Góðan og margblessaðan! Gunnar Birgisson er á leið á Hlíðarenda en hann lenti í umferðartöfum vegna áreksturs! Hann verður mættur fyrir leik en þangað til hendi ég á ykkur upphitunarmolum.

Byrjunarliðin hafa verið birt. Tvær breytingar eru á liði Vals frá tapi gegn Fram í síðasta leik. Kristinn Ingi Halldórsson fer á bekkinn og Mads Nielsen er hættur hjá Val. Daði Bergsson og Þórður Steinar Hreiðarsson koma inn í byrjunarliðið.

Valsmenn sigla lygnan sjó í fimmta sæti deildarinnar en þeir hafa ekki verið ýkja góðir þetta sumarið. Fjalar Þorgeirsson markvörður hefur gert slæm mistök að undanförnu en hann heldur sæti sínu í markinu.

Þakka Elvari fyrir þvílíka björgun á seinustu stundu, umferðin setti smá strik í reikninginn, en ég komst heill á húfi í tæka tíð á Hlíðarenda og mun lýsa þessum leik í formi skriftar hér í kvöld.

Með þessum leik hefst 16. umferð Pepsi-deildarinnar. Stjörnumenn eru jafnir FH-ingum á toppi deildarinnar en bæði lið hafa 32 stig. Stjarnan getur komist á topp deildarinnar í bili að minnsta kosti. Það er ein breyting á liðinu frá naumum sigri gegn Þór. Heiðar Ægisson kemur inn í liðið en Atli Jóhannsson fer á bekkinn.

Fyrsti maðurinn í upphitun og til að skoða vallaraðstæður á Hlíðarenda var að sjálfsögðu Henrik Forsberg Bödker. Beint á eftir honum komu svo menn eins og Brynjar Björn og svo markmenn beggja liða.

Veigar Páll er á bekknum hjá Stjörnunni þrátt fyrir að hafa komið inná gegn Þór og gjörbreytt leiknum, spurning hvort verið sé að hvíla hann fyrir átökin gegn Inter í næstu viku.

Haukur Páll er staddur á fæðingardeild Landsspítalans og verður hann því ekki með hér í dag, enda hefur hann örlítið mikilvægari hnöppum að hneppa.

Mér við hlið, í læstu glerherbergi situr ítalskur sjentilmaður vel til hafður, vopnaður leikskýrslu, penna og símanum sínum. Eitthvað sem segir mér að þetta sé útsendari Inter Milan.

Stjarnan situr, að 14.leikjum loknum, eins og staðan er núna í 2.sæti Pepsi deildarinnar, þeir eru jafnir FH að stigum en 5 mörk skilja liðin að í toppbaráttunni. Valsmenn eru hins vegar í 5.sætinu að 15 leikjum loknum og eru 11.stigum frá toppnum.

Manni er öllum að ljúka hérna, þvílíkur stórleikur og mikið í húfi fyrir bæði lið, nú má dómari vor, Örvar, bara fara að flauta þetta á !

Heimildarmenn mínir segja mér að Daði Bergsson spili ekki leikinn í dag, hann gengur haltur um völlinn þessa stundina. Halldór Hermann kemur inn í liðið í staðin fyrir hann er mér tjáð.

Liðin ganga nú inn á völlinn og eru kynnt inn af vallarþulinum geðþekka Einari Gunnarssyni.