Halló Reykjavík! Vík­ing­ar geta kom­ist upp fyr­ir KR í 3. sæti deild­ar­inn­ar með því að ná stigi í kvöld. Aron Elís Þránd­ar­son tryggði Vík­ingi sig­ur í Vest­manna­eyj­um fyrr í sum­ar. ÍBV er í fallsæti og þarf nauðsynlega að safna stigum.

Brynjar Gauti Guðjónsson er ekki með ÍBV vegna leikbanns. Eiður Aron Sigurbjörnsson er farinn til Noregs þar sem hann gekk í raðir Sandnes Ulf en áhugavert verður að sjá hverjir leika í hjarta varnarinnar hjá ÍBV í kvöld.

Þórarinn Ingi Valdimarsson, leikmaður ÍBV:
etta er jöfn deild og Víkingar hafa verið að narta í liðin í efri hlutanum. Þeir hafa staðið sig mjög vel og eru ofar en maður bjóst við. Ef við mætum á svipað hátt og við gerðum gegn FH þá eru okkur allir vegir færir. Þetta er mikilvægur leikur fyrir okkur og ég held að við séum ekkert að fara spila einhvern svakalegan samba-bolta.

Ingvar Kale, markvörður Víkings:
Án þess að vera gefa of mikið upp um það, þá vitum við að það verður nýtt miðvarðapar hjá Eyjaliðinu í kvöld. Eyjamenn hafa hinsvegar sýnt það í sumar að þeir eru mjög öflugir og þeir hafa styrkt hópinn sinn með tilkomu Þórarins Inga og Andra Ólafs. Við getum því ekkert farið með hálfum huga í leikinn í kvöld.

Byrjunarliðin eru klár hér sitthvorum megin við textann. ÍBV gerir eina breytingu á liði sínu, Arnar Bragi Bergsson kemur inn fyrir Brynjar Gauta Guðjónsson sem er í leikbanni.

Búast má við að Matt Garner og Andri Ólafsson verði miðverðir hjá ÍBV í fjarveru Brynjars Gauta og Eiðs Arons Sigurbjörnssonar sem er farinn í Sandnes Ulf.

Hjá Víkingi koma Óttar Steinn Magnússon, Halldór Smári SIgurðarson og Páll Olgeir Þorsteinsson inn í liðið fyrir Arnþór Inga Kristinsson, Dofra Snorrason og Ívar Örn Jónsson.

Vilhjálmur Alvar Þórarinsson dæmir leikinn í kvöld og línuverðir með honum eru þeir Birkir Sigurðarson og Óli Njáll Ingólfsson. Jóhann Gunnar Guðmundsson er með spjaldið á hliðarlínunni og hinn gamalreyndi Ólafur Kjartansson er eftirlitsmaður dómaranna.

17:53 - Áhorfendur eru farnir að týnast í stúkuna í Víkinni en eru seinir á ferð enda leikurinn að hefjast nokkuð snemma miðað við venjulega. Eitt af því sem skapar stemmninguna skemmtilegu í Víkinni er lagið ,,Barfly" með Jeff Who. Það er blastað núna á fullu og allir að komast í gírinn. Hér verður fjör í kvöld.

17:58 - Liðin eru komin út á völl og stilla sér upp fyrir framan stúkuna Víkingar í röndóttum rauðum og svörtum búningum, ÍBV alhvítir að venju.