Malen, Maguire, Rashford, Greenwood, Yoro, Eriksen og fleiri góðir í slúðri dagsins
Stjarnan
2
1
Þór
Arnar Már Björgvinsson '36 1-0
1-1 Shawn Robert Nicklaw '47
Pablo Punyed '90 2-1
11.08.2014  -  20:00
Samsung völlurinn
Pepsi-deild karla 2014
Aðstæður: Eins og best verður á kosið
Dómari: Vilhjálmur Alvar Þórarinsson
Áhorfendur: 1020
Byrjunarlið:
4. Jóhann Laxdal
6. Þorri Geir Rúnarsson
7. Atli Jóhannsson
9. Daníel Laxdal
11. Arnar Már Björgvinsson
14. Hörður Árnason
17. Ólafur Karl Finsen ('60)

Varamenn:
25. Sveinn Sigurður Jóhannesson (m)
2. Heiðar Ægisson
18. Jón Arnar Barðdal
20. Atli Freyr Ottesen Pálsson
22. Þórhallur Kári Knútsson
27. Garðar Jóhannsson ('60)

Liðsstjórn:
Veigar Páll Gunnarsson

Gul spjöld:
Pablo Punyed ('85)
Arnar Már Björgvinsson ('57)
Rolf Glavind Toft ('53)

Rauð spjöld:
Fyrir leik
Sælir lesendur. Eftir klukkustund rúma hefst lokaleikur 14. umferðar Pepsi-deildar karla er Stjarnan tekur á móti botnliði Þórs í Garðabæ.
Fyrir leik
Hjá heimamönnum kemur Ingvar Jónsson aftur í markið en Sveinn Sigurður Jóhannesson leysti hann af í sigurleik liðsins gegn ÍBV. Michael Præst meiddist gegn Lech Poznan og verður fjarri góðu gamni og Niclas Vemmelund fær sæti á bekknum sem liðstjórnarmaður. Þeirra stöður taka Jóhann Laxdal og Þorri Geir Rúnarsson.

Páll Viðar Gíslason setur Atla Jens Albertsson, Jónas Björgvin Sigurbergsson og Sigurð Marínó Kristjánsson í sitt byrjunarlið en Kristinn Björnsson og Þórður Birgisson fara á bekkinn. Chukwudi Chijindu tekur svo út leikbann eftir að hafa fengið rautt spjald í síðasta leik gegn Fram.
Fyrir leik
Leikurinn er gríðarmikilvægur fyrir bæði lið. Garðbæingar geta með sigri farið upp að hlið FH á toppi deildarinnar en Hafnfirðingar töpuðu stigum í gær.

Þórsarar verma botnsæti deildarinnar með aðeins níu stig og þurfa nauðsynlega á öllum stigunum að halda. Framarar eru fjórum stigum fyrir ofan þá og það fer að verða of seint fyrir Norðanmenn að ætla að bjarga sér.


Fyrir leik
Liðin hafa att kappi átta sinnum á síðustu fimm árum og hafa Þórsarar ekki riðið feitum hesti frá þeim viðureignum. Enga þeirra hafa þeir unnið en tvær hafa endað með jafntefli. Markatalan er 25-13 Stjörnunni í hag.

Fyrri leikur liðanna á Akureyri í vor endaði með 4-3 sigri Stjörnunnar. Arnar Már Björgvinsson og Ólafur Karl Finsen komu Garðbæingum yfir en Shawn Nicklaw minnkaði muninn fyrir hálfleik. Jeppe Hansen og Veigar Páll bættu við tveimur mörkum en áður en yfir lauk höfðu Sigurður Marínó Kristjánsson og Jóhann Helgi Hannesson minnkuðu muninn en þar við sat.
Fyrir leik
Fyrir tölfræðiperverta þá er síðan rétt að minnast á að liðin hafa mæst 31 sinni frá upphafi. Þar hallar einnig á gestina. Stjarnan hefur unnið sautján þessara leikja, sjö hafa endað með jafntefli og sjö hafa Norðanmenn unnið.
Fyrir leik
Það hefur vart gengið né rekið hjá Þórsurum það sem af er tímabili. Öllu betur hefur gengið hjá Stjörnunni og að auki ætti Evrópuævintýri þeirra ekki að hafa farið framhjá neinum. Það er spurning hvort gestirnir nái að færa sér í not að stutt er síðan Stjarnan lék síðast leik sem að auki var útileikur í Póllandi.
Fyrir leik
Það er óhætt að segja að veðrið hér í kvöld leiki við leikmenn og áhorfendur. Sólin er að gera sig heimakomna og fánarnir hreyfast vart. Hreinlega eins og best verður á kosið.
Fyrir leik
Liðin eru úti á velli að hita upp núna. Stjörnumenn eru búnir að setja upp í blússandi reitabolta á meðan Þórsarar eru að sparka boltanum langt á milli.

Dómararnir láta sitt ekki eftir ligga. Vilhjálmur Alvar Þórarinsson fer fyrir dómarakvartetnum. Honum innan handar verða Gylfi Már Sigurðsson og Estanislao Plantada Siurans. Fjórði dómari er svo Ívar Orri Kristjánsson. Eftirlitsmaður KSÍ er Eyjólfur Ómarsson.
Fyrir leik
Leikurinn í kvöld verður sýndur í beinni útsendingu á Stöð 2 Sport. Rikki G og Logi Ólafsson standa hér úti á velli og gera sig klára fyrir komandi átök.

Fyrir leik
Tíu mínútur í að Vilhjálmur flauti leikinn á. Stjörnumenn eru farnir inn í klefa en Þórsarar eru að yfirgefa völlinn smám saman.
Fyrir leik
Harmageddon bróðirinn Þorkell Máni mætti hér og hraunaði yfir Hauk vallarþul fyrir að hafa vogað sér að spila Sálina Jóns Míns hér rétt áðan.

Fyrir leik
Michael Præst, fyrirliði Stjörnunnar, er rétt í þessu að haltra yfir völlinn en hann tekur ekki þátt í fleiri leikjum á þessu tímabili. Stúkan stóð upp og tók á móti honum með dúndrandi lófaklappi.
Fyrir leik
Liðin eru mætt úr á völlinn. Fyrirliði gestanna er venju samkvæmt Sveinn Elías Jónsson. Atli Jóhannsson ber bandi ðhins vegar hjá Stjörnunni í fjarveru Michael Præst.
1. mín
Leikurinn hafinn!
Þórsarar byrja með boltann og sækja í átt að töflunni.
2. mín
Stjarnan (4-2-3-1)
Jói Lax - Rauschenberg - Danni Lax - Hörður
Atli - Þorri
Arnar Már - Pablo - Hörður
Toft
2. mín
Þór (4-4-2)
Sveinn - Orri - Atli - Ingi
Jónas - Hlynur - Nicklaw - Sigurður
Jóhann Helgi - Ármann
5. mín
Fyrsta skotið í þessum leik hefur litið dagsins ljós. Það var í boði Evrópu Sigga en þónokkuð yfir af dágóðu færi.
8. mín
Mjölnismenn hafa ákveðið að vera fjarverandi í þessum leik og stúkan er þar með eign Silfurskeiðarinnar.
11. mín
Jónas Björgvin með flott tilþrif. Sigurður Marínó með fyrirgjöf yfir allan pakkann og Jónas var mættur á fjærstöngina, tók hann á lofti og setti hann á nær. Ingvar var mættur og sá við honum.
12. mín
Strax í kjölfarið voru heimamenn komnir fram. Fyrirgjöf frá hægri fann kollinn á Ólafi Finsen sem náði skalla af markteig. Hann var laus og framhjá markinu úr ágætri stöðu.
13. mín
Sigurður Marínó þurfti aðhlynningu og fór út af vellinum. Hefur verið sprækur hérna í upphafi.
16. mín
Ármann Pétur með skot af svipuðu færi og Sigurður Marínó áðan. Skotið einnig afar áþekkt, hátt yfir markið.

19. mín
Enn halda Þórsarar áfram að ógna Stjörnunni með skotu af löngu færi. Hafa enn ekki verið nálægt því að skora. Hlynur Atli Magnússon var að spreyta sig nú rétt í þessu.

21. mín
Þórsarar tæpir. Sýndist það vera Þorri Geir sem tapaði boltanum á hættulegum stað og Ármann Pétur var í fínum séns. Skaut að marki en beint á Ingvar og hann varði rétt aftur fyrir.
25. mín
Það hreinlega verður að minnast á þessa hælspyrnu Jónasar. Fór illa með varnarmann og kom Ármanni Pétri í flotta stöðu með þessu. Sjáið hana vonandi í Pepsi-mörkunum.
29. mín
Arnar Már Björgvinsson átti rosalegan sprett rétt í þessu. Hljóp sig í gegnum alla vörn Þórs og reyndi að leggja boltann til hliðar á Rolf Toft. Vantaði aðeins upp á sendinguna. Hlaupið var samt vangefið.
34. mín
Það er svo fátt að gerast í þessum leik. Stjörnumenn virðast ekki vera 100% og það virðist vanta hjartað í Þórsara. Feilsendingar hafa einkennt leikinn hingað til.
36. mín MARK!
Arnar Már Björgvinsson (Stjarnan)
Stoðsending: Jóhann Laxdal
Þetta er svo einfalt eitthvað. Leikurinn búinn að vera á labbtempói í hingað til og Stjörnumenn nýta sitt eina færi. Létu boltann ganga rólega og færðu liðið sitt upp. Sending upp í hornið þar sem Jói Lax sendi fyrir og Arnar Már skallaði í markið. Einfalt og gott.
38. mín
Ármann Pétur með skot sem er nokkuð einkennandi fyrir gengi Þórs. Boltinn var töluvert nær hornfánanum heldur en markinu.
39. mín
Vilhjálmur Alvar dæmir aukaspyrnu við markteiginn. Virtist nokkuð augljóslega eiga að vera vítaspyrna, fór ekkert á milli mála. Hefði mátt jafnvel veifa hagnað úr því hann dæmdi aukaspyrnu þar sem Ólafur Karl og Arnar Már voru nánast komnir í gegn.

Orri Freyr Hjaltalín mættur strax að ræða við dómarann og segja sitt álit á þessum dómi.
40. mín
Ólafur Karl með skot úr spyrnunni rétt yfir slánna.

43. mín
Fyrirgjafir Þórsara eru ómarkvissar svo ekki sé dýpra í árina tekið.
45. mín
Hálfleikur kominn í leik sem hefur ekki verið mikið fyrir augað.


46. mín
Síðari hálfleikur hafinn!
Sýnist sömu lið hefja síðari hálfleikinn og luku þeim fyrri.
47. mín MARK!
Shawn Robert Nicklaw (Þór )
Spjallið hjá Palla skilar strax árangri þó markið hafi komið upp úr engu. Eftir klafs fór boltinn í Atla Jó sem átti frekar slappa hreinsun. Nicklaw fékk boltan og skaut að marki. Fast skot eftir jörðinni og í fjærhornið. Vonandi vekur þetta leikinn.
50. mín
Jónas Björgvin reynir að henda í smá Atla Jó. Tekur skot af nákvæmlega sama stað og Atli skoraði sigurmarkið gegn Motherwell af. Framhjá markinu.
53. mín Gult spjald: Rolf Glavind Toft (Stjarnan)
Fyrsta spjald leiksins. Dæmt á hann fyrir einhverja smá hrindingu og hann var ekki sáttur. Fær gult fyrir kjaftinn.
57. mín
Flott sókn hjá Stjörnunni endar með færi. Atli tók þríhyrning við Ólaf Karl og náði skalla eftir síðari sendinguna. Hann var ekki langt frá markinu.
57. mín Gult spjald: Arnar Már Björgvinsson (Stjarnan)
57. mín Gult spjald: Ingi Freyr Hilmarsson (Þór )
Ingi Freyr og Arnar Már voru eitthvað að deila. Rifust hressilega og ýttu að eins við hvor öðrum. Fengu báðir gult spjald.
59. mín
Í STÖNGINA!!! Hörður með fyrirgjöf sem fer framhjá öllum og endar í stöng. Boltinn berst svo til Pablo Punyed sem átti skot yfir af markteignum. Sannkallað dauðafæri!
60. mín
Inn:Garðar Jóhannsson (Stjarnan) Út:Ólafur Karl Finsen (Stjarnan)
60. mín
Inn:Veigar Páll Gunnarsson (Stjarnan) Út:Rolf Glavind Toft (Stjarnan)
Breytingar á framlínu Stjörnunnar.
62. mín
Veigar Páll strax að skapa hættu. Bjó til afar laglegt færi fyrir Pablo Punyed sem reynir að lyfta yfir Sandor í stað þess að senda á Garðar Jó sem var í betri stöðu. Sandor varði í horn.

67. mín
Arnar Már í stórhættulegu færi. Var að reyna að setja boltann undir Sandor einn í gegn en mistókst.
68. mín
Inn:Þórður Birgisson (Þór ) Út:Jónas Björgvin Sigurbergsson (Þór )
70. mín
ARNARI MÁ VIRÐIST BARA FINNAST EITT MARK VERA NÓG!!! Fékk sendingu frá Atla Jó, var á markteignum og náði á ótrúlegan hátt að láta boltann fara á milli fóta sér og ekki í netið!
70. mín
Strax í kjölfarið var Jóhann Helgi kominn einn í gegn. Vörnin hélt hann væri rangur en svo var ekki. Tók skot af vítateigshorninu sem Ingvar náði að verja í horn. Þórsarar verða að nýta þessi færi.
73. mín
Þórður Birgisson með skalla að marki. Shawn Nicklaw tók langt innkast sem Þórður skallaði á nærstöngina. Ingvar greip boltann örugglega.
77. mín
Veigar Páll með afar glæsileg skæri á miðjum vellinum. Fíflaði tvo og náði góðu skoti sem Sandor varði.
82. mín
Veigar Páll hefur verið afar líflegur eftir að hann kom inn á. Búinn að vera á fullu, með frábærar móttökur og að ógna endalaust.
83. mín
Orri Freyr Hjaltalín ákvað bara að beygja sig niður og skalla bolta sem var í hnéhæð. Venjulega hefði maður sparkað þessu.
84. mín
Inn:Kristinn Þór Björnsson (Þór ) Út:Sigurður Marinó Kristjánsson (Þór )
85. mín Gult spjald: Pablo Punyed (Stjarnan)
Fer full harkalega í Svein Elías út við hliðarlínuna.
86. mín
Jóhann Helgi með fast skot beint á Ingvar eftir að Þórður Birgis skallaði boltann á hann.
88. mín
MARK DÆMT AF STJÖRNUNNI VEGNA RANGSTÖÐU!!!

Garðar Jó sendi á Hörð Árna sem gaf fyrir á Veigar. Veigar kláraði auðveldlega í netið en Hörður hafði verið fyrir innan. Stjarnan er að ógna hér á lokamínútunum.
90. mín
Mínútur komnar á klukkuna og þremur bætt við.
90. mín
GUUUUUUUUUUUÐ.... Veigar Páll hitti ekki á markið í þvíííílíku dauðafæri. Hann þurfti bara að hitta á markið. Ekkert annað.

90. mín Gult spjald: Sveinn Elías Jónsson (Þór )
Klippti Pablo niður í snöggri sókn.
90. mín MARK!
Pablo Punyed (Stjarnan)
Stoðsending: Garðar Jóhannsson
ÞAAAAAAAAAÐ MARKIÐ!!!!! VÁÁÁÁÁÁÁÁ!!!!

Beint úr aukaspyrnu í uppbótartíma! Yfir vegginn og í hornið! Hrikalegt. Garðar Jó hafði verið togaður niður af Atla Jens að mér sýndist og Þórsarar ekki ánægðir með dóminn. Pablo með rándýrt mark, hendir Stjörnunni upp að hlið FH á toppnum!
Leik lokið!
Pablo skoraði með síðustu spyrnu leiksin! Þórsarar hópast að Vilhjálmi hér í lok leiksins og eru allt annað en sáttir.
Byrjunarlið:
Sveinn Elías Jónsson
Orri Freyr Hjaltalín
Sandor Matus
4. Shawn Robert Nicklaw
5. Atli Jens Albertsson
6. Ármann Pétur Ævarsson
8. Jónas Björgvin Sigurbergsson ('68)
9. Jóhann Helgi Hannesson (f)
10. Sigurður Marinó Kristjánsson ('84)
13. Ingi Freyr Hilmarsson
14. Hlynur Atli Magnússon

Varamenn:
1. Hjörtur Geir Heimisson
11. Kristinn Þór Björnsson ('84)
12. Þórður Birgisson ('68)
16. Kristinn Þór Rósbergsson
20. Jóhann Þórhallsson
23. Tryggvi Þór Logason

Liðsstjórn:
Orri Sigurjónsson

Gul spjöld:
Sveinn Elías Jónsson ('90)
Ingi Freyr Hilmarsson ('57)

Rauð spjöld: