthens og á sama tíma fær tvífari hans sér sæti í stúkunni. Ekki amalegt.
Fyrir leik
Fréttamenn eiga erfitt með að lesa hvaða uppstillingu Keflavík er að fara að bjóða upp í kvöld. Það kemur í ljós eftir nokkrar mínútur.
Fyrir leik
Liðin ganga inn á völlinn. Væri alveg til í að sjá fleiri áhorfendur en eins og venjan er á Íslandi þá fjölgar eftir því sem á líður. Siggi Helga er allavega mættur.

Fyrir leik
KR-ingar leika með sorgarbönd í kvöld. Birgir Þórisson lést sunnudaginn 3. ágúst 63 ára gamall en hann var ötull stuðningsmaður KR og keppti fyrir KR til margra ára. Fyrir leik er mínútu þögn.
1. mín
Leikurinn er hafinn - Keflavík byrar með knöttinn en KR-ingar sækja í átt að íþróttahúsi sínu.
2. mín
Einar Orri Einarsson er í miðverði hjá Keflavík í kvöld og leikur við hlið Arons Heiðdal. Haraldur Freyr Guðmundsson fyrirliði er ekki í hóp í kvöld.
3. mín
Hjá KR er Gunnar Þór Gunnarsson í miðverði við hlið Grétars.
5. mín
Jóhann Birnir með frábæra stungusendingu á Theodór sem var að komast einn í gegn en Stefán Logi Magnússon kom á réttum tíma út úr markinu. Theodór fór í Stefán sem þarf aðhlynningu sjúkraþjálfara.
7. mín
Stefán Logi búinn að jafna sig og heldur áfram leik. Fær lófaklapp að launum.
8. mín
Almarr Ormarsson með hörkuskot sem Árni í marki Keflavíkur varði í horn! Þarna munaði litlu! Upp úr horninu átti Almarr skot framhjá, hann er áberandi í upphafi leiks.

11. mín
Óskar Örn með skot af löngu færi en hátt yfir. KR-ingar aðeins bitmeiri í upphafi leiksins.
12. mín
Þá kemur hættuleg sending hjá Keflavík og Theodór Guðni komst í skotfæri en framhjá fór boltinn. Strax í næstu sókn fékk Atli Sigurjóns fínt skotfæri en laust skot beint á Árna. Líf og fjör.
14. mín
ÓTRÚLEG ÞVAGA Í TEIG KEFLAVÍKUR! Þetta var magnað að sjá! Gunnar Þór Gunnarsson með skot sem fór í gegnum pakkann en bjargað á línu!
16. mín
Endre Ove Brenne fékk aðhlynningu sjúkraþjálfara eftir að hafa orðið fyrir höggi. Sjúkraþjálfarinn gefur merki um að bakvörðurinn þurfi að fá skiptingu.
17. mín
Inn:Aron Grétar Jafetsson (Keflavík) Út:Endre Ove Brenne (Keflavík)
18. mín
VEL VARIÐ ÁRNI! Baldur með hættulegan skalla sem Árni Freyr náði með naumindum að blaka í horn. Heimamenn hafa áfram að vera hættulegri.
22. mín
KR-ingar stjórna leiknum og eru meira með boltann en Keflvíkingar eru skipulagðir og bíða átekta.
28. mín Gult spjald: Sindri Snær Magnússon (Keflavík)
Sindri var að komast í ákjósanlegt skotfæri en tók einhverja óskiljanlega aukasnertingu, missti boltann frá sér og endaði á að brjóta með tæklingu. Klaufalegt hjá Sindra.
29. mín
Léleg hreinsun hjá Keflavík beint á Baldur Sigurðsson sem skaut naumlega framhjá.
30. mín Gult spjald: Baldur Sigurðsson (KR)
Magnús Sverrir með frábær tilþrif, lék á Baldur Sigurðsson og ætlaði að æða að marki en Smalinn braut á Magnúsi aftan frá og fær réttilega gult.
34. mín
Keflvíkingar eru komnir betur inn í leikinn og farnir að færa sig framar. Jafnræði með liðunum þessa stundina.
35. mín
SLÁIN! Baldur Sigurðsson með skalla eftir hornspyrnu, Keflvíkingur bjargaði á línu með því að skalla boltann upp í slána!

44. mín
ROSALEGT FÆRI HJÁ KEFLAVÍK!! Hvernig fór Theodór að því að skora ekki þarna! Var fyrir opnu marki eftir frábæran undirbúning hjá Elíasi en skot Theodórs fór í Stefán Loga! Eini staðurinn sem Theodór þurfti að hitta á til að þetta yrði ekki mark. Ótrúlegt færi en markvarslan hjá Stefáni frábær. Tökum það ekki af honum.
45. mín
Háfleikur - Þessi leikur fór fjörlega af stað og KR-ingar ógnuðu mikið. Gestirnir náðu svo betri völdum á sínu spili og voru nálægt því að skora rétt áður en Valdimar Pálsson blés til leikhlés.
45. mín
Vantar mikið í lið KR fram á við þegar hvorki Kjartan Henry Finnbogason né Gary Martin eru þarna til að djöflast í andstæðingunum. KR á að geta fundið mun betri takt í sinn leik.
45. mín
Hverjir voru hvar? Meðal fræga fólksins í stúkunni eru Pepsi-marka kóngarnir Hjörvar Hafliðason og Reynir Leósson, sjálfur Zoran Miljkovic (sem er líklega á öllum leikjunum í kvöld), Ólafur Garðarsson umboðsmaður og Eyjólfur Garðarsson stjörnuljósmyndari.
46. mín
Inn:Sindri Snær Jensson (KR) Út:Stefán Logi Magnússon (KR)
Markmannsskipti hjá KR. Stefán fékk högg í fyrri hálfleik og það er engin áhætta tekin enda bikarúrslit á laugardag.
46. mín
Seinni hálfleikur er hafinn - KR-ingar sem eru gulklæddir í dag sækja í átt að DHL-höllinni í seinni hálfleik.
47. mín
Fyrir áhugasama er tískulöggan Sindri Snær í ljósgrænni treyju, hvítum stuttbuxum og ljósgrænum sokkum.
55. mín
Haukur Heiðar Hauksson með fyrirgjöf frá hægri og Emil Atlason með skalla naumlega framhjá! Þetta færi kveikir aðeins í stuðningsmönnum KR sem sumir voru farnir að geispa í stúkunni.
58. mín MARK!
Almarr Ormarsson (KR)
Stoðsending: Atli Sigurjónsson
KR KEMST YFIR EFTIR MARK Á SILFURFATI FRÁ KEFLAVÍK! Árni Freyr Ásgeirsson markvörður og Einar Orri Einarsson með misskilning sín á milli og KR-ingar hirtu af þeim knöttinn. Atli kom boltanum á Almarr sem átti ekki í vandræðum með að skora. Þvílík mistök hjá gestunum!
61. mín
Keflvíkingar að ógna eftir þetta mark. Sindri markvörður KR í vandræðum og einhverjir Keflvíkingar vildu meina að hann hafi gerst brotlegur en ekkert dæmt!
62. mín MARK!
Almarr Ormarsson (KR)
Stoðsending: Óskar Örn Hauksson
ALMAARRRRRR AFTUR! Frábærlega klárað hjá drengnum! Fékk fyrirgjöf frá Óskari Erni, lék skemmtilega á varnarmann áður en hann kláraði snyrtilega. Almarr er að fara á kostum!

68. mín
Jóhann Birnir með eina af slakari aukaspyrnum sumarsins. Var í fínu skotfæri en skóflaði boltanum hátt yfir!
68. mín
Inn:Sigurbergur Elísson (Keflavík) Út:Hörður Sveinsson (Keflavík)
68. mín
Inn:Gonzalo Balbi Lorenzo (KR) Út:Emil Atlason (KR)

73. mín
Inn:Jónas Guðni Sævarsson (KR) Út:Egill Jónsson (KR)
Síðasta skipting KR í leiknum.
77. mín
Rólegur leikur núna. KR með öll tök á leiknum. Nákvæmlega ekkert sem bendir til þess að Keflavík komi sér inn í þetta. Ekkert.
80. mín
Almarr að koma sér í fínt færi en Keflavík bjargar á síðustu stundu. Almarr ákveðinn í að spila sig inn í byrjunarlið KR í úrslitaleiknum á laugardag!
82. mín
Þegar lítið er í gangi stígur Grétar upp og sýnir skemmtileg tilþrif til að gleðja áhorfendur. Þvílík tækni.
83. mín
Inn:Ray Anthony Jónsson (Keflavík) Út:Jóhann Birnir Guðmundsson (Keflavík)
88. mín
ALMAAARRRR!!! Almarr gerir tilkall til þrennunar, náði skoti á markið en Árni gerði vel að verja. Almarr maður leiksins. Það er klárt mál.
91. mín
Magnús Þórir Matthíasson með skot í hliðarnetið. Sindri hefur komið við boltann. Horn. Ekkert kemur úr horninu.
93. mín Gult spjald: Gonzalo Balbi Lorenzo (KR)
Leik lokið!
Ágætur dómari leiksins flautar hér til leiksloka.
Byrjunarlið:
Jóhann Birnir Guðmundsson ('83)
6. Einar Orri Einarsson
6. Sindri Snær Magnússon
10. Hörður Sveinsson ('68)
11. Magnús Sverrir Þorsteinsson
20. Magnús Þórir Matthíasson

Varamenn:
11. Bojan Stefán Ljubicic
13. Unnar Már Unnarsson

Liðsstjórn:
Sigurbergur Elísson
Hilmar Þór Hilmarsson

Gul spjöld:
Sindri Snær Magnússon ('28)

Rauð spjöld: