Ég veit ekki alveg hvað vallaþulurinn og poppstjarnan Friðrik Dór er að spá með lagavalinu hér í krikanum fyrir leik. Það er kórstemmning!

Kristján Guðmundsson gerir breytingar á liðinu sem tapaði í úrslitaleiknum í bikarnum á móti KR. Sigurbergur Elísson og Unnar Már Unnarsson koma inn í liðið en þeir Jóhanns Birnis Guðmundssonar og Halldórs Kristins Halldórssonar eru að glíma við meiðsli.

Heimir Guðjóns gerir þrjár breytingar frá síðasta leik FH sem var á móti ÍBV þar sem FH gerði jafntefli. Davíð Þór Viðarsson, Ingimundur Níels Óskarsson og Brynjar Ásgeir Guðmunsson koma inn en Atli Guðnason og Atli Viðar Björnsson setjast á bekkinn. Sean Reynolds er meiddur.

Held að mér sé óhætt að segja að það séu flestir knattspyrnuáhugamenn á Íslandi sem séu að bíða eftir leik Stjörnunnar - Inter sem fram fer kl. 21:00 í kvöld. En vonandi munu þó stuðningsmenn FH og Keflvíkinga flykkjast í Krikann þar sem sólin skín og veðrið er gott og styðji sitt lið.

Það er enginn annar en Þóroddur Hjaltalín sem heldur utan um flautuna og spjöldin í kvöld. Honum til aðstoðar eru þeir Birkir Sigurðarson og Haukur Erlingsson

Í fyrri umferðinni í sumar áttust liðin við í Keflavík eins og gefur að skilja þar sem þessi leikur fer fram í Krikanum. Þar skildu liðin jöfn 1 - 1 þar sem Atli Viðar Björnsson jafnaði metin á 86 mínútu leiksins. Það er vonandi að það verði fleiri mörk skoruð í þessum leik.

FH er fyrir leikinn í dag í öðru sæti deildarinnar með 32 stig en á leik upp á topplið Stjörnunnar. Með sigri endurheimtir FH toppsætið. Keflavík er í 6. sætinu með 18 stig.

Góðan og blessaðan daginn og komiði sæl og blessuð. Verið velkomin í beina textalýsingu frá leik FH og Keflavíkur í Pepsí deild karla. Leikurinn hefst klukkan 18:00 og fram að þeim tíma mun ég reyna að koma með einhverjar skemmtilegar upplýsingar.