Malen, Maguire, Rashford, Greenwood, Yoro, Eriksen og fleiri góðir í slúðri dagsins
Basel
2
1
Man Utd
Marco Streller '9 1-0
Matías Delgado '84 2-0
2-1 Phil Jones '89
07.12.2011  -  19:45
St. Jakob-Park
Meistaradeildin: C-riðill
Dómari: Björn Kuipers (Holland)
Byrjunarlið:
18. Germano Vailati (m)
1. Tomás Vaclík
7. Luca Zuffi
9. Marco Streller
10. Matías Delgado ('87)
16. Fabian Schar ('90) ('90)
19. Behrang Safari ('82)
19. David Angel Abraham
20. Fabian Frei
24. Adilson Cabral
36. Breel Embolo

Varamenn:
4. Philipp Degen ('87)
6. Walter Samuel
17. Marek Suchy
21. Marcelo Díaz
24. Ahmed Hamoudi ('90) ('90)
33. Mohamed Elneny
34. Taulant Xhaka ('82)

Liðsstjórn:

Gul spjöld:
Behrang Safari ('28)

Rauð spjöld:
90. mín
MANCHESTER UNITED ER FALLIÐ ÚR LEIK Í MEISTARADEILD EVRÓPU!!!! BASEL VINNUR 2-1 SIGUR OG FER ÁFRAM ÁSAMT BENFICA!! HREINT ÚT SAGT ÓTRÚLEG ÚRSLIT SEM ENGIN HEFÐI TRÚAÐ FYRIRFRAM!!! ÞRIÐJA SKIPTIÐ SEM UNITED DETTUR ÚT Á 16 ÁRUM!!! FÖGNUÐUR LEIKMANNA BASEL ER MEÐ ÓLÍKINDUM EN ÞAÐ ER ÞUNGT YFIR SIR ALEX FERGUSON - UNITED ER Á LEIÐ Í EVRÓPUDEILDINA!!!
90. mín
Tvær og þrjátíu á klukkunni.. það er ekki mikið eftir fyrir United menn, spennan er gersamlega yfirþyrmandi!!
90. mín
Inn:Ahmed Hamoudi (Basel) Út:Fabian Schar (Basel)
Síðasta skipting Basel. Hinn frábæri Xherdan Shaqiri fer af velli og inn í hans stað kemur Valentin Stocker. Ná Svisslendingarnir að halda þetta út? United menn kunna svo sannarlega að skora í restina.
90. mín
Inn:Ahmed Hamoudi (Basel) Út:Fabian Schar (Basel)
Síðasta skipting Basel. Hinn frábæri Xherdan Shaqiri fer af velli og inn í hans stað kemur Valentin Stocker. Ná Svisslendingarnir að halda þetta út? United menn kunna svo sannarlega að skora í restina.
90. mín
Það eru þrjár mínútur í uppbótartíma. Þær munu líða eins og eilífð fyrir Svisslendinga en eins og þrjár sekúndur fyrir United. Þvílík spenna, þvílíkur taugatrekkingur...
89. mín MARK!
Phil Jones (Man Utd)
ÞVÍLÍK DRAMATÍK!!! MANCHESTER UNITED MINNKAR MUNINN OG ÞAR ER PHIL JONES Á FERÐINNI!!! FYRST VARÐI SOMMER SKOT FRÁ WELBECK, SVO SKAUT MACHEDA Í SLÁNA OG AÐ LOKUM SKALLAÐI JONES BOLTANN NAUMLEGA YFIR MARKLÍNUNA!!! ÞESSAR LOKAMÍNÚTUR VERÐA ÓTRÚLEGAR!!!
87. mín
Inn: Philipp Degen (Basel) Út:Matías Delgado (Basel)
Markaskorarinn Alexander Frei fer af velli og klappa áhorfendur á Jakobsleikvanginum gríðarlega. Það er allt að verða vitlaust meðal áhorfenda í Sviss, enda eru þeirra leikmenn að afreka ótrúlega hluti!!
87. mín Gult spjald: Marcos Rojo (Man Utd)
Stefán Árni Pálsson
Mig langar að brjóta allt inn í þessari íbúð minni #fotbolti
85. mín
Fimm mínútur eftir og Manchester United þarf tvö mörk til að komast áfram. Það bendir allt til þess að þeir séu á leið í Evrópudeildina, hver hefði trúað þessu??? Fyrirfram var talað um að riðillinn væri hlægilega auðveldur fyrir lærisveina Ferguson, en þeir hafa heldur betur fallið á prófinu.
84. mín MARK!
Matías Delgado (Basel)
BASEL ER Á LEIÐ Í 16 LIÐA ÚRSLITIN!!! ÞEIR SKORA SITT ANNAÐ MARK, OG ÞAR ER Á FERÐINNI ALEXANDER FREI!!!! KVEIKT ER Á BLYSUM Í STÚKUNNI, BASEL ER Á LEIÐ ÁFRAM!!! AFTUR VAR SHAQIRI MEÐ FYRIRGJÖFINA OG FREI VAR MÆTTUR INN Á MARKTEIGINN OG SKORAÐI!! HVAÐ VAR SMALLING AÐ GERA Í VÖRNINNI?? HANN VAR EINS OG KEILA Í TEIGNUM!!
82. mín
Inn:Taulant Xhaka (Basel) Út:Behrang Safari (Basel)
Þá gerir Basel sína fyrstu skiptingu. Reynsluboltinn Scott Chipperfield kemur inn á fyrir Granit Xhaka.
82. mín
Inn:Federico Macheda (Man Utd) Út:Anders Lindegaard (Man Utd)
United gerir sína síðustu skiptingu, Macheda inn fyrir Park. Basel hefur enn ekki gert breytingu á liði sínu.
78. mín
Napoli komnir í 2-0 gegn Villarreal þannig að við getum nokkurn veginn afskrifað það að Man City sé á leið áfram. Hins vegar er hvergi nærri hægt að afskrifa United ennþá, þó að tíminn vinni að sjálfsögðu ekki með þeim.
76. mín
Rooney reynir allt hvað hann getur til að jafna metin og rétt í þessu á hann skot sem fer rétt framhjá marki Basel. Það er ekki hægt að saka hann um andleysi en það telur víst ekki mikið nema það komi mörk. Stundarfjórðungur eftir!!
74. mín
Einhvern veginn læðist að manni sú tilfinning að Manchester United muni jafna metin í þessum leik. Það er aðeins farið að draga af heimamönnum og gæti maður ímyndað sér það að þeir verði bara í nauðvörn það sem eftir er leiks.
73. mín
Rooney skallar boltann yfir markið úr fínu færi!! Chris Smalling kom með fyrirgjöfina á Rooney en boltinn var að vísu örlítið erfiður.
70. mín
Ótrúlegar fréttir úr riðli Kolbeins Sigþórssonar. Batefimi Gomes er búinn að skora fjögur mörk þar sem staðan er 6-1 fyrir Lyon gegn Dinamo Zagreb. Það þýðir að þeir frönsku eru á leið í 16 liða úrslitin á kostnað Kolbeins og félaga. Það er dramatík á öllum vígstöðvum Meistaradeildarinnar í kvöld.
69. mín
Shaqiri liggur meiddur eftir, virtist hafa lent illa á öxlinni, og Manchester United geysist upp í sókn og fær hornspyrnu. Shaqiir er síðan staðinn aftur á fætur, og ekkert verður úr hornspyrnunni.
Stefán Snær Stefánsson
Hvað er betra en að hnerra? Jú, sjá Manchester United tapa #fotbolti #CL
66. mín
Þess má geta að Napoli er komið í 1-0 gegn Villarreal og eru þeir ítölsku á leiðinni í 16 liða úrslitin eins og er á kostnað Manchester City, sem er að vinna FC Bayern. Eins og staðan er núna eru bæði Manchesterliðin á leið úr keppni. Ótrúlegt.
65. mín
Inn:Ander Herrera (Man Utd) Út:Ashley Young (Man Utd)
Danny Welbeck er kominn inn á fyrir Ashley Young, en hann skoraði einmitt tvö mörk gegn Basel síðast.
64. mín
Sókn gestanna er að þyngjast á nýjan leik. Rooney gerði vel hér að koma sér í skotfæri en skot hans fór framhjá markinu.
Stefán Árni Pálsson
United á hreinlega ekkert meira skilið en að detta úr keppni. #Ömurlegir #þaðere_ðmikiðað #fotbolti
60. mín
Þvílíkt og annað eins!! Markus Steinhofer hársbreidd frá því að skora sjálfsmark!! Fyrirgjöfin kom inn í teig og Steinhofer skaut boltanum í eigin slá!! Þarna skall hurð nærri hælum fyrir heimamenn!
58. mín
Fabian Frei var við það að komast í mjög hættulegt skotfæri en Chris Smalling bjargaði vel í horn. Hornspyrnan fór á fjær þar sem leikmaður Basel skallaði beint á David De Gea, sem kom boltanum fljótt í leik.
57. mín
Basel hefur einfaldlega verið mun betra liðið undanfarnar mínútur. Þeir halda boltanum mun betur innan liðsins og sækja stífar. Þó vantar herslumuninn.
Trausti Eiríksson
Manutd getur ekki unnið lið sem eru í Barcelona búningum #Búiðspil #Fótbolti
54. mín
Mögnuð aukaspyrna!!! Spyrnan frá Alexander Frei fer yfir vegginn og David De Gea gerir mjög vel að verja í hornspyrnu.
53. mín
Basel fær aukaspyrnu á stórhættulegum stað eftir að Phil Jones brýtur á Granit Xhaka. Hvað verður úr þessu?
52. mín
Basel á nokkuð hættulega sókn sem endar með skoti Xherdan Shaqiri rétt framhjá markinu!
50. mín
Rooney í hörkufæri!! Hann fær frábæra sendingu inn fyrir en skýtur rétt framhjá markinu!
49. mín
Ferguson í hálfleik: Við þurfum að halda áfram boltanum og sýna þolinmæði. Við erum að spila mjög vel og við höfum verið nálægt þessu, vonandi náum við að skora. Nani hefur staðið sig frábærlega og ef það heldur áfram mun hann vonandi skapa marktækifæri fyrir okkur.
Sindri Sigurjónsson
Er ekki að nenna United þessa dagana ! Eins gott að þeir klári þetta bio ! #letsavittt #fotbolti
47. mín
Það er ljóst á Twitter að stuðningsmenn Man Utd eru almennt ekkert sérlega hrifnir af Jonny Evans. Maður veltir því óneitanlega fyrir sér af hverju þeir færðu Phil Jones ekki frekar í vörnina og settu Darren Fletcher inn á miðju.
46. mín
Seinni hálfleikur í Basel er hafinn. Spennuþrungnar 45 mínútur framundan!
S. Mikael Jónsson
Er ég einn um það að hafa týnt kúlunum upp í maga við að sjá hnéð á Vidic beyglast þarna og marka endalok tímabilsins hjá Man Utd? #fotbolti
Máni Steinn Ómarsson
Alltaf verður það betra og betra, tilhugsunin um Evans í hafsent þetta tímabilið hræðir mig meira en Freddy Kruger. #Helvítis

Stefán Snær Stefánsson
Djöfull væri fyndið ef Evans myndi skora, set pylsu og kók frá IKEA á mark frá honum #fotbolti #CL #ÉgErBetriEnHann
45. mín
Þess má geta að eins og staðan er núna, þá er Man Utd eina enska liðið sem er ekki á leið í 16 liða úrslitin. Maður veltir því fyrir sér hver stuðullinn á það hefði verið fyrir mót..
45. mín
Það hefur verið flautað til leikhlés á St Jakobs park í Basel og staðan er 1-0 heimamönnum í vil. Hver hefði trúað því? United menn hafa sótt grimmt seinni hlutann af fyrri hálfleiknum, en ekki tekist að nýta sér það. Nemanja Vidic, fyrirliði, er farinn af velli meiddur og allt getur gerst. Dramatíkin er í hámarki!
45. mín Gult spjald: Ashley Young (Man Utd)
45. mín
Það er þremur mínútum bætt við fyrri hálfleikinn. Það er hálfur sigur unninn fyrir Basel ef þeir komast í leikhléið í stöðunni 1-0, en þeir hafa eytt síðustu 20 mínútum í nauðvörn, þrátt fyrir að hafa reyndar átt ágætis marktilraun rétt í þessu.
Heiðar Ingi Helgason
Evans, maður fólksins mættur, nú má pakka saman og bíða eftir drættinum liverpoolcup #fotbolti
43. mín
Inn:Henrikh Mkhitaryan (Man Utd) Út:Jesse Lingaard (Man Utd)
Fyrirliðinn Vidic er borinn af velli á sjúkrabörum. Þetta eru gríðarlega alvarleg tíðindi fyrir United menn, það munar svo sannarlega um Vidic í vörninni. Inn í hans stað kemur Jonny Evans.
42. mín
Nemanja Vidic liggur óvígur í grasinu eftir viðskipti sín við Marco Streller. Hann virðist hafa tognað illa og veifar strax til bekkjarins, hægri löppin fer alveg í mask.
40. mín
Ashley Young reynir skot en Sommer er öruggur í markinu og heldur boltanum. Flest skot United manna hafa ratað beint á hinn unga markvörð með flotta skeggið.
Haukur Örn Harðarson
Ánægður að sjá það að Entourage-hetjan Johnny Drama er tískufyrirmynd einhversstaðar í heiminum, skeggið á Yann Sommer er gucci. #fotbolti
37. mín
Nani er felldur rétt fyrir utan vítateig Basel og aukaspyrna réttilega dæmd. Spurning hvort að gestirnir nái að gera sér mat úr þessu.
36. mín
Markið liggur í loftinu! United menn liggja í sókn og þarna munaði minnstu að Nani jafnaði metin, en Basel mönnum tókst naumlega að bjarga.
36. mín
Ryan Giggs með frábæra sendingu inn á Rooney en skot hans er ekki nógu gott og fer beint á Sommer í markinu.
35. mín
United aðeins að herða tökin með Nani fremstan í flokki. Þeir byrjuðu leikinn betur en virtust frjósa eftir að þeir fengu á sig markið. Undanfarnar mínútur hafa þeir þó verið að lifna við.
Arnar Skúli Atlason
Shaqiri í manutd hann er sjúkur!!! #alltaftilíáras #fotbolti
30. mín
HVERNIG FÓR UNITED AÐ ÞVÍ AÐ JAFNA EKKI METIN??? Nani kemur með frábæra fyrirgjöf, Rooney hefur nánast autt markið fyrir framan sig en hittir ekki boltann. Park reynir að fylgja eftir en skýtur beint á Sommer í markinu. Þvílíkt DAUÐAFÆRI sem Rooney klúðraði þarna!
28. mín Gult spjald: Behrang Safari (Basel)
Hef varla sleppt orðinu þegar Xhaka fær gult spjald fyrir brot á Nani.
27. mín
Nokkrir leikmenn Basel spiluðu með U21 landsliði Sviss á EM í Danmörku síðasta sumar. Má nefna Granit Xhaka, undrabarnið Xherdan Shaqiri og markvörðinn Yann Sommer. Þeir munu örugglega mæta með landsliði Sviss til Íslands þegar liðin mætast í undankeppni HM 2014.
24. mín
Hræðileg ákvarðanataka hjá Nani. Hann kemst inn í slaka sendingu Basel manna en ákveður að skjóta af 40 metra færi og er sá bolti allan tímann á leið framhjá. Hann hefði getað farið lengra, eða bara gert eitthvað annað.
23. mín
Þess má einnig geta að Benfica er 1-0 yfir gegn Otelul Galati, þannig að sama hvernig þessi leikur fer, þá vinna þeir riðilinn ef staðan í Portúgal breytist ekki.
20. mín
United gengur illa að skapa sér færi gegn agaðri vörn heimamanna. Það er þó ekki eins og að Basel liggi í vörn, þeim gengur ágætlega að sækja líka þó að það vanti yfirleitt upp á síðustu sendinguna hjá þeim.
Zlatko krickic
Streller svakalegur markaskorari #fótbolti #CL
11. mín
Hefði kannski verið ósanngjarnt að stöðva leikinn. Þó að þetta hafi að vísu verið höfuðmeiðsli, þá var Basel í bullandi sókn og Smalling fékk höggið frá eigin leikmanni, Nemanja Vidic. En þessa stundina er Basel á leið upp úr riðlinum, að sjálfsögðu nóg eftir.
9. mín MARK!
Marco Streller (Basel)
HEIMAMENN Í BASEL ERU KOMNIR YFIR EFTIR FÁRÁNLEGAN VARNARLEIK MAN UTD!!! SHAQIRI KEMUR BOLTANUM Á ENDANUM FYRIR, DE GEA SPARKAR BOLTANUM ÚT EN BEINT Á MARCO STRELLER SEM SETUR KNÖTTINN Í NETIÐ!!!! KLAUFLEGT HJÁ DE GEA, EN HINS VEGAR HÉLT LEIKURINN ÁFRAM ÞÓ AÐ CHRIS SMALLING LÆGI ÓVÍGUR EFTIR Í TEIGNUM EFTIR HÖFUÐHÖGG!!
5. mín
Gestirnir mæta ákveðnari til leiks og eru nánast einvörðungu með boltann fyrstu fimm mínúturnar. Þeir hafa þó ekki enn skapað sér nein góð færi þó að Park hafi átt ágætis tilraun áðan sem fór yfir.
1. mín
Þessi gríðarlega mikilvægi leikur er hafinn og það eru gestirnir í Manchester United sem byrja með boltann.
Fyrir leik
Leikmenn taka í höndina á hollenskum dómara leiksins. Við erum að tala um örfáar sekúndur, dömur mínar og herrar. Partýið er að byrja!
Fyrir leik
Rúmar fimm mínútur í leik - spennan magnast - allt er undir! 90 mínútur af taugatrekkjandi, æsispennandi, blóðugri knattspyrnu. Tvö lið með stóra drauma, leikmenn annars þeirra munu fagna eins og óðir menn þegar lokaflautið gellur, leikmenn hins liðsins munu gráta. Þetta er Meistaradeild Evrópu, dömur mínar og herrar - sterkasta knattspyrnudeild heims!
Fyrir leik
Mark Lawrenson, sérfræðingur hjá BBC: "Ég held að United muni vinna þægilegan sigur, þeir stilla upp sterku liði í kvöld. Lykillinn er Nemanja Vidic. Það skiptir ekki máli hver spilar með honum í vörninni, hann er lykilmaðurinn."
Hörður Magnússon íþróttafréttamaður á Stöð 2 Sport
Giggs og Jones inn á miðjunni hjá Utd. Fletcher á bekknum kemur á óvart. #BaselvsManU
Fyrir leik
Wayne Rooney, framherji Manchester United, fær að vita á fimmtudaginn hvort að áfrýjun hans á þriggja leikja banni með landsliðinu hafi virkað, en hann fékk rautt spjald í lokaleik undankeppninnar gegn Svartfjallalandi. Eins og staðan er núna gæti Rooney því ekki tekið þátt í riðlakeppninni á Evrópumótinu.

Sir Alex Ferguson harðneitar því þó að málið hafi áhrif á hugarfar og spilamennsku Rooney og segir hann framherjann vera fullkomlega einbeittan að leiknum.
Fyrir leik
Fyrri leikur þessara liða á Old Trafford var magnaður. United komst nokkuð auðveldlega í 2-0 en þá tóku Svisslendingarnir fyrir sig og skoruðu þrjú mörk. Ashley Young tókst hins vegar að jafna metin á lokamínútunum og er það marki hans að þakka að Englandsmeisturunum dugir jafntefli.
Fyrir leik
St Jakobs leikvangurinn er magnað mannvirki, einn flottasti leikvangur sem undirritaður hefur komið á. Þarna atti KR kappi við Basel í undankeppni Evrópudeildarinnar fyrir nokkrum árum og voru stuðningsmenn þeirra svissnesku magnaðir, þrátt fyrir að völlurinn hafi ekki verið troðinn.

Þessi leikvangur var hannaður af þeim sömu og teiknuðu Allianz Arena, glæsilegan heimavöll Bayern Munchen.
Bjarki Þór Jóhannsson
nú er komið að því að mitt lið #manutd fari að sýnahvað í þeim býr #fotbolti
Fyrir leik
Á síðustu 16 tímabilum sínum í Meistaradeildinni hefur Manchester United einungis tvisvar mistekist að komast upp úr riðlinum. Þess má einnig geta að United hefur ekki tapað útileik í keppninni átta sinnum í röð.
Fyrir leik
Flestir lesenda okkar á Facebook eru á því að United sé á leið áfram í 16 liða úrslitin en að City muni detta út í kvöld.
Fyrir leik
Þá eru bæði lið dottin inn í öllu sínu veldi. Danny Welbeck er á bekknum þrátt fyrir orðróma þess efnis að hann yrði í byrjunarliðinu, en annars virðist United nokkurn veginn vera að stilla upp sínu sterkasta liði. Ungir menn á borð við Jones í bland við reynda menn á borð við Giggs.
Fyrir leik
Við hvetjum lesendur að sjálfsögðu til að vera duglegir að tjá sig um leikinn á Twitter og nota hashtaggið #fotbolti. Vel valdar færslur verða birtar hér í textalýsingunni - hefurðu eitthvað af viti sem þú vilt segja? Twitter er staðurinn!
Fyrir leik
Það er von á svakalegu kvöldi. Chelsea og Arsenal unnu bæði sína riðla í Meistaradeildinni en nú er allt undir hjá báðum Manchester liðunum. Ljóst er að það yrði mikið áfall fyrir United að komast ekki áfram, en þeir hafa komist í þrjá af síðustu fjórum úrslitaleikjum Meistaradeildarinnar. Þeir eiga þó talsvert betri möguleika en nágrannar sínir í Manchester City, sem þurfa að treysta á önnur úrslit.
Fyrir leik
Byrjunarlið Manchester United er dottið í hús og má sjá það hér hægra megin. Lið Basel kemur inn eins fljótt og auðið er.
Fyrir leik
Fyrir leiki kvöldsins er staðan í C-riðli þessi:

1. Benfica 9 stig
2. Man Utd 9 stig
3. Basel 8 stig
4. Otelul Galati 0 stig

Benfica er eina liðið sem öruggt er áfram en Manchester United og Basel munu berjast um annað sæti riðilsins. Að vísu geta bæði lið unnið riðilinn ef úrslitin í leik Benfica og Otelul Galati verða þeim hagstæð - en við munum að sjálfsögðu fylgjast með gangi mála í þeim leik.
Fyrir leik
Góða kvöldið kæru lesendur og verið velkomin í beina textalýsingu frá leik Basel og Manchester United í lokaumferð C-riðils í Meistaradeild Evrópu.
Byrjunarlið:
1. David de Gea (m)
13. Anders Lindegaard (m) ('82)
4. Phil Jones
5. Marcos Rojo
7. Angel Di Maria
8. Juan Mata
10. Wayne Rooney
11. Adnan Januzaj
12. Chris Smalling
14. Jesse Lingaard ('43)
18. Ashley Young ('65)

Varamenn:
21. Ander Herrera ('65)
22. Henrikh Mkhitaryan ('43)
24. Timothy Fosu-Mensah
26. Shinji Kagawa
27. Federico Macheda ('82)
28. Alexander Büttner
36. Matteo Darmian

Liðsstjórn:

Gul spjöld:
Ashley Young ('45)
Marcos Rojo ('87)

Rauð spjöld: